ਆਸਟ੍ਰੇਲੀਅਨ ਓਪਨ: ਕਾਰਲੋਸ ਅਲਕਾਰਾਜ਼ ਅਤੇ ਸਬਾਲੇਂਕਾ ਚੌਥੇ ਦੌਰ ਵਿੱਚ ਪਹੁੰਚੇ

ਮੇਲਬੌਰਨ: ਵਿਸ਼ਵ ਰੈਂਕਿੰਗ ਵਿੱਚ ਚੋਟੀ ਦੇ ਸਥਾਨ 'ਤੇ ਕਾਬਜ਼ ਸਪੇਨ ਦੇ 22 ਸਾਲਾ ਖਿਡਾਰੀ ਕਾਰਲੋਸ ਅਲਕਾਰਾਜ਼ ਨੇ ਆਸਟ੍ਰੇਲੀਅਨ ਓਪਨ ਟੈਨਿਸ ਟੂਰਨਾਮੈਂਟ ਵਿੱਚ ਆਪਣੀ ਵਿਜੇ ਮੁਹਿੰਮ ਜਾਰੀ ਰੱਖਦਿਆਂ ਚੌਥੇ ਦੌਰ ਵਿੱਚ ਪ੍ਰਵੇਸ਼ ਕਰ ਲਿਆ ਹੈ। ਅਲਕਾਰਾਜ਼ ਨੇ ਪੁਰਸ਼ ਸਿੰਗਲਜ਼ ਦੇ ਤੀਜੇ ਦੌਰ ਦੇ ਮੁਕਾਬਲੇ ਵਿੱਚ ਕੋਰੈਂਟਿਨ ਮਾਉਟੇਟ ਨੂੰ 6-2, 6-4, 6-1 ਦੇ ਸਿੱਧੇ ਸੈੱਟਾਂ ਵਿੱਚ ਹਰਾਇਆ।

ਅਲਕਾਰਾਜ਼ ਦੀ ਕਰੀਅਰ ਗ੍ਰੈਂਡ ਸਲੈਮ 'ਤੇ ਨਜ਼ਰ
 ਆਪਣੇ ਕਰੀਅਰ ਦੇ ਗ੍ਰੈਂਡ ਸਲੈਮ ਦੀ ਕੋਸ਼ਿਸ਼ ਵਿੱਚ ਜੁਟੇ ਅਲਕਾਰਾਜ਼ ਨੇ ਮੈਚ ਤੋਂ ਬਾਅਦ ਕਿਹਾ ਕਿ ਮਾਉਟੇਟ ਵਰਗੇ ਖਿਡਾਰੀ ਵਿਰੁੱਧ ਖੇਡਦੇ ਸਮੇਂ ਤੁਹਾਨੂੰ ਪਤਾ ਨਹੀਂ ਹੁੰਦਾ ਕਿ ਅੱਗੇ ਕੀ ਹੋਣ ਵਾਲਾ ਹੈ, ਕਿਉਂਕਿ ਦੋਵਾਂ ਨੇ ਸ਼ਾਨਦਾਰ ਸ਼ਾਟਸ ਲਗਾਏ ਅਤੇ ਅੰਕ ਹਾਸਲ ਕੀਤੇ। ਹੁਣ ਐਤਵਾਰ ਨੂੰ ਅਲਕਾਰਾਜ਼ ਦਾ ਮੁਕਾਬਲਾ ਦੁਨੀਆ ਦੇ 19ਵੇਂ ਨੰਬਰ ਦੇ ਖਿਡਾਰੀ ਟੌਮੀ ਪੌਲ ਨਾਲ ਹੋਵੇਗਾ।

ਸਬਾਲੇਂਕਾ ਦੀ ਖਿਤਾਬੀ ਹੈਟ੍ਰਿਕ ਦੀ ਕੋਸ਼ਿਸ਼
 ਮਹਿਲਾ ਸਿੰਗਲਜ਼ ਵਿੱਚ, ਚੋਟੀ ਦੀ ਰੈਂਕਿੰਗ ਵਾਲੀ ਖਿਡਾਰਨ ਆਰਿਆਨਾ ਸਬਾਲੇਂਕਾ ਨੇ ਅਨਾਸਤਾਸੀਆ ਪੋਟਾਪੋਵਾ ਨੂੰ ਸਖ਼ਤ ਮੁਕਾਬਲੇ ਵਿੱਚ 7-6 (4), 7-6 (7) ਨਾਲ ਹਰਾ ਕੇ ਅਗਲੇ ਦੌਰ ਵਿੱਚ ਜਗ੍ਹਾ ਬਣਾਈ। ਸਬਾਲੇਂਕਾ ਪਿਛਲੇ ਚਾਰ ਸਾਲਾਂ ਵਿੱਚ ਆਪਣਾ ਤੀਜਾ ਆਸਟ੍ਰੇਲੀਅਨ ਓਪਨ ਖਿਤਾਬ ਜਿੱਤਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਜ਼ਿਕਰਯੋਗ ਹੈ ਕਿ ਉਨ੍ਹਾਂ ਨੇ 2023 ਅਤੇ 2024 ਵਿੱਚ ਲਗਾਤਾਰ ਖਿਤਾਬ ਜਿੱਤੇ ਸਨ ਅਤੇ ਉਹ ਦੋ ਵਾਰ ਅਮਰੀਕੀ ਓਪਨ ਦੀ ਜੇਤੂ ਵੀ ਰਹਿ ਚੁੱਕੀ ਹੈ। ਹੁਣ ਚੌਥੇ ਦੌਰ ਵਿੱਚ ਉਨ੍ਹਾਂ ਦਾ ਸਾਹਮਣਾ ਉਭਰਦੀ ਸਟਾਰ ਵਿਕਟੋਰੀਆ ਮਬੋਕੋ ਨਾਲ ਹੋਵੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e