ਹਰਮਨਪ੍ਰੀਤ ਕੌਰ ਦੀ ਸੱਟ ''ਤੇ ਵੱਡਾ ਅਪਡੇਟ: ਦੂਜੇ ਵਨਡੇ ਤੋਂ ਪਹਿਲਾਂ ਦੀਪਤੀ ਨੇ ਦਿੱਤੀ ਰਾਹਤ ਭਰੀ ਖਬਰ

ਸਪੋਰਟਸ ਡੈਸਕ: ਆਸਟ੍ਰੇਲੀਆ ਵਿਰੁੱਧ ਜਾਰੀ ਵਨਡੇ ਸੀਰੀਜ਼ ਦੇ ਦੂਜੇ ਅਹਿਮ ਮੁਕਾਬਲੇ ਤੋਂ ਪਹਿਲਾਂ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਲਈ ਇੱਕ ਬਹੁਤ ਹੀ ਸੁਖਦ ਖਬਰ ਸਾਹਮਣੇ ਆਈ ਹੈ। ਟੀਮ ਦੀ ਸਟਾਰ ਆਲਰਾਊਂਡਰ ਦੀਪਤੀ ਸ਼ਰਮਾ ਨੇ ਪੁਸ਼ਟੀ ਕੀਤੀ ਹੈ ਕਿ ਕਪਤਾਨ ਹਰਮਨਪ੍ਰੀਤ ਕੌਰ ਹੁਣ ਪੂਰੀ ਤਰ੍ਹਾਂ "ਫਿੱਟ ਅਤੇ ਠੀਕ" ਹੈ। ਹੋਬਾਰਟ ਵਿੱਚ ਹੋਣ ਵਾਲੇ ਦੂਜੇ ਮੈਚ ਤੋਂ ਪਹਿਲਾਂ ਹੋਈ ਪ੍ਰੈਸ ਕਾਨਫਰੰਸ ਵਿੱਚ ਦੀਪਤੀ ਨੇ ਕਪਤਾਨ ਦੀ ਸਿਹਤ ਨੂੰ ਲੈ ਕੇ ਸਕਾਰਾਤਮਕ ਸੰਕੇਤ ਦਿੱਤੇ ਹਨ।

ਕਿਵੇਂ ਲੱਗੀ ਸੀ ਸੱਟ?
ਬ੍ਰਿਸਬੇਨ ਵਿੱਚ ਖੇਡੇ ਗਏ ਪਹਿਲੇ ਵਨਡੇ ਦੌਰਾਨ ਬੱਲੇਬਾਜ਼ੀ ਕਰਦੇ ਸਮੇਂ ਹਰਮਨਪ੍ਰੀਤ ਕੌਰ ਦੇ ਖੱਬੇ ਘੁਟਨੇ ਵਿੱਚ ਸੱਟ ਲੱਗ ਗਈ ਸੀ,। ਇਸ ਸੱਟ ਕਾਰਨ ਉਹ ਦੂਜੀ ਪਾਰੀ ਵਿੱਚ ਫੀਲਡਿੰਗ ਲਈ ਮੈਦਾਨ ਵਿੱਚ ਨਹੀਂ ਉਤਰ ਸਕੀ ਸੀ ਅਤੇ ਉਨ੍ਹਾਂ ਦੀ ਗੈਰ-ਮੌਜੂਦਗੀ ਵਿੱਚ ਉਪ-ਕਪਤਾਨ ਸਮ੍ਰਿਤੀ ਮੰਧਾਨਾ ਨੇ ਟੀਮ ਦੀ ਕਮਾਨ ਸੰਭਾਲੀ ਸੀ। ਬੀ.ਸੀ.ਸੀ.ਆਈ. (BCCI) ਦੀ ਮੈਡੀਕਲ ਟੀਮ ਲਗਾਤਾਰ ਉਨ੍ਹਾਂ ਦੀ ਸਥਿਤੀ 'ਤੇ ਨਜ਼ਰ ਰੱਖ ਰਹੀ ਸੀ।

ਸੀਰੀਜ਼ ਵਿੱਚ ਵਾਪਸੀ ਦੀ ਉਮੀਦ 
ਭਾਰਤੀ ਟੀਮ ਪਹਿਲਾ ਵਨਡੇ ਮੁਕਾਬਲਾ ਹਾਰ ਚੁੱਕੀ ਹੈ, ਜਿੱਥੇ ਆਸਟ੍ਰੇਲੀਆ ਨੇ 6 ਵਿਕਟਾਂ ਨਾਲ ਜਿੱਤ ਦਰਜ ਕਰਕੇ ਸੀਰੀਜ਼ ਵਿੱਚ 1-0 ਦੀ ਬੜ੍ਹਤ ਬਣਾ ਲਈ ਹੈ। ਹੁਣ ਹੋਬਾਰਟ ਦੇ ਬੇਲੇਰਿਵ ਓਵਲ ਵਿੱਚ ਹੋਣ ਵਾਲਾ ਦੂਜਾ ਮੈਚ ਭਾਰਤ ਲਈ ਸੀਰੀਜ਼ ਵਿੱਚ ਬਣੇ ਰਹਿਣ ਲਈ ਬਹੁਤ ਜ਼ਰੂਰੀ ਹੈ। ਦੀਪਤੀ ਸ਼ਰਮਾ ਅਨੁਸਾਰ, ਟੀਮ ਨੇ ਪਹਿਲੇ ਮੈਚ ਦੀਆਂ ਗਲਤੀਆਂ ਤੋਂ ਸਿੱਖਿਆ ਹੈ ਅਤੇ ਉਹ ਮਜ਼ਬੂਤ ਵਾਪਸੀ ਲਈ ਤਿਆਰ ਹਨ।

ਟੀ-20 ਸੀਰੀਜ਼ ਦੀ ਜਿੱਤ ਤੋਂ ਮਿਲਿਆ ਹੌਸਲਾ
 ਦੀਪਤੀ ਨੇ ਦੱਸਿਆ ਕਿ ਵਨਡੇ ਸੀਰੀਜ਼ ਤੋਂ ਪਹਿਲਾਂ ਭਾਰਤ ਨੇ ਆਸਟ੍ਰੇਲੀਆ ਨੂੰ ਟੀ-20 ਅੰਤਰਰਾਸ਼ਟਰੀ ਸੀਰੀਜ਼ ਵਿੱਚ 2-1 ਨਾਲ ਹਰਾਇਆ ਸੀ, ਜਿਸ ਨਾਲ ਟੀਮ ਦਾ ਮਨੋਬਲ ਕਾਫ਼ੀ ਉੱਚਾ ਹੈ। ਟੀਮ ਉਸੇ ਲੈਅ ਨੂੰ ਵਨਡੇ ਅਤੇ 6 ਮਾਰਚ ਤੋਂ ਸ਼ੁਰੂ ਹੋਣ ਵਾਲੇ ਇਕਲੌਤੇ ਟੈਸਟ ਮੈਚ ਵਿੱਚ ਵੀ ਬਰਕਰਾਰ ਰੱਖਣਾ ਚਾਹੁੰਦੀ ਹੈ। ਕਪਤਾਨ ਹਰਮਨਪ੍ਰੀਤ ਦੀ ਵਾਪਸੀ ਨਾਲ ਟੀਮ ਦੇ ਬੱਲੇਬਾਜ਼ੀ ਅਤੇ ਅਗਵਾਈ ਪੱਖ ਨੂੰ ਹੋਰ ਮਜ਼ਬੂਤੀ ਮਿਲੇਗੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e