ਸੈਮਸਨ-ਤਿਲਕ ਦੇ ਇਤਿਹਾਸਕ ਸੈਂਕੜੇ, ਭਾਰਤ ਨੇ 17 ਸਾਲ ਪੁਰਾਣਾ ਰਿਕਾਰਡ ਤੋੜ SA ਨੂੰ ਦਿੱਤਾ 284 ਦੌੜਾਂ ਦਾ ਟੀਚਾ

ਸਪੋਰਟਸ ਡੈਸਕ- ਭਾਰਤੀ ਟੀਮ ਅਤੇ ਦੱਖਣੀ ਅਫਰੀਕਾ ਵਿਚਾਲੇ 4 ਮੈਚਾਂ ਦੀ ਟੀ-20 ਸੀਰੀਜ਼ ਦਾ ਚੌਥਾ ਮੈਚ ਖੇਡਿਆ ਜਾ ਰਿਹਾ ਹੈ। ਜੋਹਾਨਸਬਰਗ ਦੇ ਵਾਂਡਰਰਸ ਸਟੇਡੀਅਮ 'ਚ ਖੇਡੇ ਜਾ ਰਹੇ ਇਸ ਮੈਚ 'ਚ ਭਾਰਤੀ ਕਪਤਾਨ ਸੂਰਿਆਕੁਮਾਰ ਯਾਦਵ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਇਸ ਤੋਂ ਬਾਅਦ ਟੀਮ ਇੰਡੀਆ ਬੱਲੇਬਾਜ਼ਾਂ ਨੇ ਤੂਫਾਨੀ ਪਾਰੀਆਂ ਖੇਡਦੇ ਹੋਏ ਦੱਖਣੀ ਅਫਰੀਕਾ ਨੂੰ 284 ਦੌੜਾਂ ਦਾ ਟੀਚਾ ਦਿੱਤਾ।

ਸੰਜੂ-ਤਿਲਕ ਦੇ ਸੈਂਕੜਿਆਂ ਨਾਲ ਬਣਿਆ ਇਤਿਹਾਸਕ ਰਿਕਾਰਡ

ਮੈਚ ਵਿੱਚ ਭਾਰਤੀ ਟੀਮ ਨੇ ਸ਼ੁਰੂ ਤੋਂ ਹੀ ਹਮਲਾਵਰ ਰੁਖ਼ ਅਪਣਾਇਆ। ਸੰਜੂ ਸੈਮਸਨ ਅਤੇ ਅਭਿਸ਼ੇਕ ਸ਼ਰਮਾ (36) ਨੇ ਓਪਨਿੰਗ ਵਿੱਚ 73 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਇਸ ਤੋਂ ਬਾਅਦ ਸੰਜੂ ਨੇ ਤਿਲਕ ਵਰਮਾ ਦੇ ਨਾਲ ਮਿਲ ਕੇ ਰਿਕਾਰਡ 93 ਗੇਂਦਾਂ 'ਚ 210 ਦੌੜਾਂ ਦੀ ਅਜੇਤੂ ਸਾਂਝੇਦਾਰੀ ਕੀਤੀ। ਸੰਜੂ ਸੈਮਸਨ ਨੇ 51 ਗੇਂਦਾਂ ਵਿੱਚ ਸੈਂਕੜਾ ਅਤੇ ਤਿਲਕ ਵਰਮਾ ਨੇ 41 ਗੇਂਦਾਂ ਵਿੱਚ ਸੈਂਕੜਾ ਜੜਿਆ।

ਦੱਖਣੀ ਅਫਰੀਕਾ ਖਿਲਾਫ ਦੋ-ਪੱਖੀ ਟੀ-20 ਸੀਰੀਜ਼ 'ਚ ਭਾਰਤੀ ਟੀਮ ਦਾ ਰਿਕਾਰਡ ਸ਼ਾਨਦਾਰ ਰਿਹਾ ਹੈ। ਭਾਰਤੀ ਟੀਮ ਪਿਛਲੀਆਂ 5 ਸੀਰੀਜ਼ਾਂ 'ਚ ਨਹੀਂ ਹਾਰੀ ਹੈ। ਇਸ ਤਰ੍ਹਾਂ ਜੇਕਰ ਜੇਤੂ ਰੱਥ 'ਤੇ ਸਵਾਰ ਭਾਰਤੀ ਟੀਮ ਅੱਜ ਦੱਖਣੀ ਅਫਰੀਕਾ ਖਿਲਾਫ ਮੈਚ ਜਿੱਤ ਜਾਂਦੀ ਹੈ ਤਾਂ ਉਹ ਸੀਰੀਜ਼ 3-1 ਨਾਲ ਜਿੱਤ ਲਵੇਗੀ।

ਜੇਕਰ ਹਾਰ ਹੁੰਦੀ ਹੈ ਤਾਂ ਸੀਰੀਜ਼ ਬਰਾਬਰ ਰਹੇਗੀ। ਅਜਿਹੀ ਸਥਿਤੀ ਵਿੱਚ ਭਾਰਤ ਦਾ ਜੇਤੂ ਰੱਥ ਬਰਕਰਾਰ ਰਹੇਗਾ। ਦੱਸ ਦੇਈਏ ਕਿ ਟੀਮ ਇੰਡੀਆ ਨੇ ਮੌਜੂਦਾ ਸੀਰੀਜ਼ ਦਾ ਪਹਿਲਾ ਮੈਚ 61 ਦੌੜਾਂ ਨਾਲ ਅਤੇ ਤੀਜਾ ਮੈਚ 11 ਦੌੜਾਂ ਨਾਲ ਜਿੱਤਿਆ ਸੀ। ਇਸ ਤਰ੍ਹਾਂ ਟੀਮ ਨੇ ਸੀਰੀਜ਼ 'ਚ 2-1 ਦੀ ਬੜ੍ਹਤ ਬਣਾ ਲਈ ਹੈ।

ਸੰਜੂ ਸੈਮਸਨ ਨੇ 56 ਗੇਂਦਾਂ 'ਤੇ 109 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ। ਜਦਕਿ ਤਿਲਕ ਨੇ 47 ਗੇਂਦਾਂ 'ਚ 120 ਦੌੜਾਂ ਬਣਾਈਆਂ। ਟੀ-20 ਅੰਤਰਰਾਸ਼ਟਰੀ ਕਰੀਅਰ ਵਿੱਚ ਸੰਜੂ ਦਾ ਇਹ ਤੀਜਾ ਸੈਂਕੜਾ ਹੈ, ਜੋ ਉਸ ਨੇ ਪਿਛਲੇ 5 ਮੈਚਾਂ ਵਿੱਚ ਲਗਾਇਆ ਹੈ। ਦੂਜੇ ਪਾਸੇ ਤਿਲਕ ਵਰਮਾ ਦੀ ਇਹ ਦੂਜਾ ਸੈਂਕੜਾ ਹੈ। ਉਨ੍ਹਾਂ ਨੇ ਇਸ ਸੀਰੀਜ਼ 'ਚ ਲਗਾਤਾਰ ਦੋਵੇਂ ਸੈਂਕੜੇ ਵੀ ਲਗਾਏ ਹਨ। ਜਦੋਂ ਕਿ ਅਫਰੀਕੀ ਟੀਮ ਲਈ ਲੂਥੋ ਸਿਪਾਮਲਾ ਨੇ ਇਕਲੌਤੀ ਵਿਕਟ ਝਟਕਾਈ।

ਜੋਹਾਨਸਬਰਗ ਦੇ ਸਟੇਡੀਅਮ 'ਚ 2007 'ਚ ਸ਼੍ਰੀਲੰਕਾ ਨੇ ਟੀ-20 ਅੰਤਰਰਾਸ਼ਟੀ ਮੈਚ 'ਚ ਕੀਨੀਆ ਖਿਲਾਫ 260 ਦੌੜਾਂ ਬਣਾ ਕੇ ਰਿਕਾਰਡ ਕਾਇਮ ਕੀਤਾ ਸੀ ਜਿਸ ਦੇ ਕਰੀਬ 17 ਸਾਲਾਂ ਬਾਅਦ ਭਾਰਤ ਨੇ ਸ਼੍ਰੀਲੰਕਾ ਦਾ ਇਹ ਰਿਕਾਰਡ ਤੋੜ ਕੇ ਇਤਿਹਾਸ ਰਚ ਦਿੱਤਾ ਹੈ।