ਰੇਹਾਨ ਥਾਮਸ ਆਪਣੇ ਦੂਜੇ ਪੇਸ਼ੇਵਰ ਟੂਰਨਾਮੈਂਟ ''ਚ ਚੋਟੀ ਦੇ 10 ''ਚ ਸ਼ਾਮਲ ਰਿਹਾ

ਰਾਬਾਤ (ਮੋਰੱਕੋ), (ਭਾਸ਼ਾ) ਭਾਰਤ ਦੇ ਰੇਹਾਨ ਥਾਮਸ ਨੇ ਆਪਣੇ ਦੂਜੇ ਪੇਸ਼ੇਵਰ ਟੂਰਨਾਮੈਂਟ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ 20 ਲੱਖ ਡਾਲਰ ਇਨਾਮੀ ਅੰਤਰਰਾਸ਼ਟਰੀ ਸੀਰੀਜ਼ ਮੋਰੱਕੋ ਗੋਲਫ ਟੂਰਨਾਮੈਂਟ 'ਚ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਕਰਦੇ ਹੋਏ ਚੋਟੀ  ਦੇ 10 ਵਿਚ ਬਣਾਈ। ਦੁਬਈ ਵਿੱਚ ਰਹਿਣ ਵਾਲੇ ਇਸ ਭਾਰਤੀ ਖਿਡਾਰੀ ਨੇ ਚਾਰ ਰਾਊਂਡ ਵਿੱਚ 69-73-69-72 ਦਾ ਸਕੋਰ ਬਣਾਇਆ। ਉਸ ਦਾ ਕੁੱਲ ਜੋੜ ਨੌਂ ਅੰਡਰ ਰਿਹਾ, ਜਿਸ ਨਾਲ ਉਹ ਅੱਠਵੇਂ ਨੰਬਰ 'ਤੇ ਰਿਹਾ। 

ਇਸ ਮੁਕਾਬਲੇ ਵਿੱਚ ਭਾਰਤ ਦੇ 16 ਖਿਡਾਰੀਆਂ ਨੇ ਭਾਗ ਲਿਆ, ਜਿਨ੍ਹਾਂ ਵਿੱਚੋਂ ਸਿਰਫ਼ ਪੰਜ ਖਿਡਾਰੀ ਹੀ ਕੱਟ 'ਚ ਜਗ੍ਹਾ ਬਣਾ ਸਕੇ। ਭਾਰਤੀ ਖਿਡਾਰੀਆਂ ਵਿੱਚ ਰੇਹਾਨ ਦਾ ਪ੍ਰਦਰਸ਼ਨ ਸਭ ਤੋਂ ਵਧੀਆ ਰਿਹਾ। ਕਟ 'ਚ ਜਗ੍ਹਾ ਬਣਾਉਣ ਵਾਲੇ ਹੋਰ ਭਾਰਤੀ ਖਿਡਾਰੀਆਂ ਵਿੱਚ ਵੀਰ ਅਹਲਾਵਤ (73) 29ਵੇਂ, ਓਲੰਪਿਕ ਦੀ ਤਿਆਰੀ 'ਚ ਲੱਗੇ ਗਗਨਜੀਤ ਭੁੱਲਰ (79) ਅਤੇ ਵਰੁਣ ਚੋਪੜਾ (74) 33ਵੇਂ ਅਤੇ ਰਾਸ਼ਿਦ ਖਾਨ (74) 37ਵੇਂ ਸਥਾਨ ’ਤੇ ਰਹੇ। ਨਿਊਜ਼ੀਲੈਂਡ ਦੇ ਬੇਨ ਕੈਂਪਬੈਲ ਨੇ ਜਾਨ ਕੈਟਲਿਨ ਨੂੰ ਹਰਾ ਕੇ ਖ਼ਿਤਾਬ ਜਿੱਤਿਆ।