ਚੱਢਾ ਨੇ 6 ਸ਼ਾਟਾਂ ਨਾਲ ਆਸਾਨ ਜਿੱਤ ਦਰਜ ਕੀਤੀ
Sunday, Dec 05, 2021 - 03:29 PM (IST)
ਪੁਣੇ– ਚੰਡੀਗੜ੍ਹ ਦੇ ਅਭਿਜੀਤ ਸਿੰਘ ਚੱਢਾ ਨੇ ਸ਼ਨੀਵਾਰ ਨੂੰ ਇੱਥੇ ਪੁਣੇ ਓਪਨ ਗੋਲਫ ਚੈਂਪੀਅਨਸ਼ਿਪ ਦੇ ਆਖ਼ਰੀ ਦੌਰ ਵਿਚ ਚਾਰ ਅੰਡਰ 66 ਦਾ ਕਾਰਡ ਖੇਡ ਕੇ ਛੇ ਸ਼ਾਟਾਂ ਦੀ ਆਸਾਨ ਜਿੱਤ ਦਰਜ ਕੀਤੀ। ਚੱਢਾ (30 ਸਾਲ) ਨੇ ਲਗਾਤਾਰ ਤੀਜੀ ਵਾਰ ਬੋਗੀ ਮੁਕਤ ਦੌਰ ਖੇਡਿਆ। ਉਹ ਸ਼ੁੱਕਰਵਾਰ ਨੂੰ ਇਕ ਸ਼ਾਟ ਦੀ ਬੜ੍ਹਤ ’ਤੇ ਸੀ ਪਰ ਸ਼ਨੀਵਾਰ ਨੂੰ 21 ਅੰਡਰ 258 ਦੇ ਸ਼ਾਨਦਾਰ ਸਕੋਰ ਨਾਲ ਖਿਤਾਬ ਜਿੱਤਣ ਵਿਚ ਸਫਲ ਰਿਹਾ। ਇਹ ਉਸਦਾ ਤੀਜਾ ਤੇ ਛੇ ਸਾਲਾਂ ਵਿਚ ਪਹਿਲਾ ਖਿਤਾਬ ਸੀ।
ਇਸ ਜਿੱਤ ਨਾਲ ਉਸ ਨੂੰ 6,46,600 ਰੁਪਏ ਦੀ ਇਨਾਮੀ ਰਾਸ਼ੀ ਦਾ ਚੈੱਕ ਮਿਲਿਆ ਇਸ ਦੇ ਨਾਲ ਹੀ ਉਹ ਪੀ. ਜੀ. ਟੀ. ਆਈ. ਆਰਡਰ ਆਫ ਮੈਰਿਟ ਵਿਚ 9 ਸਥਾਨ ਉੱਪਰ 15ਵੇਂ ਸਥਾਨ ’ਤੇ ਪਹੁੰਚ ਗਿਆ। ਗੁਰੂਗ੍ਰਾਮ ਦਾ ਕਾਰਤਿਕ ਸ਼ਰਮਾ ਦੂਜੇ ਸਥਾਨ ’ਤੇ ਰਿਹਾ। ਉਸ ਨੇ ਆਖ਼ਰੀ ਦੌਰ ਵਿਚ ਇਕ ਓਵਰ 71 ਦਾ ਕਾਰਡ ਖੇਡਿਆ, ਜਿਸ ਨਾਲ ਉਸਦਾ ਕੁਲ ਸਕੋਰ 15 ਅੰਡਰ 264 ਰਿਹਾ। ਕੋਲਕਾਤਾ ਦੇ ਸੁਨਿਤ ਚੌਰੱਸੀਆ 13 ਅੰਡਰ 266 ਦੇ ਕੁਲ ਸਕੋਰ ਨਾਲ ਤੀਜੇ ਸਥਾਨ ’ਤੇ ਰਿਹਾ।
