ਪਰਿਵਾਰ ''ਤੇ ਟੁੱਟਿਆ ਕਹਿਰ, ਛੁੱਟੀਆਂ ਕੱਟਣ ਨਾਨਕੇ ਆਏ ਬੱਚੇ ਨਾਲ ਵਾਪਰ ਗਿਆ ਭਾਣਾ

ਸਾਦਿਕ (ਪਰਮਜੀਤ) : ਸਾਦਿਕ ਨੇੜੇ ਪਿੰਡ ਕਿੱਲੀ ਅਰਾਈਆਂ ਵਿਖੇ ਦਰਦਨਾਕ ਹਾਦਸੇ ਦੌਰਾਨ ਇਕ ਬੱਚੇ ਦੇ ਨਹਿਰ ਵਿਚ ਡਿੱਗ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਗਰਮੀਆਂ ਦੀਆਂ ਛੁੱਟੀਆਂ ਹੋਣ ਕਰਕੇ ਜ਼ਿਲ੍ਹਾ ਫਰੀਦਕੋਟ ਦੇ ਕੋਟਕਪੂਰਾ ਤੋਂ ਬੱਚਾ ਗੁਰਸਿਮਰਨ ਸਿੰਘ (14) ਆਪਣੇ ਨਾਨਕੇ ਪਿੰਡ ਕਿੱਲੀ ਅਰਾਈਆਂ ਵਿਖੇ ਆਇਆ ਹੋਇਆ ਸੀ। ਅੱਜ ਸਵੇਰੇ ਉਹ ਆਪਣੇ ਮਾਮੇ ਗੁਰਬਾਜ ਸਿੰਘ ਦੇ ਲੜਕੇ ਅਰਮਾਨ ਨਾਲ ਆਪਣੀ ਸਕੂਟਰੀ "ਤੇ ਪਿੰਡ ਦੇ ਕੋਲ ਦੀ ਲੰਘਦੀ ਗੰਗ ਕੈਨਾਲ ਨਹਿਰ ਵੱਲ ਜਾ ਰਹੇ ਸਨ। ਉਸ ਵਕਤ ਸਕੂਟਰੀ ਨੂੰ ਅਰਮਾਨ ਚਲਾ ਰਿਹਾ ਸੀ। ਗੁਰਸਿਮਰਨ ਸਿੰਘ ਨੇ ਨਹਿਰ ਕੰਡੇ ਲੱਗੇ ਨਲਕੇ ਤੋਂ ਪਹਿਲਾਂ ਜਲਦੀ ਨਾਲ ਪਾਣੀ ਪੀਤਾ ਅਤੇ ਅਰਮਾਨ ਪਾਣੀ ਪੀ ਰਿਹਾ ਸੀ। ਇੰਨੇ ਵਿਚ ਗੁਰਸਿਮਰਨ ਸਕੂਟਰੀ ਨੂੰ ਵਾਪਿਸ ਮੋੜਣ ਲੱਗਿਆ ਤਾਂ ਸਕੂਟਰੀ ਦੀ ਰੇਸ ਜ਼ਿਆਦਾ ਦਿੱਤੇ ਜਾਣ ਕਰਕੇ ਸਕੂਟਰੀ ਦਾ ਸਤੁਲਨ ਵਿਗੜ ਗਿਆ ਤੇ ਅਚਾਨਕ ਸਕੂਟਰੀ ਸਮੇਤ ਬੱਚਾ ਨਹਿਰ ਵਿਚ ਜਾ ਡਿੱਗਿਆ।

ਇਹ ਵੀ ਪੜ੍ਹੋ : ਪੰਜਾਬ 'ਚ ਵੱਡੀ ਗੈਂਗਵਾਰ, ਭਰੇ ਬਾਜ਼ਾਰ 'ਚ ਮੁੰਡੇ ਦਾ ਕਤਲ, ਸ਼ੂਟਰਾਂ ਨੇ ਦੋਵਾਂ ਹੱਥਾਂ ਨਾਲ ਚਲਾਈਆਂ ਗੋਲੀਆਂ

ਇਸ ਦੌਰਾਨ ਦੂਜੇ ਬੱਚੇ ਨੇ ਜਲਦੀ ਨਾਲ ਘਰ ਆ ਕੇ ਆਪਣੇ ਮਾਪਿਆਂ ਨੂੰ ਦੱਸਿਆ ਅਤੇ ਫਿਰ ਬੱਚੇ ਦੀ ਨਹਿਰ ਵਿਚ ਭਾਲ ਕਰਨੀ ਸ਼ੁਰੂ ਕੀਤੀ ਗਈ। ਇਸ ਘਟਨਾਂ ਦੀ ਸੂਚਨਾ ਮਿਲਦੇ ਹੀ ਨਾਇਬ ਤਹਿਸੀਲਦਾਰ ਸਾਦਿਕ ਹਰਸ਼ ਗੋਇਲ, ਥਾਣਾ ਸਾਦਿਕ ਮੁਖੀ ਨਵਦੀਪ ਸਿੰਘ ਭੱਟੀ, ਡਿਊਟੀ ਅਫਸਰ ਏ.ਐੱਸ.ਆਈ ਹਰਜਿੰਦਰ ਸਿੰਘ, ਪੀ.ਸੀ ਹਰਜੀਤ ਸਿੰਘ ਮੌਕੇ 'ਤੇ ਪੁੱਜੇ ਤੇ ਘਟਨਾ ਸਥਾਨ ਦਾ ਜਾਇਜ਼ਾ ਲਿਆ। ਬੱਚੇ ਦੀ ਪਛਾਣ ਗੁਰਸਿਮਰਨ ਸਿੰਘ ਪੁੱਤਰ ਚਮਕੌਰ ਸਿੰਘ ਵਾਸੀ ਬਸਤੀ ਹਜ਼ਾਰਾ ਸਿੰਘ ਮੋਗਾ ਰੋਡ ਕੋਟਕਪੂਰਾ ਵਜੋਂ ਹੋਈ ਹੈ। ਪਿੰਡ ਵਾਸੀਆਂ ਅਤੇ ਇਲਾਕੇ ਦੇ ਲੋਕਾਂ ਦੀ ਮਦਦ ਨਾਲ ਸਕੂਟਰੀ ਨੂੰ ਨਹਿਰ ਵਿੱਚੋਂ ਬਾਹਰ ਕੱਢ ਲਿਆ ਗਿਆ ਅਤੇ ਬੱਚੇ ਦੀ ਲਗਾਤਾਰ ਭਾਲ ਕੀਤੀ ਜਾ ਰਹੀ ਹੈ।

ਇਹ ਵੀ ਪੜ੍ਹੋ : ਪੰਜਾਬ 'ਚ ਲਾਟਰੀ 'ਚੋਂ ਨਿਕਲਿਆ ਲੱਖਾਂ ਰੁਪਏ ਦਾ ਇਨਾਮ ਪਰ ਲੱਖਪਤੀ ਬਣਨ ਵਾਲਾ...

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇
https://whatsapp.com/channel/0029Va94hsaHAdNVur4L170e