ਪੱਟੀ 'ਚ ਪੁਲਸ ਤੇ ਗੈਂਗਸਟਰਾਂ ਵਿਚਾਲੇ ਗੋਲ਼ੀਬਾਰੀ, ਇਕ ਦੀ ਮੌਤ, ਅੰਨ੍ਹੇਵਾਹ ਚੱਲੀਆਂ ਗੋਲ਼ੀਆਂ

ਪੱਟੀ/ਤਰਨਤਰਨ (ਸੌਰਭ,ਬਲਵਿੰਦਰ ਕੌਰ,ਸੋਢੀ,ਪਾਠਕ)- ਪੱਟੀ ਤਰਨਤਾਰਨ ਰੋਡ ਸਥਿਤ ਮਾਹੀ ਪੈਲੇਸ ਨੇਡ਼ੇ ਪੁਲਸ ਅਤੇ ਗੈਂਗਸਟਰ ਵਿਚਕਾਰ ਗੋਲੀਬਾਰੀ ਦਾ ਬਹੁਤ ਵੱਡਾ ਪੁਲਸ ਮੁਕਾਬਲਾ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਐੱਸ.ਐੱਸ.ਪੀ. ਤਰਨਤਾਰਨ ਧਰੁਮਨ ਐੱਚ.ਨਿੰਬਲੇ ਅਤੇ ਐੱਸ.ਪੀ. ਡੀ. ਜਗਜੀਤ ਸਿੰਘ ਵਾਲੀਆ ਨੇ ਦੱਸਿਆ ਕਿ ਇਸ ਗਿਰੋਹ ਵਲੋਂ ਤਰਨਤਾਰਨ, ਭਿੱਖੀਵਿੰਡ, ਢੋਟੀਆਂ ਸਮੇਤ ਪੰਜ ਪੈਟਰੋਲ ਪੰਪਾਂ ਤੋਂ ਹਥਿਆਰਾਂ ਦੀ ਨੋਕ ’ਤੇ ਨਗਦੀ ਖੋਹੀ ਅਤੇ ਕੈਰੋਂ ਅੱਡੇ ਮੋਟਰਸਾਈਕਲ ਸਵਾਰ ਨੂੰ ਗੋਲੀਆਂ ਮਾਰ ਕੇ ਪੰਜ ਹਜ਼ਾਰ ਰੁਪਏ ਨਕਦੀ ਖੋਹਣ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ ਅਤੇ ਅੱਜ ਫਿਰ ਉਕਤ ਗਿਰੋਹ ਵਲੋਂ ਸਰਹਾਲੀ, ਚੋਹਲਾ ਸਾਹਿਬ ਤੋਂ ਹਥਿਆਰਾਂ ਦੀ ਨੋਕ ’ਤੇ ਦੋ ਕਾਰਾਂ ਸਵਿਫਟ ਅਤੇ ਪਲੱਸ ਖੋਹੀਆਂ ਅਤੇ ਢੋਟੀਆਂ ਮੈਡੀਕਲ ਸਟੋਰ ਤੋਂ ਪਚਾਸੀ ਹਜ਼ਾਰ ਦੀ ਨਗਦੀ ਖੋਹੀ ਅਤੇ ਫਰਾਰ ਹੋ ਕੇ ਤਰਨਤਾਰਨ ਪੱਟੀ ਰੋਡ ’ਤੇ ਆ ਗਏ ਅਤੇ ਇੰਨ੍ਹਾਂ ਦਾ ਪਿੱਛਾ ਸਾਡੀ ਪੁਲਸ ਪਾਰਟੀ ਕਰ ਰਹੀ ਸੀ ਅਤੇ ਦੂਸਰੇ ਸਾਹਮਣੇ ਪਾਸੇ ਤੋਂ ਲਖਬੀਰ ਸਿੰਘ ਪਾਰਟੀ ਨੇ ਉਕਤ ਗੈਂਗਸਟਰ ਨੂੰ ਘੇਰਾ ਪਾ ਲਿਆ। ਇਸ ਪੁਲਸ ਮੁਕਾਬਲੇ ਵਿਚ ਇੰਨ੍ਹਾਂ ਵਲੋਂ 80 ਤੋਂ ਵੱਧ ਗੋਲੀਆਂ ਚਲਾਈਆਂ ਹਨ

ਇਹ ਵੀ ਪੜ੍ਹੋ : ਤਰਨਤਾਰਨ 'ਚ ਵੱਡੀ ਵਾਰਦਾਤ, ਦੋਸਤ ਨਾਲ ਮਿਲ ਕੇ ਦੋਹਤੇ ਨੇ ਕਤਲ ਕੀਤੀ ਨਾਨੀ

ਇਸ ਦੌਰਾਨ ਇੰਨ੍ਹਾਂ ਨੇ ਆਪਣੇ ਤਿੰਨ ਪਿਸਟਲਾਂ ਸਮੇਤ ਐੱਸ.ਐੱਚ.ਓ. ਪੱਟੀ ਸਿਟੀ ਦੀ ਗੱਡੀ ’ਤੇ ਸਿੱਧੀਆਂ ਗੋਲੀਆਂ ਚਲਾਈਆਂ ਜੋ ਕਿ ਡਰਾਈਵਰ ਸਰਬਜੀਤ ਸਿੰਘ ’ਤੇ ਲੱਗੀਆਂ ਅਤੇ ਇਕ ਗੋਲੀ ਪੁਲਸ ਜਵਾਨ ਬਿਕਰਮਜੀਤ ਸਿੰਘ ਨੂੰ ਲੱਗੀ। ਪੁਲਸ ਵਲੋਂ ਜਵਾਬੀ ਕਾਰਵਾਈ ਦੌਰਾਨ ਗੈਂਗਸਟਰ ਖੇਤਾਂ ਵਿਚੋਂ ਹੁੰਦੇ ਹੋਏ ਮਾਹੀ ਪੈਲੇਸ ਮਾਹੀ ਪੱਟੀ ਵਿਚ ਜਾ ਵਡ਼ੇ, ਜਿੱਥੇ ਅੱਜ ਵਿਆਹ ਸਮਾਗਮ ਚੱਲ ਰਿਹਾ ਸੀ। ਪੁਲਸ ਵਲੋਂ ਵਿਆਹ ਸਮਾਗਮ ਰੋਕ ਕੇ ਬਾਰਾਤੀਆਂ ਨੂੰ ਬਾਹਰ ਕੱਢ ਦਿੱਤਾ ਗਿਆ ਅਤੇ ਪੈਲੇਸ ਉੱਤੇ ਪੁਲਸ ਪਾਰਟੀ ਵਲੋਂ ਕਬਜ਼ਾ ਕਰ ਲਿਆ ਗਿਆ। ਗੈਂਗਸਟਰ ਵਿਚ ਗੁਰਜਿੰਦਰ ਸਿੰਘ ਵਾਸੀ ਮਾਣਕਪੁਰਾ, ਗੁਰਪ੍ਰੀਤ ਸਿੰਘ ਗੋਪੀ ਵਾਸੀ ਭੁੱਲਰ, ਰਾਜਬੀਰ ਸਿੰਘ ਰਾਜੂ ਕੱਚਾ ਪੱਕਾ, ਜੱਗੀ ਵਾਸੀ ਨੌਸ਼ਿਹਰਾ ਪੰਨੂੰਆਂ ਅਤੇ ਗੁਰਪ੍ਰੀਤ ਸਿੰਘ ਗੋਪੀ ਜਿਸ ਦੀ ਨਸ਼ੇ ਦੀ ਓਵਰਡੋਜ਼ ਨਾਲ ਮੌਤ ਹੋ ਗਈ ਹੈ ਅਤੇ ਇਨ੍ਹਾਂ ਦਾ ਸਿਵਲ ਹਸਪਤਾਲ ਪੱਟੀ ਤੋਂ ਮੈਡੀਕਲ ਕਰਵਾਇਆ ਜਾ ਰਿਹਾ ਹੈ।

ਇਹ ਵੀ ਪੜ੍ਹੋ : ਕਿਸਾਨ ਅੰਦੋਲਨ ਦੌਰਾਨ ਐੱਨ. ਆਈ. ਏ. ਵਲੋਂ ਨੋਟਿਸ ਭੇਜੇ ਜਾਣ ’ਤੇ ਕੈਪਟਨ ਦੀ ਕੇਂਦਰ ਨੂੰ ਚਿਤਾਵਨੀ

ਐੱਸ.ਐੱਸ.ਪੀ. ਨੇ ਦੱਸਿਆ ਕਿ ਤਿੰਨ ਪਿਸਟਲ, ਇਕ ਲੱਖ ਨਗਦੀ, ਅਫੀਮ, ਸਮੈਕ ਅਤੇ ਭਾਰੀ ਮਾਤਰਾ ਵਿਚ ਨਸ਼ੀਲੀਆਂ ਗੋਲੀਆਂ ਬਰਾਮਦ ਹੋਈਆਂ ਹਨ ਅਤੇ ਇੰਨ੍ਹਾਂ ਨੇ ਪਿਛਲੇ 24 ਘੰਟਿਆਂ ਦੌਰਾਨ ਛੇ ਤੋਂ ਵੱਧ ਵਾਰਦਾਤਾਂ ਨੂੂੰ ਅੰਜਾਮ ਦਿੱਤਾ ਹੈ। ਇੰਨ੍ਹਾਂ ਉੱਪਰ ਪੰਜਾਬ ਦੇ ਵੱਖ-ਵੱਖ ਪੁਲਸ ਥਾਣਿਆਂ ਵਿਚ ਲੁੱਟਾਂ ਖੋਹਾਂ ਕਰਨ ਅਤੇ ਨਸ਼ੀਲੇ ਪਦਾਰਥ, ਗੋਲੀਆਂ ਚਲਾਉਣ ਸਮੇਤ ਹੋਰ ਮਾਮਲੇ ਦਰਜ ਹਨ।

ਇਹ ਵੀ ਪੜ੍ਹੋ : ਠੰਡ ਤੋਂ ਬਚਾਅ ਲਈ ਬਾਲ਼ੀ ਅੰਗੀਠੀ ਬਣੀ ਕਾਲ, 4 ਸਾਲ ਦੇ ਪੁੱਤ ਸਣੇ ਮਾਂ ਦੀ ਮੌਤ

ਇਸ ਪੁਲਸ ਮੁਕਾਬਲੇ ਵਿਚ ਇੰਨ੍ਹਾਂ ਵਲੋਂ 80 ਤੋਂ ਵੱਧ ਗੋਲੀਆਂ ਚਲਾਈਆਂ ਹਨ ਅਤੇ ਇਸ ਪੁਲਸ ਮੁਕਾਬਲੇ ਦੌਰਾਨ ਡੀ.ਐੱਸ.ਪੀ. ਕੁਲਜਿੰਦਰ ਸਿੰਘ, ਡੀ.ਐੱਸ.ਪੀ. ਭਿੱਖੀਵਿੰਡ ਰਾਜਬੀਰ ਸਿੰਘ, ਡੀ.ਐੱਸ.ਪੀ. ਤਰਨਤਾਰਨ, ਐੱਸ.ਐੱਚ.ਓ. ਪੱਟੀ ਲਖਬੀਰ ਸਿੰਘ ਸਮੇਤ ਪੂਰੇ ਜ਼ਿਲੇ ਦੀ ਪੁਲਸ ਪਾਰਟੀ, ਪੈਰਾ ਕਮਾਂਡੋ ਹਾਜ਼ਰ ਸਨ।।

ਇਹ ਵੀ ਪੜ੍ਹੋ : ਪੰਜਾਬ ਪੁਲਸ ਨੇ ਗ੍ਰਿਫ਼ਤਾਰ ਕੀਤਾ ਏ. ਐੱਸ. ਆਈ., ਜਾਣੋ ਕੀ ਹੈ ਪੂਰਾ ਮਾਮਲਾ

ਨੋਟ - ਇਸ ਖ਼ਬਰ ਸੰਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦੱਸੋ?