ਅਨਾਹਤ ਸਿੰਘ ਬੋਸਟਨ ਓਪਨ ਦੇ ਕੁਆਰਟਰ ਫਾਈਨਲ ਵਿੱਚ ਪਹੁੰਚੀ

ਨਵੀਂ ਦਿੱਲੀ- ਮੌਜੂਦਾ ਮਹਿਲਾ ਰਾਸ਼ਟਰੀ ਚੈਂਪੀਅਨ ਅਨਾਹਤ ਸਿੰਘ ਨੇ ਅਮਰੀਕੀ ਸ਼ਾਰਲੋਟ ਸੇਜ਼ ਨੂੰ ਹਰਾ ਕੇ 15,000 ਡਾਲਰ ਦੇ ਪੀਐਸਏ ਚੈਲੇਂਜਰ ਟੂਰਨਾਮੈਂਟ, ਬੋਸਟਨ ਓਪਨ ਸਕੁਐਸ਼ ਟੂਰਨਾਮੈਂਟ ਦੇ ਕੁਆਰਟਰ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ। ਦੂਜੇ ਦਰਜੇ ਦੀ ਅਨਾਹਤ ਸਿੰਘ ਨੇ ਪਹਿਲੇ ਦੌਰ ਵਿੱਚ ਬਾਈ ਮਿਲਣ ਤੋਂ ਬਾਅਦ, ਵੀਰਵਾਰ ਨੂੰ ਰਾਊਂਡ ਆਫ 16 ਵਿੱਚ ਸਥਾਨਕ ਖਿਡਾਰਨ ਸੇਜ਼ ਨੂੰ 11-4, 11-6, 9-11, 11-8 ਨਾਲ ਹਰਾਇਆ। ਦੁਨੀਆ ਵਿੱਚ 45ਵੇਂ ਸਥਾਨ 'ਤੇ ਕਾਬਜ਼, ਦਿੱਲੀ ਦੀ ਨੌਜਵਾਨ ਖਿਡਾਰਨ ਦਾ ਅਗਲਾ ਸਾਹਮਣਾ ਮਿਸਰ ਦੀ ਅੱਠਵੀਂ ਦਰਜਾ ਪ੍ਰਾਪਤ ਯਾਨਾ ਸਵਾਈਫੀ ਨਾਲ ਹੋਵੇਗਾ।