ਬਾਇਓ ਬਬਲ ’ਤੇ ਮੈਕਸਵੇਲ ਦਾ ਵੱਡਾ ਬਿਆਨ- ਤੁਸੀਂ ਕਦੀ ਨਾ ਖ਼ਤਮ ਹੋਣ ਵਾਲੇ ਬੁਰੇ ਸੁਫ਼ਨੇ ’ਚ ਫਸ ਜਾਂਦੇ ਹੋ
04/07/2021 6:59:09 PM
ਚੇਨਈ— ਆਸਟਰੇਲੀਆ ਦੇ ਹਮਲਾਵਰ ਆਲਰਾਊਂਡਰ ਗਲੇਨ ਮੈਕਸਵੇਲ ਨੇ ਕਿਹਾ ਕਿ ਲਗਾਤਾਰ ਜੈਵਿਕ ਤੌਰ ’ਤੇ ਸੁਰੱਖਿਅਤ ਮਾਹੌਲ ਦਾ ਹਿੱਸਾ ਬਣੇ ਰਹਿਣਾ ‘ਬੁਰੇ ਸੁਫ਼ਨੇ’ ਦੀ ਤਰ੍ਹਾਂ ਹੋ ਸਕਦਾ ਹੈ ਤੇ ਕ੍ਰਿਕਟਰ ਅਜੇ ਬੇਹੱਦ ਮੁਸ਼ਕਲ ਜੀਵਨਸ਼ੈਲੀ ਜੀ ਰਹੇ ਰਹੇ ਹਨ ਜਿਸ ਨਾਲ ਇਹ ਯਕੀਨੀ ਹੋ ਸਕੇ ਕਿ ਉਹ ਆਪਣਾ ਕੰਮ ਜਾਰੀ ਰੱਖ ਸਕਣ। ਬੀਤੇ ਸਮੇਂ ’ਚ ਮਾਨਸਿਕ ਥਕਵੇਂ ਨੂੰ ਲੈ ਕੇ ਆਪਣੀ ਸਮੱਸਿਆਵਾਂ ਦਾ ਖੁਲਾਸਾ ਕਰਨ ਵਾਲੇ ਮੈਕਸਵੇਲ ਨੇ ਸਵੀਕਾਰ ਕੀਤਾ ਕਿ ਕੋਵਿਡ-19 ਮਹਾਮਾਰੀ ਵਿਚਾਲੇ ਇਸ ਤਰ੍ਹਾਂ ਦੀ ਜੀਵਨਸ਼ੈਲੀ ਨਾਲ ਤਾਲਮੇਲ ਬਿਠਾਉਣ ਦਾ ਯਕੀਨੀ ਤੌਰ ’ਤੇ ਦੁਨੀਆ ਭਰ ਦੇ ਖਿਡਾਰੀਆਂ ’ਤੇ ਅਸਰ ਪਿਆ ਹੈ।
ਇੰਡੀਅਨ ਪ੍ਰੀਮੀਅਰ ਲੀਗ ਫ਼੍ਰੈਂਚਾਈਜ਼ੀ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਵੱਲੋਂ ਆਪਣੇ ਯੂਟਿਊਬ ਚੈਨਲ ’ਤੇ ਪਾਏ ਗਏ ਇੰਟਰਵਿਊ ’ਚ ਮੈਕਸਵੇਲ ਨੇ ਕਿਹਾ ਇਹ ਕਾਫ਼ੀ ਮੁਸ਼ਕਲ ਹੈ (ਇਕ ਜੈਵਿਕ ਤੌਰ ’ਤੇ ਸੁਰੱਖਿਅਤ ਮਾਹੌਲ ਤੋਂ ਦੂਜੇ ’ਚ ਜਾਣਾ)... ਤੁਹਾਨੂੰ ਆਪਣੇ ਜੈਵਿਕ ਤੌਰ ’ਤੇ ਸੁਰੱਖਿਅਤ ਮਾਹੌਲ ਦੇ ਬਾਹਰ ਤੋਂ ਆਏ ਲੋਕਾਂ ਦੇ ਨਾਲ ਰੱਖਿਆ ਜਾਂਦਾ ਹੈ ਤੇ ਤੁਸੀਂ ਇਸ ਨੂੰ ਕਦੇ ਨਾ ਖ਼ਤਮ ਹੋਣ ਵਾਲੇ ਬੁਰੇ ਸੁਫ਼ਨੇ ’ਚ ਫਸ ਜਾਂਦੇ ਹੋ ਜਿੱਥੇ ਤੁਸੀਂ ਰੋਜ਼ਾਨਾ ਇਕੋ ਤਰ੍ਹਾਂ ਦੀ ਜ਼ਿੰਦਗੀ ਜਿਊਂਦੇ ਹੋ।’’
ਉਨ੍ਹਾਂ ਕਿਹਾ, ‘‘ਤੁਸੀਂ ਲਗਭਗ ਭੁੱਲ ਜਾਂਦੇ ਹੋ ਕਿ ਬਾਹਰੀ ਦੁਨੀਆ ਦੁਨੀਆ ਦੇ ਨਾਲ ਆਮ ਗੱਲਬਾਤ ਕਿਵੇਂ ਕੀਤੀ ਜਾਂਦੀ ਹੈ। ਇਹ ਮਾਨਸਿਕ ਤੌਰ ’ਤੇ ਕਾਫ਼ੀ ਮੁਸ਼ਕਲ ਹੋ ਸਕਦਾ ਹੈ ਤੇ ਇਹ ਬਹੁਤ ਵੱਡੀ ਚੁਣੌਤੀ ਹੈ। ਪਰ ਦੁਬਰਾ ਖੇਡਣਾ ਸ਼ਾਨਦਾਰ ਹੈ ਤੇ ਆਪਣਾ ਕੰਮ ਕਰਨਾ ਤੇ ਲੋਕਾਂ ਦਾ ਮਨੋਰੰਜਨ ਕਰਨਾ। ਪਰ ਫਿਰ ਵੀ ਇਹ ਜੀਵਨਸ਼ੈਲੀ ਬਹੁਤ ਸਖ਼ਤ ਹੈ। ਜ਼ਿਕਰਯੋਗ ਹੈ ਕਿ ਗਲੇਨ ਮੈਕਸਵੇਲ ਆਈ. ਪੀ. ਐੱਲ. 2021 ਦੇ ਆਗਾਮੀ ਸੀਜ਼ਨ ’ਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਵੱਲੋਂ ਖੇਡਣ ਜਾ ਰਹੇ ਹਨ।
