ਲੌਰੀਅਸ ਵਰਲਡ ਸਪੋਰਟਸ ਅਵਾਰਡਸ ਵਿੱਚ ਜੋਕੋਵਿਚ ਹੋਣਗੇ ਖਿੱਚ ਦਾ ਕੇਂਦਰ

ਮੈਡ੍ਰਿਡ- ਟੈਨਿਸ ਦੇ ਮਹਾਨ ਖਿਡਾਰੀ ਨੋਵਾਕ ਜੋਕੋਵਿਚ ਸਪੇਨ ਦੀ ਰਾਜਧਾਨੀ ਮੈਡ੍ਰਿਡ ਵਿੱਚ ਹੋਣ ਵਾਲੇ ਲੌਰੀਅਸ ਵਰਲਡ ਸਪੋਰਟਸ ਅਵਾਰਡਸ ਵਿੱਚ ਖਿੱਚ ਦਾ ਕੇਂਦਰ ਹੋਣਗੇ। ਇਹ ਖਿਡਾਰੀਆਂ ਨੂੰ ਦਿੱਤੇ ਜਾਣ ਵਾਲੇ ਪੁਰਸਕਾਰਾਂ ਦੀ 25ਵੀਂ ਵਰ੍ਹੇਗੰਢ ਹੈ। ਇਹ ਲਗਾਤਾਰ ਦੂਜਾ ਸਾਲ ਹੈ ਜਦੋਂ ਪੁਰਸਕਾਰ ਸਮਾਰੋਹ ਮੈਡ੍ਰਿਡ ਵਿੱਚ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਇਹ ਪੁਰਸਕਾਰ 21 ਅਪ੍ਰੈਲ ਨੂੰ ਵੱਕਾਰੀ ਪੈਲਾਸੀਓ ਡੀ ਸਿਬੇਲੇਸ ਵਿਖੇ ਦਿੱਤੇ ਜਾਣਗੇ। 

24 ਵਾਰ ਦੇ ਗ੍ਰੈਂਡ ਸਲੈਮ ਚੈਂਪੀਅਨ ਅਤੇ ਪੰਜ ਵਾਰ ਦੇ ਲੌਰੀਅਸ ਪਲੇਅਰ ਆਫ ਦਿ ਈਅਰ ਜੋਕੋਵਿਚ ਨੇ ਕਿਹਾ: “ਲੌਰੀਅਸ ਵਰਲਡ ਸਪੋਰਟਸ ਅਵਾਰਡਸ ਦੀ 25ਵੀਂ ਵਰ੍ਹੇਗੰਢ ਮਨਾਉਣ ਲਈ ਮੈਡ੍ਰਿਡ ਵਾਪਸ ਆਉਣਾ ਬਹੁਤ ਰੋਮਾਂਚਕ ਹੈ। “ਮੈਂ ਪਿਛਲੇ ਸਾਲ ਮੈਡ੍ਰਿਡ ਵਿੱਚ ਆਪਣਾ ਪੰਜਵਾਂ ਲੌਰੀਅਸ ਖਿਤਾਬ ਜਿੱਤਣ ਦੀਆਂ ਯਾਦਾਂ ਨੂੰ ਸੰਭਾਲਿਆ ਹੈ ਅਤੇ ਇਸ ਸਮਾਰੋਹ ਦਾ ਦੁਬਾਰਾ ਹਿੱਸਾ ਬਣਨ ਦਾ ਸੁਭਾਗ ਪ੍ਰਾਪਤ ਕਰ ਰਿਹਾ ਹਾਂ।” ਕ੍ਰਿਕਟ ਦੇ ਮਹਾਨ ਖਿਡਾਰੀ ਸਟੀਵ ਵਾ, ਛੇ ਵਾਰ ਦੇ ਗ੍ਰੈਂਡ ਸਲੈਮ ਚੈਂਪੀਅਨ ਅਤੇ ਜੋਕੋਵਿਚ ਦੇ ਸਾਬਕਾ ਕੋਚ ਬੋਰਿਸ ਬੇਕਰ, ਫੁੱਟਬਾਲ ਦੇ ਮਹਾਨ ਖਿਡਾਰੀ ਕਾਫੂ, ਲੁਈਸ ਫਿਗੋ ਅਤੇ ਮਹਾਨ ਜਿਮਨਾਸਟ ਨਾਦੀਆ ਕੋਮਾਨੇਸੀ ਵੀ ਸਮਾਰੋਹ ਵਿੱਚ ਮੌਜੂਦ ਰਹਿਣਗੇ।