ਵੱਛੀ ਨੂੰ ਨੋਚ-ਨੋਚ ਕੇ ਖਾ ਗਏ ਅਵਾਰਾ ਕੁੱਤੇ, ਪਿੰਡ ਵਾਸੀ ਪਰੇਸ਼ਾਨ

ਤਪਾ ਮੰਡੀ (ਸ਼ਾਮ, ਗਰਗ) : ਸਥਾਨਕ ਮੰਡੀ ‘ਚ ਅਵਾਰਾ ਪਸ਼ੂ ਅਤੇ ਕੁੱਤਿਆਂ ਦੀ ਦਿਨੋਂ-ਦਿਨ ਗਿਣਤੀ ਵੱਧਦੀ ਜਾ ਰਹੀ ਹੈ, ਜਿਸ ਨੂੰ ਦੇਖਦਿਆਂ ਬੀਤੀ ਰਾਤ ਅਵਾਰਾ ਕੁੱਤਿਆਂ ਨੇ ਇੱਕ ਵੱਛੀ ਨੂੰ ਨੋਚ-ਨੋਚ ਖਾ ਲਿਆ। ਉਸ ਨੂੰ ਨਗਰ ਕੌਂਸਲ ਤਪਾ ਦੇ ਕਰਮਚਾਰੀਆਂ ਨੇ ਚੁਕਾ ਕੇ ਹੱਡਾ ਰੋੜੀ ਵਿਖੇ ਭੇਜ ਦਿੱਤਾ। ਇਸ ਸਬੰਧੀ ਕੁੱਝ ਮੰਡੀ ਵਾਸੀਆਂ ਦਾ ਕਹਿਣਾ ਹੈ ਕਿ ਸ਼ਹਿਰ ‘ਚ ਕੋਈ ਹੱਡਾ ਰੋੜੀ ਨਾ ਹੋਣ ਕਾਰਨ ਨਗਰ ਕੌਂਸਲ ਨੂੰ ਭਾਰੀ ਮੁਸ਼ਕਲਾਂ ਆ ਰਹੀਆਂ ਹਨ ਅਤੇ ਬਾਹਰੋਂ ਚੁੱਕਣ ਆਉਂਦੇ ਠੇਕੇਦਾਰ ਦੇਰੀ ਨਾਲ ਆਉਂਦੇ ਹਨ ਅਤੇ ਮਰੇ ਪਏ ਪਸ਼ੂ ‘ਚੋਂ ਭੈੜੀ ਬਦਬੂ ਆਉਣ ਲੱਗ ਜਾਂਦੀ ਹੈ।

ਇਸ ਕਾਰਨ ਵਾਤਾਵਰਣ ਦੂਸ਼ਿਤ ਹੋਣ ਲੱਗ ਪੈਂਦਾ ਹੈ। ਲੋਕਾਂ ਦੀ ਨਗਰ ਕੌਂਸਲ ਪਾਸੋਂ ਪੁਰਜ਼ੋਰ ਮੰਗ ਹੈ ਕਿ ਹੱਡਾ ਰੋੜੀ ਲਈ ਕੋਈ ਜਗ੍ਹਾ ਬਣਾਈ ਜਾਵੇ। ਇਸ ਸਬੰਧੀ ਜਦ ਨਗਰ ਕੌਂਸਲ ਦੇ ਪ੍ਰਧਾਨ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਦੱਸਿਆ ਕਿ ਹੱਡਾ ਰੋੜੀ ਦੇ ਠੇਕੇਦਾਰ ਨੂੰ ਤੁਰੰਤ ਬੁਲਾ ਕੇ ਮਰੀ ਵੱਛੀ ਨੂੰ ਚੁਕਾ ਦਿੱਤਾ ਗਿਆ ਹੈ।