ਨਾਗਲ ਅਮਰੀਕੀ ਓਪਨ ਦੇ ਪਹਿਲੇ ਦੌਰ ਵਿੱਚ ਬਾਹਰ

ਨਿਊਯਾਰਕ, (ਭਾਸ਼ਾ) ਭਾਰਤ ਦੇ ਚੋਟੀ ਦੇ ਖਿਡਾਰੀ ਸੁਮਿਤ ਨਾਗਲ ਇੱਥੇ ਸ਼ੁਰੂਆਤੀ ਦੌਰ ਵਿਚ ਨੀਦਰਲੈਂਡ ਦੇ ਟੈਲੋਨ ਗ੍ਰੀਕਸਪੁਰ ਤੋਂ ਸਿੱਧੇ ਸੈੱਟਾਂ ਵਿਚ ਹਾਰ ਕੇ ਅਮਰੀਕੀ ਓਪਨ ਟੈਨਿਸ ਟੂਰਨਾਮੈਂਟ ਦੇ ਪੁਰਸ਼ ਸਿੰਗਲਜ਼ ਤੋਂ ਬਾਹਰ ਹੋ ਗਏ। ਨਾਗਲ ਨੇ ਆਪਣੇ ਪਹਿਲੇ ਸਰਵ 'ਤੇ ਸੰਘਰਸ਼ ਕੀਤਾ ਅਤੇ ਸੋਮਵਾਰ ਰਾਤ ਨੂੰ ਖੇਡੇ ਗਏ ਮੈਚ 'ਚ ਗ੍ਰਿਕਸਪੁਰ ਤੋਂ 1-6, 3-6, 6-7 (8) ਨਾਲ ਹਾਰ ਗਿਆ। 

ਦੋ ਘੰਟੇ 20 ਮਿੰਟ ਤੱਕ ਚੱਲੇ ਇਸ ਮੈਚ ਵਿੱਚ ਨਾਗਲ ਨੇ ਆਪਣੇ ਵਿਰੋਧੀ ਨੂੰ ਦੋ ਵਾਰ ਤੋੜਿਆ ਜਦੋਂਕਿ ਡੱਚਮੈਨ ਨੇ ਆਪਣੇ 11 ਵਿੱਚੋਂ ਛੇ ਬਰੇਕ ਪੁਆਇੰਟ ਮੌਕੇ ਵਿੱਚ ਬਦਲ ਦਿੱਤੇ। ਝੱਜਰ ਤੋਂ 27 ਸਾਲਾ ਨਾਗਲ ਨੂੰ ਆਪਣੀ ਲੈਅ ਲੱਭਣ ਵਿੱਚ ਕੁਝ ਸਮਾਂ ਲੱਗਾ। ਉਸ ਨੇ ਸ਼ੁਰੂ ਵਿਚ ਕਈ ਗ਼ਲਤੀਆਂ ਕੀਤੀਆਂ ਜਿਸ ਦਾ ਨਤੀਜਾ ਉਸ ਨੂੰ ਅੰਤ ਵਿਚ ਭੁਗਤਣਾ ਪਿਆ।

ਦੂਜੇ ਸੈੱਟ ਵਿੱਚ ਜਦੋਂ ਨਾਗਲ 3-5 ਨਾਲ ਪਿੱਛੇ ਚੱਲ ਰਿਹਾ ਸੀ ਤਾਂ ਹਲਕੀ ਬਾਰਿਸ਼ ਕਾਰਨ ਖੇਡ ਨੂੰ ਰੋਕਣਾ ਪਿਆ। ਇਸ ਤੋਂ ਬਾਅਦ ਉਸ ਨੇ ਕੁਝ ਚੰਗਾ ਪ੍ਰਦਰਸ਼ਨ ਕੀਤਾ ਪਰ ਇਹ ਜਿੱਤ ਲਈ ਕਾਫੀ ਨਹੀਂ ਸੀ। ਨਾਗਲ ਹੁਣ ਪੁਰਸ਼ ਡਬਲਜ਼ ਵਿੱਚ ਆਪਣੀ ਚੁਣੌਤੀ ਪੇਸ਼ ਕਰੇਗਾ। ਪੁਰਸ਼ ਡਬਲਜ਼ ਵਿੱਚ ਭਾਰਤ ਦੇ ਰੋਹਨ ਬੋਪੰਨਾ, ਯੂਕੀ ਭਾਂਬਰੀ, ਐਨ ਸ੍ਰੀਰਾਮ ਬਾਲਾਜੀ ਅਤੇ ਨਾਗਲ ਵੱਖ-ਵੱਖ ਜੋੜੀਦਾਰਾਂ ਨਾਲ ਖੇਡਣਗੇ।