ਰਿਸ਼ਭ ਪੰਤ ਨੇ ਦਿੱਲੀ ਕੈਪੀਟਲਜ਼ ਵਲੋਂ ਰਿਟੇਨ ਨਾ ਕੀਤੇ ਜਾਣ ''ਤੇ ਤੋੜੀ ਚੁੱਪੀ
Tuesday, Nov 19, 2024 - 04:53 PM (IST)
ਨਵੀਂ ਦਿੱਲੀ- ਰਿਸ਼ਭ ਪੰਤ ਨੇ ਇੰਡੀਅਨ ਪ੍ਰੀਮੀਅਰ ਲੀਗ ਦੀ ਮੈਗਾ ਨਿਲਾਮੀ ਤੋਂ ਪਹਿਲਾਂ ਮਹਾਨ ਬੱਲੇਬਾਜ਼ ਸੁਨੀਲ ਗਾਵਸਕਰ ਦੇ ਉਸ ਮੁਲਾਂਕਣ ਨੂੰ ਖਾਰਜ ਕਰ ਦਿੱਤਾ ਹੈ ਕਿ ਉਨ੍ਹਾਂ ਦੀ ਰਿਟੇਨਸ਼ਨ ਫੀਸ ਨੂੰ ਲੈ ਕੇ ਮਤਭੇਦ ਕਾਰਨ ਉਨ੍ਹਾਂ ਨੇ ਦਿੱਲੀ ਕੈਪੀਟਲਜ਼ ਛੱਡੀ ਸ। ਪੰਤ ਪਿਛਲੇ ਸਾਲ ਇੱਕ ਭਿਆਨਕ ਕਾਰ ਹਾਦਸੇ ਤੋਂ ਬਾਅਦ ਦਿੱਲੀ ਕੈਪੀਟਲਜ਼ ਦੀ ਕਪਤਾਨੀ ਵਿੱਚ ਵਾਪਸ ਆਏ ਸਨ। ਉਹ ਉਨ੍ਹਾਂ ਮਾਰਕੀ ਖਿਡਾਰੀਆਂ ਵਿੱਚੋਂ ਇੱਕ ਹੈ ਜਿਨ੍ਹਾਂ ਨੂੰ ਟੀਮ ਨੇ ਬਰਕਰਾਰ ਨਹੀਂ ਰੱਖਿਆ ਹੈ।
ਸਾਊਦੀ ਅਰਬ ਦੇ ਜੇਦਾਹ 'ਚ 24 ਅਤੇ 25 ਨਵੰਬਰ ਨੂੰ ਹੋਣ ਵਾਲੀ ਨਿਲਾਮੀ 'ਚ ਪੰਤ ਦਾ ਧਿਆਨ ਕੇਂਦਰਿਤ ਹੋਵੇਗਾ। ਪੰਤ ਨੇ ਐਕਸ 'ਤੇ ਲਿਖਿਆ, "ਮੇਰੀ ਧਾਰਨਾ ਪੈਸੇ ਬਾਰੇ ਨਹੀਂ ਸੀ। ਮੈਂ ਇਹ ਯਕੀਨ ਨਾਲ ਕਹਿ ਸਕਦਾ ਹਾਂ।'' ਗਾਵਸਕਰ ਨੇ ਕਿਹਾ ਸੀ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਦਿੱਲੀ ਦੀ ਟੀਮ ਪੰਤ ਨੂੰ ਫਿਰ ਤੋਂ ਖਰੀਦੇਗੀ। ਉਸ ਨੇ ਇਹ ਵੀ ਕਿਹਾ ਸੀ ਕਿ ਸ਼ਾਇਦ ਪੰਤ ਨੇ ਫੀਸ ਨੂੰ ਲੈ ਕੇ ਫਰੈਂਚਾਇਜ਼ੀ ਨਾਲ ਮਤਭੇਦ ਕਾਰਨ ਟੀਮ ਛੱਡ ਦਿੱਤੀ ਹੈ।
ਗਾਵਸਕਰ ਨੇ ਸਟਾਰ ਸਪੋਰਟਸ ਨੂੰ ਕਿਹਾ, ''ਨਿਲਾਮੀ ਦੇ ਸਮੀਕਰਨ ਵੱਖਰੇ ਹਨ। ਸਾਨੂੰ ਨਹੀਂ ਪਤਾ ਕਿ ਇਹ ਕਿਵੇਂ ਹੋਵੇਗਾ। ਪਰ ਮੇਰਾ ਮੰਨਣਾ ਹੈ ਕਿ ਦਿੱਲੀ ਦੀ ਟੀਮ ਰਿਸ਼ਭ ਪੰਤ ਨੂੰ ਫਿਰ ਤੋਂ ਖਰੀਦਣਾ ਚਾਹੇਗੀ। ਕਈ ਵਾਰ ਰਿਟੇਨਿੰਗ ਸਮੇਂ ਫ੍ਰੈਂਚਾਇਜ਼ੀ ਅਤੇ ਖਿਡਾਰੀ ਵਿਚਾਲੇ ਫੀਸ ਨੂੰ ਲੈ ਕੇ ਬਹਿਸ ਹੁੰਦੀ ਹੈ। ਉੱਥੇ ਵਿਚਾਰ ਦੇ ਕੁਝ ਮਤਭੇਦ ਹੋ ਸਕਦੇ ਹਨ।
