ਗੋਲਫ : ਭੁੱਲਰ, ਚੌਰਸੀਆ ਤੇ ਸ਼ੰਕਰ ਸਾਂਝੇ ਤੌਰ ''ਤੇ ਦੂਜੇ ਸਥਾਨ ''ਤੇ

ਜਮਸ਼ੇਦਪੁਰ— ਸ਼੍ਰੀਲੰਕਾ ਦੇ ਅਨੁਭਵੀ ਗੋਲਫਰ ਐਨ ਥੰਗਰਾਜਾ ਨੇ ਡੇਢ ਕਰੋੜ ਰੁਪਏ ਦੀ ਪੁਰਸਕਾਰ ਰਾਸ਼ੀ ਵਾਲੀ ਸੈਸ਼ਨ ਦੀ ਆਖਰੀ ਟਾਟਾ ਸਟੀਲ ਟੂਰ ਗੋਲਫ ਚੈਂਪੀਅਨਸ਼ਿਪ ਦੇ ਦੂਜੇ ਰਾਊਂਡ 'ਚ ਸ਼ੁੱਕਰਵਾਰ ਨੂੰ 9 ਅੰਡਰ 63 ਦਾ ਸ਼ਾਨਦਾਰ ਕਾਰਡ ਖੇਡ ਕੇ ਇਕ ਸ਼ਾਟ ਦੀ ਬੜ੍ਹਤ ਬਣਾ ਲਈ। ਗੋਲਮੁਡੀ ਗੋਲਫ ਕੋਰਸ 'ਤੇ ਖੇਡੇ ਜਾ ਰਹੇ ਇਸ ਟੂਰਨਾਮੈਂਟ 'ਚ ਭਾਰਤੀ ਸਟਾਰ ਗਗਨਜੀਤ ਭੁੱਲਰ ਨੇ 64 ਦਾ ਕਾਰਡ ਖੇਡਿਆ ਤੇ ਐੱਸ. ਐੱਸ. ਪੀ. ਚੌਰਸੀਆ ਤੇ ਸ਼ੰਕਰ ਦਾਸ ਦੇ ਨਾਲ ਸਾਂਝੇ ਤੌਰ 'ਤੇ ਦੂਜੇ ਸਥਾਨ 'ਤੇ ਪਹੁੰਚ ਗਏ। ਹਨੀ ਬੈਸੋਇਆ ਨੇ ਆਪਣੇ 68 ਦੇ ਕਾਰਡ 'ਚ ਤਿੰਨ ਈਗਲ ਖੇਡ ਕਰ ਰਿਕਾਰਡ ਦੀ ਬਰਾਬਰੀ ਕੀਤੀ ਤੇ ਉਹ ਸਾਂਝੇ ਤੌਰ 'ਤੇ ਦੂਜੇ ਸਥਾਨ 'ਤੇ ਹੈ। ਸ਼੍ਰੀਲੰਕਾ ਦੇ 38 ਸਾਲਾ ਸਟਾਰ ਥੰਗਰਾਜਾ ਦੇ ਦੋ ਰਾਊਂਡ ਤੋਂ ਬਾਅਦ 15 ਅੰਡਰ 129 ਦਾ ਸਕੋਰ ਹੈ। ਭੁੱਲਰ (64), ਚੌਰਸੀਆ (67) ਤੇ ਸ਼ੰਕਰ ਦਾਸ (66) ਦੋ ਰਾਊਂਡ 'ਚ 14 ਅੰਡਰ 130 ਦੇ ਸਕੋਰ ਦੇ ਨਾਲ ਸਾਂਝੇ ਤੌਰ 'ਤੇ ਦੂਜੇ ਸਥਾਨ 'ਤੇ ਹੈ। ਭਾਰਤੀ ਸਟਾਰ ਜੋਤੀ ਰੰਧਾਵਾ (65) ਤੇ ਆਰਡਰ ਆਫ ਮੈਰਿਟ 'ਚ ਚੋਟੀ 'ਤੇ ਚੱਲ ਰਹੇ ਦਿੱਲੀ ਦੇ ਰਾਸ਼ਿਦ ਖਾਨ (70) ਕੁਲ 134 ਦੇ ਸਕੋਰ ਨਾਲ ਸਾਂਝੇ ਤੌਰ 'ਤੇ 12ਵੇਂ ਤੇ ਲੀਜੇਂਡ ਗੋਲਫਰ ਜੀਵ ਮਿਲਖਾ ਸਿੰਘ (69) ਇਕ ਸ਼ਾਟ ਪਿੱਛੇ ਸਾਂਝੇ ਤੌਰ 'ਤੇ 19ਵੇਂ ਸਥਾਨ 'ਤੇ ਹੈ।