ਪੰਜਾਬ ''ਚ ਵੱਡਾ ਹਾਦਸਾ: ਗੈਸ ਸਿਲੰਡਰਾਂ ਨਾਲ ਲੱਦੀ ਗੱਡੀ ਖੇਤਾਂ ’ਚ ਪਲਟੀ

ਨੂਰਪੁਰਬੇਦੀ (ਭੰਡਾਰੀ)-ਨੂਰਪੁਰਬੇਦੀ-ਗੜ੍ਹਸ਼ੰਕਰ ਮੁੱਖ ਮਾਰਗ ’ਤੇ ਸਥਿਤ ਪੁਲਸ ਚੌਂਕੀ ਕਲਵਾਂ ਨੇੜੇ ਘਰੇਲੂ ਗੈਸ ਦੇ ਸਿਲੰਡਰਾਂ ਨਾਲ ਲੱਦੀ ਇਕ ਮਹਿੰਦਰਾ ਪਿਕਅੱਪ ਗੱਡੀ ਅਚਾਨਕ ਓਵਰਟੇਕ ਕਰ ਰਹੀ ਇਕ ਸਕਾਰਪੀਓ ਗੱਡੀ ਦੀ ਫੇਟ ਵੱਜਣ ’ਤੇ ਸੜਕ ਕਿਨਾਰੇ ਖੇਤਾਂ ’ਚ ਪਲਟ ਗਈ। ਇਸ ਦੌਰਾਨ ਭਾਵੇਂ ਸਿਲੰਡਰਾਂ ਦੇ ਸੁਰੱਖਿਅਤ ਰਹਿਣ ਕਾਰਨ ਕਿਸੇ ਤਰ੍ਹਾਂ ਦਾ ਵੱਡਾ ਹਾਦਸਾ ਹੋਣ ਤੋਂ ਬਚਾਅ ਹੋ ਗਿਆ ਪਰ ਗੈਸ ਏਜੰਸੀ ਦੀ ਗੱਡੀ ਦੇ ਚਾਲਕ ਦੇ ਮਾਮੂਲੀ ਸੱਟਾਂ ਲੱਗੀਆਂ।

ਇਹ ਵੀ ਪੜ੍ਹੋ : ਜਲੰਧਰ ਤੋਂ ਵੱਡੀ ਖ਼ਬਰ: ਰਿਹਾਇਸ਼ੀ ਇਲਾਕੇ ਦੀ ਫੈਕਟਰੀ 'ਚੋਂ ਅਮੋਨੀਆ ਗੈਸ ਲੀਕ, ਪਈਆਂ ਭਾਜੜਾਂ

ਇਸ ਸਬੰਧੀ ਪੁਲਸ ਚੌਂਕੀ ਕਲਵਾਂ ਦੇ ਇੰਚਾਰਜ ਸਬ-ਇੰਸਪੈਕਟਰ ਹਰਮੇਸ਼ ਕੁਮਾਰ ਨੇ ਦੱਸਿਆ ਕਿ ਬੀਤੇ ਦਿਨ ਨੂਰਪੁਰਬੇਦੀ ਸਥਿਤ ਜੈ ਹਿੰਦ ਭਾਰਤ ਗੈਸ ਏਜੰਸੀ ਦੀ ਇਕ ਮਹਿੰਦਰਾ ਪਿਕਅੱਪ ਗੱਡੀ ਨੇੜਲੇ ਪਿੰਡ ਕਾਹਨਪੁਰ ਖੂਹੀ ਸਥਿਤ ਗੌਦਾਮ ਤੋਂ ਘਰੇਲੂ ਗੈਸ ਦੇ ਸਿਲੰਡਰ ਲੱਦ ਕੇ ਖ਼ਪਤਕਾਰਾਂ ਨੂੰ ਡਿਲਿਵਰੀ ਦੇਣ ਲਈ ਨੂਰਪੁਰਬੇਦੀ ਦੀ ਤਰਫ਼ ਜਾ ਰਹੀ ਸੀ।
ਜਿਸ ਦੇ ਚਾਲਕ ਤਰਸੇਮ ਲਾਲ ਅਨੁਸਾਰ ਕਿਸੀ ਸਕਾਰਪੀਓ ਗੱਡੀ ਦੇ ਚਾਲਕ ਨੇ ਓਵਰਟੇਕ ਕਰਦੇ ਸਮੇਂ ਉਕਤ ਘਰੇਲੂ ਗੈਸ ਸਿਲੰਡਰਾਂ ਨਾਲ ਲੱਦੀ ਮਹਿੰਦਰਾ ਪਿਕਅੱਪ ਗੱਡੀ ਨੂੰ ਫੇਟ ਮਾਰ ਦਿੱਤੀ, ਜੋ ਅਚਾਨਕ ਪਿੰਡ ਕਲਵਾਂ ਲਾਗੇ ਅਸੰਤੁਲਿਤ ਹੋ ਕੇ ਸੜਕ ਕਿਨਾਰੇ ਖੇਤਾਂ ’ਚ ਪਲਟ ਗਈ। ਉਕਤ ਗੱਡੀ ’ਚ ਕਰੀਬ 55 ਭਰੇ ਹੋਏ ਘਰੇਲੂ ਗੈਸ ਦੇ ਸਿਲੰਡਰ ਲੱਦੇ ਹੋਏ ਸਨ, ਜੋ ਦੁਰਘਟਨਾ ਉਪਰੰਤ ਸੁਰੱਖਿਅਤ ਪਾਏ ਜਾਣ ਕਾਰਨ ਕਿਸੇ ਤਰ੍ਹਾਂ ਦਾ ਵੱਡਾ ਹਾਦਸਾ ਵਾਪਰਨ ਤੋਂ ਟਲ ਗਿਆ।

ਇਹ ਵੀ ਪੜ੍ਹੋ :  Punjab: ਰਜਿਸਟਰੀਆਂ ਕਰਵਾਉਣ ਵਾਲਿਆਂ ਲਈ ਖ਼ਾਸ ਖ਼ਬਰ, ਹੋਈਆਂ ਬਦਲੀਆਂ ਤੇ ਤਾਇਨਾਤੀਆਂ

ਇਸ ਦੌਰਾਨ ਸਿਲੰਡਰਾਂ ਨਾਲ ਲੱਦੀ ਗੱਡੀ ਦੇ ਚਾਲਕ ਦੇ ਮਾਮੂਲੀ ਸੱਟਾਂ ਲੱਗੀਆ ਜਦਕਿ ਉਸ ਨਾਲ ਬੈਠੇ ਇਕ ਹੋਰ ਨੌਜਵਾਨ ਦਾ ਵੀ ਵਾਲ-ਵਾਲ ਬਚਾ ਹੋ ਗਿਆ। ਇਸ ਦੌਰਾਨ ਉਕਤ ਸਮੁੱਚੇ ਗੈਸ ਸਿਲੰਡਰ ਖੇਤਾਂ ’ਚ ਇੱਧਰ-ਉੱਧਰ ਵਿਖਰ ਗਏ। ਉਨ੍ਹਾਂ ਆਖਿਆ ਕਿ ਉਕਤ ਹਾਦਸੇ ਦੇ ਅਸਲ ਕਾਰਨਾਂ ਦਾ ਪਤਾ ਲਗਾਇਆ ਜਾ ਰਿਹਾ ਹੈ ਉਪਰੰਤ ਕਾਨੂੰਨ ਮੁਤਾਬਕ ਕਾਰਵਾਈ ਅਮਲ ’ਚ ਲਿਆਂਦੀ ਜਾਵੇਗੀ।

ਇਹ ਵੀ ਪੜ੍ਹੋ :  ਲੋਕਾਂ ਲਈ ਖੜ੍ਹੀ ਹੋ ਸਕਦੀ ਵੱਡੀ ਮੁਸੀਬਤ! ਪੰਜਾਬ 'ਚ 14 ਮਾਰਚ ਨੂੰ ਲੈ ਕੇ ਹੋਇਆ ਵੱਡਾ ਐਲਾਨ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e