ਜਲੰਧਰ ਵਾਸੀਆਂ ਲਈ ਅਹਿਮ ਖ਼ਬਰ, ਹੁਣ ਮਿਲਣਗੀਆਂ ਇਹ ਵੱਡੀਆਂ ਸਹੂਲਤਾਂ

ਜਲੰਧਰ (ਪੁਨੀਤ)–ਆਮ ਲੋਕਾਂ ਨੂੰ ਵੱਡੀ ਸੁਵਿਧਾ ਪ੍ਰਦਾਨ ਕਰਦੇ ਹੋਏ ਸੇਵਾ ਕੇਂਦਰਾਂ ’ਤੇ ਕਈ ਨਵੀਆਂ ਸੇਵਾਵਾਂ ਉਪਲੱਬਧ ਕਰਵਾਈਆਂ ਜਾ ਰਹੀਆਂ ਹਨ। ਇਸ ਤੋਂ ਪਹਿਲਾਂ ਪ੍ਰਸ਼ਾਸਨ ਵੱਲੋਂ ਮਾਡਲ ਟਾਊਨ ਦੇ ਸੇਵਾ ਕੇਂਦਰ ਦਾ ਸਮਾਂ ਸਵੇਰੇ 8 ਤੋਂ ਰਾਤ 8 ਵਜੇ ਤਕ ਕੀਤਾ ਜਾ ਚੁੱਕਾ ਹੈ, ਜੋਕਿ ਜਨਤਾ ਲਈ ਵੱਡੀ ਰਾਹਤ ਬਣ ਰਿਹਾ ਹੈ।

ਇਹ ਵੀ ਪੜ੍ਹੋ: ਪੰਜਾਬ ਦੇ ਇਸ ਪਿੰਡ ਲਈ ਵੱਡਾ ਐਲਾਨ, 21 ਤਾਰੀਖ਼ ਤੋਂ ਚੱਲੇਗੀ ਇਹ ਮੁਫ਼ਤ ਬੱਸ ਸੇਵਾ

ਇਸੇ ਲੜੀ ਵਿਚ ਰੈਵੇਨਿਊ ਵਿਭਾਗ ਨਾਲ ਜੁੜੀਆਂ 5 ਸੇਵਾਵਾਂ, ਡਰਾਈਵਿੰਗ ਲਾਇਸੈਂਸ ਅਤੇ ਆਰ. ਸੀ. ਨਾਲ ਜੁੜੀਆਂ ਟਰਾਂਸਪੋਰਟ ਵਿਭਾਗ ਦੀਆਂ 27 ਸੁਵਿਧਾਵਾਂ ਨੂੰ ਸੇਵਾ ਕੇਂਦਰਾਂ ’ਤੇ ਉਪਲੱਬਧ ਕਰਵਾ ਦਿੱਤਾ ਗਿਆ ਹੈ। ਡਿਪਟੀ ਕਮਿਸ਼ਨਰ ਡਾ. ਹਿਮਾਂਸ਼ੂ ਅਗਰਵਾਲ ਨੇ ਦੱਸਿਆ ਕਿ ਨਵੀਂ ਸੇਵਾ ਮੁਤਾਬਕ ਸੇਵਾ ਕੇਂਦਰ ਤੋਂ ਡੀਡ ਰਜਿਸਟ੍ਰੇਸ਼ਨ, ਡੀਡ ਦਾ ਮਸੌਦਾ ਤਿਆਰ ਕਰਨਾ, ਅਗਾਊਂ ਜਾਂਚ ਲਈ ਡੀਡ ਜਮ੍ਹਾ ਕਰਨਾ, ਨਿਯੁਕਤੀ, ਸਟਾਂਪ ਫੀਸ ਦਾ ਭੁਗਤਾਨ, ਮਿਊਟੇਸ਼ਨ ਲਈ ਬੇਨਤੀ, ਰਿਪੋਰਟ ਦਰਜ ਕਰਨ ਲਈ ਬੇਨਤੀ (ਅਦਾਲਤ ਦੇ ਹੁਕਮਾਂ ਨਾਲ ਸਬੰਧਤ, ਬੈਂਕ ਕਰਜ਼ਾ, ਬੰਧਕ ਜਾਂ ਬੈਂਕ ਕਰਜ਼ਾ/ਬੰਧਕ ਦੀ ਮੁਆਫ਼ੀ), ਫਰਦ ਬਦਲ, ਡਿਜੀਟਲ ਦਸਤਖ਼ਤਸ਼ੁਦਾ ਫਰਦ ਲਈ ਬੇਨਤੀ ਤੋਂ ਇਲਾਵਾ ਡਰਾਈਵਿੰਗ ਨਾਲ ਸਬੰਧਤ 15 ਸੇਵਾਵਾਂ ਅਤੇ ਆਰ. ਸੀ. ਨਾਲ ਸਬੰਧਤ 12 ਸੇਵਾਵਾਂ ਉਪਲੱਬਧ ਹਨ।

ਇਹ ਵੀ ਪੜ੍ਹੋ: Punjab: ਡਰਾਈਵਿੰਗ ਲਾਇਸੈਂਸ ਨੂੰ ਲੈ ਕੇ ਚਿੰਤਾ ਭਰੀ ਖ਼ਬਰ, ਖੜ੍ਹੀ ਹੋਈ ਵੱਡੀ ਪ੍ਰੇਸ਼ਾਨੀ

ਡਾ. ਅਗਰਵਾਲ ਨੇ ਦੱਸਿਆ ਕਿ ਡਰਾਈਵਿੰਗ ਨਾਲ ਸਬੰਧਤ ਸੇਵਾਵਾਂ ਵਿਚ ਲਰਨਿੰਗ ਲਾਇਸੈਂਸ ਜਿਵੇਂ ਨਵਾਂ ਬਿਨੈ-ਪੱਤਰ, ਪਤੇ ਵਿਚ ਬਦਲਾਅ, ਨਾਂ ਵਿਚ ਬਦਲਾਅ, ਡੁਪਲੀਕੇਟ ਲਰਨਿੰਗ ਲਾਇਸੈਂਸ ਬਣਾਉਣਾ, ਇਸ ਤੋਂ ਇਲਾਵਾ ਡਰਾਈਵਿੰਗ ਲਾਇਸੈਂਸ ਨਾਲ ਸਬੰਧਤ ਹੋਰ ਸੇਵਾਵਾਂ ਵਿਚ ਡੁਪਲੀਕੇਟ ਲਾਇਸੈਂਸ, ਨਵੀਨੀਕਰਨ, ਰਿਪਲੇਸਮੈਂਟ, ਪਤੇ ਵਿਚ ਬਦਲਾਅ, ਨਾਂ ਵਿਚ ਬਦਲਾਅ, ਜਨਮ ਮਿਤੀ ਵਿਚ ਸੁਧਾਰ, ਡਰਾਈਵਿੰਗ ਲਾਇਸੈਂਸ ਦਾ ਅਸਟ੍ਰੈਕਟ ਪ੍ਰਦਾਨ ਕਰਨਾ, ਲਾਇਸੈਂਸ ਸਰੰਡਰ, ਪਬਲਿਕ ਸਰਵਿਸ ਦਾ ਬੈਜ, ਕੰਡਕਟਰ ਲਾਇਸੈਂਸ ਦਾ ਨਵੀਨੀਕਰਨ, ਲਰਨਰ ਲਾਇਸੈਂਸ ਦੀ ਮਿਆਦ ਦਾ ਵਿਸਥਾਰ ਆਦਿ ਸ਼ਾਮਲ ਹਨ।

ਇਹ ਵੀ ਪੜ੍ਹੋ: ਪੰਜਾਬ ਦੇ ਇਨ੍ਹਾਂ 14 ਜ਼ਿਲ੍ਹਿਆਂ 'ਚ ਪਵੇਗਾ ਭਾਰੀ ਮੀਂਹ ਤੇ ਆਵੇਗਾ ਤੂਫ਼ਾਨ, ਵਿਭਾਗ ਵੱਲੋਂ Alert ਜਾਰੀ

ਆਰ. ਸੀ. ਨਾਲ ਸਬੰਧਤ ਸੇਵਾਵਾਂ ਵਿਚ ਡੁਪਲੀਕੇਟ ਆਰ. ਸੀ., ਗੈਰ-ਕਮਰਸ਼ੀਅਲ ਵਾਹਨ ਦੀ ਮਾਲਕੀ ਵਿਚ ਬਦਲਾਅ, ਹਾਇਰ-ਪ੍ਰਚੇਜ਼ ਦੀ ਨਿਰੰਤਰਤਾ, ਹਾਇਰ-ਪ੍ਰਚੇਜ਼ ਸਮਝੌਤੇ ਦਾ ਸਮਰਥਨ, ਵਪਾਰਕ ਵਾਹਨਾਂ ਲਈ ਫਿੱਟਨੈੱਸ ਸਰਟੀਫਿਕੇਟ, ਵਾਧੂ ਲਾਈਫਟਾਈਮ ਟੈਕਸ ਦਾ ਭੁਗਤਾਨ (ਮਾਲਕੀ ਤਬਦੀਲੀ ਦੀ ਸਥਿਤੀ ਵਿਚ), ਆਰ. ਸੀ. ਵੇਰਵਾ ਦੇਖਣਾ, ਆਰ. ਸੀ. ਲਈ ਐੱਨ. ਓ. ਸੀ., ਟਰਾਂਸਪੋਰਟ ਸੇਵਾਵਾਂ ਦੇ ਰਿਕਾਰਡ ਵਿਚ ਮੋਬਾਈਲ ਨੰਬਰ ਅਪਡੇਟ ਕਰਨਾ, ਆਰ. ਸੀ. ਵਿਚ ਪਤਾ ਬਦਲਣਾ ਸ਼ਾਮਲ ਹਨ। ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਜੋ ਨਾਗਰਿਕ ਸੇਵਾ ਕੇਂਦਰ ’ਤੇ ਨਹੀਂ ਆ ਸਕਦੇ, ਉਹ ਵੀ ਫੋਨ ਨੰਬਰ 1076 ਡਾਇਲ ਕਰਕੇ ਘਰ ਬੈਠੇ ਡੋਰ ਸਟੈੱਪ ਡਿਲਿਵਰੀ ਰਾਹੀਂ ਇਨ੍ਹਾਂ ਸੇਵਾਵਾਂ ਦਾ ਲਾਭ ਉਠਾ ਸਕਦੇ ਹਨ।
ਇਹ ਵੀ ਪੜ੍ਹੋ: ਆਮ ਆਦਮੀ ਪਾਰਟੀ ਵੱਲੋਂ ਪੰਜਾਬ 'ਚ ਅਹੁਦੇਦਾਰਾਂ ਦਾ ਐਲਾਨ, ਲਿਸਟ 'ਚ ਪੜ੍ਹੋ ਪੂਰੇ ਵੇਰਵੇ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e