ਰੂਪਨਗਰ ''ਚ ਕੋਰੋਨਾ ਦੇ 6 ਨਵੇਂ ਮਰੀਜ਼ਾਂ ਦੀ ਹੋਈ ਪੁਸ਼ਟੀ

07/12/2020 10:54:10 PM

ਰੂਪਨਗਰ,(ਸੱਜਣ ਸੈਣੀ)- ਜਿੱਥੇ ਰੂਪਨਗਰ ਸ਼ਹਿਰ 'ਚ ਕੋਰੋਨਾ ਵਾਇਰਸ ਦੇ ਮਰੀਜ਼ਾਂ ਦਾ ਮਿਲਣਾ ਲਗਾਤਾਰ ਜਾਰੀ ਹੈ । ਜ਼ਿਲ੍ਹਾ ਰੂਪਨਗਰ 'ਚ ਕੋਰੋਨਾ ਵਾਇਰਸ  ਦੇ 6 ਨਵੇਂ ਪਾਜ਼ੇਟਿਵ ਮਾਮਲੇ ਸਾਹਮਣੇ ਆਏ ਹਨ। ਜਿਸ ਦੇ ਬਾਅਦ ਹੁਣ ਜ਼ਿਲ੍ਹਾ ਰੂਪਨਗਰ 'ਚ ਐਕਟਿਵ ਕੇਸਾਂ ਦੀ ਕੁੱਲ ਗਿਣਤੀ 30 ਹੋ ਚੁੱਕੀ ਹੈ ।
ਇਨ੍ਹਾਂ 30 ਕੇਸਾਂ 'ਚੋਂ ਐਸ.ਡੀ.ਐਮ. ਰੂਪਨਗਰ ਤੇ ਡਿਪਟੀ ਕਮਿਸ਼ਨਰ ਰੂਪਨਗਰ ਦੇ ਇਲਾਵਾ ਡਿਪਟੀ ਕਮਿਸ਼ਨਰ ਦੇ ਪੰਜ ਪਰਿਵਾਰਕ ਮੈਂਬਰ ਵੀ ਸ਼ਾਮਿਲ ਹਨ । ਜਿਸ ਦੇ ਬਾਅਦ ਭਾਰਤ ਸਰਕਾਰ ਦੇ ਨਿਯਮਾਂ ਅਨੁਸਾਰ ਡਿਪਟੀ ਕਮਿਸ਼ਨਰ ਰੂਪਨਗਰ ਦੀ ਰਿਹਾਇਸ਼ ਦੇ ਨਾਲ ਲੱਗਦੇ ਇਲਾਕੇ ਨੂੰ ਸੀਲ ਕੀਤਾ ਗਿਆ ਹੈ । ਇਸ ਸੀਲ ਕੀਤੇ ਇਲਾਕੇ 'ਚ PWD ਕਾਲੋਨੀ , ਸ਼ਹੀਦੇ ਆਜ਼ਮ  ਭਗਤ ਸਿੰਘ ਨਗਰ ਅਤੇ ਨਰਿੰਦਰਾ ਕਾਲੋਨੀ ਦੇ ਇਲਾਕੇ ਸ਼ਾਮਲ ਹਨ ।
ਐਸ. ਡੀ. ਐਮ. ਰੂਪਨਗਰ ਦੀ ਰਿਪੋਰਟ ਕੋਰੋਨਾ ਪਾਜ਼ੇਟਿਵ ਆਉਣ ਦੇ ਬਾਅਦ ਐਸ.ਡੀ.ਐਮ. ਰੂਪਨਗਰ ਸਿਵਲ ਹਸਪਤਾਲ ਆਈਸੋਲੇਟ ਕੀਤਾ ਗਿਆ ਹੈ , ਜਦਕਿ ਡਿਪਟੀ ਕਮਿਸ਼ਨਰ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨੂੰ ਉਨ੍ਹਾਂ ਦੇ ਘਰ 'ਚ ਹੀ ਆਈਸੋਲੇਟ ਕੀਤਾ ਗਿਆ ਹੈ । ਸੋਮਵਾਰ ਤੋਂ ਡੀ.ਸੀ. ਆਫਿਸ ਸਿਰਫ ਐਮਰਜੈਂਸੀ ਜ਼ਰੂਰੀ ਕੰਮਾਂ ਦੇ ਲਈ ਖੁੱਲ੍ਹੇ ਰਹਿਣਗੇ , ਇਸ ਤੋਂ ਇਲਾਵਾ ਆਮ ਸ਼ਿਕਾਇਤਾਂ ਡਿਪਟੀ ਕਮਿਸ਼ਨਰ ਰੂਪਨਗਰ ਦੀ  ਦਫ਼ਤਰੀ ਈ ਮੇਲ 'ਤੇ ਭੇਜੀਆਂ ਜਾ ਸਕਦੀਆਂ ਹਨ ।
ਐਸ.ਡੀ.ਐਮ. ਰੂਪਨਗਰ ਤੇ ਡਿਪਟੀ ਕਮਿਸ਼ਨਰ ਦੀ ਕੋਰੋਨਾ ਰਿਪੋਰਟ ਪਾਜ਼ੇਟਿਵ ਆਉਣ ਦੇ ਬਾਅਦ ਐਸ.ਡੀ.ਐਮ. ਦਫ਼ਤਰ ਤੇ ਡਿਪਟੀ ਕਮਿਸ਼ਨਰ ਰੂਪਨਗਰ ਦੇ ਸਮੂਹ ਮੁਲਾਜ਼ਮਾਂ ਦੇ ਕੋਰੋਨਾ ਟੈਸਟ ਲਈ ਸੈਂਪਲ ਲਏ ਗਏ ਹਨ ਜਿਨ੍ਹਾਂ ਦੀ ਰਿਪੋਰਟ ਆਉਣੀ ਬਾਕੀ ਹੈ ।


Bharat Thapa

Content Editor

Related News