ਮੇਸੀ ਦਾ ਤੂਫਾਨ, ਦੋ ਗੋਲ ਦਾਗ ਕੇ ਇੰਟਰ ਮਿਆਮੀ ਨੂੰ ਦਿਵਾਈ ਰੋਮਾਂਚਕ ਜਿੱਤ

ਸਿਨਸਿਨਾਟੀ, ਓਹੀਓ- ਲਿਓਨਲ ਮੇਸੀ ਦੇ ਸ਼ਾਨਦਾਰ ਦੋ ਗੋਲਾਂ ਦੀ ਬਦੌਲਤ ਇੰਟਰ ਮਿਆਮੀ ਸੀਐਫ (Inter Miami CF) ਨੇ ਐਮਐਲਐਸ ਵਿੱਚ ਧਮਾਕੇਦਾਰ ਵਾਪਸੀ ਕਰਦਿਆਂ ਐਫਸੀ ਸਿਨਸਿਨਾਟੀ ਨੂੰ 5-3 ਨਾਲ ਹਰਾ ਦਿੱਤਾ ਹੈ। ਸਿਨਸਿਨਾਟੀ ਦੇ ਟੀਕਿਊਐਲ (TQL) ਸਟੇਡੀਅਮ ਵਿੱਚ ਖੇਡੇ ਗਏ ਇਸ ਰੋਮਾਂਚਕ ਮੁਕਾਬਲੇ ਵਿੱਚ ਇੰਟਰ ਮਿਆਮੀ ਨੇ ਪਛੜਨ ਦੇ ਬਾਵਜੂਦ ਸ਼ਾਨਦਾਰ ਵਾਪਸੀ ਕੀਤੀ ਅਤੇ ਤਿੰਨ ਅਹਿਮ ਅੰਕ ਹਾਸਲ ਕੀਤੇ।

ਬਣਾਇਆ ਇਤਿਹਾਸਕ ਰਿਕਾਰਡ 
ਇਸ ਜਿੱਤ ਦੇ ਨਾਲ ਇੰਟਰ ਮਿਆਮੀ ਨੇ ਐਮਐਲਐਸ ਦੇ ਇਤਿਹਾਸ ਵਿੱਚ ਸ਼ੁਰੂਆਤੀ 9 ਅਵੇ ਮੈਚਾਂ (away matches) ਵਿੱਚ ਸਭ ਤੋਂ ਵੱਧ 22 ਅੰਕ ਹਾਸਲ ਕਰਨ ਦੇ ਰਿਕਾਰਡ ਦੀ ਬਰਾਬਰੀ ਕਰ ਲਈ ਹੈ।