ਲੈਟਿਨ ਹੈਵਿਟ ਆਪਣੇ ਪੁੱਤਰ ਕਰੂਜ਼ ਨਾਲ ਜੋੜੀ ਬਣਾ ਕੇ ਟੈਨਿਸ ਵਿੱਚ ਕਰਨਗੇ ਵਾਪਸੀ

ਸਿਡਨੀ— ਦੋ ਵਾਰ ਦੇ ਗ੍ਰੈਂਡ ਸਲੈਮ ਸਿੰਗਲਜ਼ ਚੈਂਪੀਅਨ ਲੈਟਿਨ ਹੈਵਿਟ ਆਪਣੇ 16 ਸਾਲਾ ਪੁੱਤਰ ਕਰੂਜ਼ ਨਾਲ ਨਿਊ ਸਾਊਥ ਵੇਲਜ਼ ਓਪਨ ਏਟੀਪੀ ਚੈਲੇਂਜਰ ਵਿੱਚ ਜੋੜੀ ਬਣਾ ਕੇ ਪ੍ਰਤੀਯੋਗੀ ਟੈਨਿਸ ਵਿੱਚ ਵਾਪਸੀ ਕਰਨਗੇ। 44 ਸਾਲਾ ਸਾਬਕਾ ਵਿਸ਼ਵ ਨੰਬਰ ਇੱਕ ਖਿਡਾਰੀ ਨੇ 2001 ਵਿੱਚ ਯੂਐਸ ਓਪਨ ਅਤੇ 2002 ਵਿੱਚ ਵਿੰਬਲਡਨ ਜਿੱਤਿਆ ਸੀ। 

ਉਸ ਨੇ ਅਧਿਕਾਰਤ ਤੌਰ 'ਤੇ 2016 ਵਿੱਚ ਸੰਨਿਆਸ ਲੈ ਲਿਆ ਪਰ ਆਸਟ੍ਰੇਲੀਆ ਵਿੱਚ ਚੋਣਵੇਂ ਟੂਰਨਾਮੈਂਟਾਂ ਵਿੱਚ ਡਬਲਜ਼ ਖੇਡਣਾ ਜਾਰੀ ਰੱਖਦਾ ਹੈ। ਉਹ ਵਰਤਮਾਨ ਵਿੱਚ ਆਸਟ੍ਰੇਲੀਆ ਦੀ ਡੇਵਿਸ ਕੱਪ ਟੀਮ ਦਾ ਕਪਤਾਨ ਵੀ ਹੈ। ਪਿਤਾ-ਪੁੱਤਰ ਦੀ ਜੋੜੀ ਪਹਿਲੇ ਦੌਰ ਵਿੱਚ ਸਾਥੀ ਆਸਟ੍ਰੇਲੀਆਈ ਹੇਡਨ ਜੋਨਸ ਅਤੇ ਪਾਵੇਲ ਮਾਰੀਨਕੋਵ ਦਾ ਸਾਹਮਣਾ ਕਰੇਗੀ।