ਹੌਲੀਨੇਸ਼ਨ ਪਾਸਟਰ ਐਸੋਸੀਏਸ਼ਨ ਦੀ ਮੀਟਿੰਗ

ਹੁਸ਼ਿਆਰਪੁਰ (ਜ.ਬ.)-ਸਥਾਨਕ ਬ੍ਰਦਰ ਇਮਾਨੁਇਲ ਦੇ ਨਿਵਾਸ ਸਥਾਨ ’ਤੇ ਹੌਲੀਨੇਸ਼ਨ ਪਾਸਟਰ ਐਸੋਸੀਏਸ਼ਨ ਦੀ ਵਿਸ਼ੇਸ਼ ਮੀਟਿੰਗ ਜਨਰਲ ਸਕੱਤਰ ਪਾਸਟਰ ਐੱਸ.ਐੱਸ. ਪੀਟਰ ਦੀ ਪ੍ਰਧਾਨਗੀ ਹੇਠ ਹੋਈ। ਜਿਸ ਵਿਚ ਭਾਰੀ ਗਿਣਤੀ ਵਿਚ ਐਸੋਸੀਏਸ਼ਨ ਦੇ ਵਰਕਰਾਂ ਨੇ ਹਿੱਸਾ ਲੈ ਕੇ ਗੁੱਡ ਫਰਾਈਡੇ ਦੇ ਸਬੰਧ ਵਿਚ ਸ਼ੋਭਾ ਯਾਤਰਾ ਕੱਢਣ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਮੀਟਿੰਗ ਦਾ ਸ਼ੁਭ ਆਰੰਭ ਪ੍ਰਾਰਥਨਾ ਕਰਕੇ ਕੀਤਾ ਗਿਆ। ਇਸ ਤੋਂ ਬਾਅਦ ਕੁਝ ਸਮੇਂ ਲਈ ਪ੍ਰਭੂ ਯਿਸੂ ਮਸੀਹ ਜੀ ਦੀ ਮਹਿਮਾ ਦਾ ਗੁਣਗਾਨ ਕੀਤਾ ਗਿਆ ਤੇ ਉਨ੍ਹਾਂ ਦੇ ਪਵਿੱਤਰ ਪ੍ਰਵਚਨਾਂ ਦਾ ਪ੍ਰਚਾਰ ਕੀਤਾ ਗਿਆ। ਪਾਸਟਰ ਐੱਸ.ਐੱਸ. ਪੀਟਰ ਨੇ ਕਿਹਾ ਕਿ ਸਾਨੂੰ ਸਭ ਨੂੰ ਪ੍ਰਭੂ ਯਿਸੂ ਜੀ ਦੇ ਦਰਸਾਏ ਮਾਰਗ ’ਤੇ ਚੱਲਦੇ ਹੋਏ ਆਪਣਾ ਜੀਵਨ ਖੁਸ਼ਹਾਲ ਕਰਨਾ ਚਾਹੀਦਾ ਹੈ। ਮੀਟਿੰਗ ’ਚ ਹਾਜ਼ਰ ਪਾਸਟਰ ਸਾਹਿਬਾਨਾਂ ਨੇ ਫੈਸਲਾ ਲਿਆ ਕਿ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਹੌਲੀਨੇਸ਼ਨ ਪਾਸਟਰ ਐਸੋਸੀਏਸ਼ਨ ਵੱਲੋਂ ਗੁੱਡ ਫਰਾਈਡੇ ਦੇ ਸਬੰਧ ਵਿਚ 16 ਅਪ੍ਰੈਲ ਨੂੰ ਵਿਸ਼ਾਲ ਸ਼ੋਭਾ ਯਾਤਰਾ ਮੁਕੇਰੀਆਂ ਤੋਂ ਕੱਢੀ ਜਾਵੇਗੀ। ਇਸ ਮੌਕੇ ਪਾਸਟਰ ਸਤਪਾਲ ਮਸੀਹ, ਪਾਸਟਰ ਕਿਸ਼ਨ ਕੁਮਾਰ, ਪਾਸਟਰ ਸਲਾਮਤ ਮਸੀਹ, ਪਾਸਟਰ ਅਨੈਤ ਮਸੀਹ, ਪਾਸਟਰ ਡੇਨੀਅਲ, ਪਾਸਟਰ ਸੁਨੀਲ, ਪਾਸਟਰ ਕੇ. ਐੱਸ. ਲਾਟੀ, ਪਾਸਟਰ ਜਸਵੀਰ, ਪਾਸਟਰ ਪ੍ਰੇਮ ਮੁਰਾਦਪੁਰ, ਪਾਸਟਰ ਪ੍ਰੇਮ ਮਸੀਹ ਆਦਿ ਹਾਜ਼ਰ ਸਨ।