ਪਾਕਿਸਤਾਨੀ ਹਾਕੀ ਟੀਮ ਮੈਨੇਜਰ ਜਹਾਜ਼ ਵਿੱਚ ਸਿਗਰਟਨੋਸ਼ੀ ਕਰਦਾ ਫੜਿਆ ਗਿਆ

ਕਰਾਚੀ-  ਸਾਬਕਾ ਓਲੰਪੀਅਨ ਅਤੇ ਮੈਨੇਜਰ ਦੇ ਤੌਰ 'ਤੇ FIH ਪ੍ਰੋ ਲੀਗ ਲਈ ਪਾਕਿਸਤਾਨ ਦੀ ਸੀਨੀਅਰ ਟੀਮ ਨਾਲ ਅਰਜਨਟੀਨਾ ਗਿਆ ਅੰਜੁਮ ਸਈਦ ਉਦੋਂ ਮੁਸੀਬਤ ਵਿੱਚ ਫਸ ਗਿਆ ਜਦੋਂ ਉਸਨੂੰ ਬ੍ਰਾਜ਼ੀਲ ਦੇ ਰੀਓ ਡੀ ਜਨੇਰੀਓ ਹਵਾਈ ਅੱਡੇ 'ਤੇ ਰਿਫਿਊਲਿੰਗ ਦੌਰਾਨ ਸਿਗਰਟਨੋਸ਼ੀ ਕਰਦੇ ਹੋਏ ਹੋਏ ਫੜਿਆ ਗਿਆ। ਇਸੇ ਕਾਰਨ ਅੰਜੁਮ ਤੇ ਇੱਕ ਪਾਕਿਸਤਾਨੀ ਖਿਡਾਰੀ ਨੂੰ ਨੂੰ ਦੁਬਈ ਜਾਣ ਵਾਲੀ ਉਡਾਣ ਵਿੱਚ ਚੜ੍ਹਨ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ। 

ਇੱਕ ਮਸ਼ਹੂਰ ਡਿਫੈਂਡਰ ਅਤੇ ਮਿਡਫੀਲਡਰ ਅੰਜੁਮ, 1992 ਦੇ ਓਲੰਪਿਕ ਸੈਮੀਫਾਈਨਲ ਵਿੱਚ ਖੇਡੀ ਸੀ। ਉਸਨੂੰ ਟੀਮ ਦੇ ਮੈਨੇਜਰ ਵਜੋਂ ਅਰਜਨਟੀਨਾ ਭੇਜਿਆ ਗਿਆ ਸੀ। ਇਸ ਹਫ਼ਤੇ ਘਰ ਵਾਪਸ ਆਉਣ ਤੋਂ ਬਾਅਦ, ਉਹ ਹੁਣ ਦਾਅਵਾ ਕਰ ਰਿਹਾ ਹੈ ਕਿ ਉਹ ਦੁਬਈ ਵਿੱਚ ਨਿੱਜੀ ਕਾਰੋਬਾਰ ਕਾਰਨ ਟੀਮ ਨਾਲ ਵਾਪਸ ਨਹੀਂ ਆਇਆ। ਹਾਲਾਂਕਿ, ਪਾਕਿਸਤਾਨ ਸਪੋਰਟਸ ਬੋਰਡ ਦੇ ਇੱਕ ਅਧਿਕਾਰੀ ਨੇ ਕਿਹਾ ਕਿ ਉਨ੍ਹਾਂ ਨੇ ਪਾਕਿਸਤਾਨ ਹਾਕੀ ਫੈਡਰੇਸ਼ਨ ਨੂੰ ਇਸ ਘਟਨਾ ਦੀ ਸੁਤੰਤਰ ਜਾਂਚ ਕਰਨ ਦੀ ਬੇਨਤੀ ਕੀਤੀ ਹੈ ਕਿਉਂਕਿ ਇਹ ਪਾਕਿਸਤਾਨ ਦੀ ਅਕਸ ਨੂੰ ਖਰਾਬ ਕਰਦੀ ਹੈ। ਉਸ ਨੇ ਕਿਹਾ, "ਅਜਿਹਾ ਲੱਗਦਾ ਹੈ ਕਿ ਅੰਜੁਮ ਅਤੇ ਇੱਕ ਹੋਰ ਖਿਡਾਰੀ ਨੇ ਮੈਨੇਜਰ ਨੂੰ ਜਹਾਜ਼ ਵਿੱਚ ਰਿਫਿਊਲਿੰਗ ਦੌਰਾਨ ਸਿਗਰਟਨੋਸ਼ੀ ਕਰਨ ਤੋਂ ਬਾਅਦ ਮਾਮਲਾ ਭੱਖ ਗਿਆ।''