ਬੀ. ਸੀ. ਸੀ. ਆਈ. ਅੱਜ ਕਰੇਗਾ ਮੀਟਿੰਗ, ਜਾਣੋ ਕੀ ਹੈ ਕਾਰਨ

ਮੁੰਬਈ : ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ. ਸੀ. ਸੀ. ਆਈ.) ਦੇ ਅਧਿਕਾਰੀਆਂ ਦੀ ਵੀਰਵਾਰ (3 ਸਤੰਬਰ) ਨੂੰ ਇਕ ਅਹਿਮ ਮੀਟਿੰਗ ਹੋਵੇਗੀ। ਮੀਟਿੰਗ ਦਾ ਕੋਈ ਤੈਅ ਏਜੰਡਾ ਐਲਾਨਿਆ ਨਹੀਂ ਗਿਆ ਹੈ ਪਰ ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਇਸ ’ਚ ਭਾਰਤੀ ਟੀਮ ਦੇ ਹਾਲੀਆ ਪ੍ਰਦਰਸ਼ਨ ਬ੍ਰਿਟੇਨ ਤੇ ਸ਼੍ਰੀਲੰਕਾ ’ਚ ਹੋਏ ਮੈਚਾਂ ਦੀ ਸਮੀਖਿਆ ਹੋਣ ਦੀ ਉਮੀਦ ਹੈ।

ਕੱਲ ਹੋਣ ਵਾਲੀ ਇਸ ਮੀਟਿੰਗ ’ਚ ਮੁੱਖ ਕੋਚ ਗੌਤਮ ਗੰਭੀਰ, ਚੀਫ ਸਿਲੇਕਟਰ ਅਜੀਤ ਅਗਰਕਰ ਤੇ ਸੈਂਟਰ ਆਫ ਐਕਸੀਲੈਂਸ (ਸੀ.ਓ.ਈ.) ਦਾ ਪ੍ਰਮੁੱਖ ਵੀ. ਵੀ. ਐੱਸ. ਲਕਸ਼ਮਣ ਸ਼ਾਮਲ ਹੋਵੇਗਾ। ਬੀ. ਸੀ. ਸੀ. ਆਈ. ਸਕੱਤਰ ਦੇਵਜੀਤ ਸੈਕੀਆ ਮੀਟਿੰਗ ਬੁਲਾਵੇਗਾ ਤੇ ਉਹ ਇਸ ਦੀ ਪ੍ਰਧਾਨਗੀ ਕਰੇਗਾ। ਸਾਰਿਆਂ ਦੇ ਵਿਅਕਤੀਗਤ ਰੂਪ ਨਾਲ ਮੌਜੂਦ ਹੋਣ ਦੀ ਉਮੀਦ ਹੈ।

ਭਾਰਤੀ ਕਪਤਾਨ ਸ਼ੁਭਮਨ ਗਿੱਲ (ਟੈਸਟ ਤੇ ਵਨ ਡੇ) ਤੇ ਸ਼੍ਰੇਅਸ ਅਈਅਰ (ਟੀ-20) ਵੀ ਮੀਟਿੰਗ ਦੌਰਾਨ ਜੁੜ ਸਕਦੇ ਹਨ। ਸਮੀਖਿਆ ਦਾ ਮੁੱਖ ਕੇਂਦਰ ਭਾਰਤੀ ਟੀਮ ਦਾ ਹਾਲੀਆ ਪ੍ਰਦਰਸ਼ਨ ਹੋਵੇਗਾ, ਖਾਸ ਤੌਰ ’ਤੇ ਆਇਰਲੈਂਡ ਤੇ ਇੰਗਲੈਂਡ ’ਚ, ਸਫੈਦ ਟੀਮਾਂ ਨੂੰ ਮੇਜ਼ਬਾਨ ਟੀਮ ਹੱਥੋਂ ਬੁਰੀ ਤਰ੍ਹਾਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਟੀ-20 ਵਿਸ਼ਵ ਕੱਪ ਚੈਂਪੀਅਨ ਭਾਰਤੀ ਟੀਮ ਆਇਰਲੈਂਡ ਤੇ ਇੰਗਲੈਂਡ ’ਚ ਖੇਡੇ ਗਏ 6 ਟੀ-20 ਮੈਚਾਂ ’ਚੋਂ ਇਕ ਵੀ ਨਹੀਂ ਜਿੱਤ ਸਕੀ ਸੀ।