ਖ਼ਤਰਾ ਅਜੇ ਟਲਿਆ ਨਹੀਂ : ਲੁਧਿਆਣਾ ਦਾ ਇਕ ਹੋਰ ਪੁੱਲ ਪਾਣੀ 'ਚ ਰੁੜ੍ਹਿਆ, ਪਿੰਡ ਨਾਲੋਂ ਟੁੱਟਿਆ ਸੰਪਰਕ (ਤਸਵੀਰਾਂ)
Wednesday, Jul 12, 2023 - 12:25 PM (IST)
ਭਾਮੀਆਂ ਕਲਾਂ (ਜਗਮੀਤ) : ਲੁਧਿਆਣਾ ਦੇ ਬੁੱਢੇ ਦਰਿਆ 'ਚ ਪਾਣੀ ਦਾ ਵਹਾਅ ਵੱਧਣ ਦੇ ਕਾਰਨ ਬੀਤੇ ਦਿਨ ਪਿੰਡ ਭੂਖੜੀ ਕਲਾਂ ਵਿਖੇ ਸਥਿਤ ਪੁੱਲ ਢਹਿ-ਢੇਰੀ ਹੋ ਗਿਆ ਸੀ। ਉੱਥੇ ਹੀ ਦੇਰ ਰਾਤ ਪਿੰਡ ਭੂਖੜੀ ਖੁਰਦ ਵਿਖੇ ਬਣਿਆ ਹੋਇਆ ਪੁੱਲ ਵੀ ਪਾਣੀ ਦੇ ਵਹਾਅ 'ਚ ਰੁੜ੍ਹ ਗਿਆ। ਬੁੱਢੇ ਨਾਲੇ 'ਚ ਪਾਣੀ ਦਾ ਵਹਾਅ ਵੱਧਦਾ ਹੀ ਜਾ ਰਿਹਾ ਹੈ।
ਪੁੱਲ ਟੁੱਟਣ ਦੇ ਕਾਰਨ ਬੁੱਢੇ ਦਰਿਆ ਦੇ ਦੂਜੇ ਕਿਨਾਰੇ ਬਣੀਆਂ ਹੋਈਆਂ ਡੇਅਰੀਆਂ ਦਾ ਸੰਪਰਕ ਪਿੰਡ ਨਾਲੋਂ ਪੂਰੀ ਤਰ੍ਹਾਂ ਟੁੱਟ ਗਿਆ। ਪਾਣੀ ਦੇ ਤੇਜ਼ ਵਹਾਅ ਕਾਰਨ ਨੇੜੇ ਬਣੀਆਂ ਹੋਈਆਂ ਡੇਅਰੀਆਂ 'ਚ ਵੀ ਪਾਣੀ ਭਰ ਗਿਆ।
ਇਹ ਵੀ ਪੜ੍ਹੋ : ਬਿਸ਼ਨੋਈ ਗੈਂਗ ਦਾ ਖ਼ਾਸ ਗੁਰਗਾ ਗ੍ਰਿਫ਼ਤਾਰ, ਪਹਿਲਾਂ ਤੋਂ ਦਰਜ ਹਨ ਕਈ ਮਾਮਲੇ
ਦੇਰ ਰਾਤ ਤੋਂ ਹੀ ਥਾਣਾ ਜਮਾਲਪੁਰ ਦੇ ਇੰਚਾਰਜ ਜਸਪਾਲ ਸਿੰਘ ਅਤੇ ਚੌਂਕੀ ਇੰਚਾਰਜ ਬਰਿੰਦਰਜੀਤ ਸਿੰਘ ਪੁਲਸ ਦੀਆਂ ਟੀਮਾਂ ਸਮੇਤ ਮੌਕੇ 'ਤੇ ਮੌਜੂਦ ਹਨ। ਬੁੱਢੇ ਦਰਿਆ ਦੇ ਨੇੜੇ ਰਹਿਣ ਵਾਲੇ ਲੋਕਾਂ ਨੂੰ ਪਾਣੀ ਪੱਧਰ ਘੱਟਣ ਤੱਕ ਆਪਣੇ ਡੇਰਿਆਂ ਤੋਂ ਬਾਹਰ ਲਿਜਾਇਆ ਜਾ ਰਿਹਾ ਹੈ। ਖ਼ਬਰ ਲਿਖੇ ਜਾਣ ਤੱਕ ਬਚਾਅ ਅਤੇ ਰਾਹਤ ਦੇ ਕੰਮ ਜਾਰੀ ਸਨ।
ਨੋਟ : ਇਸ ਖ਼ਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ
