ਤਮਿਲਨਾਡੂ ''ਚ DMK ਦਾ ਕਿਲ੍ਹਾ ਢਾਹੁਣ ਵਾਲੇ ਸੁਪਰਸਟਾਰ ਵਿਜੇ ਨੂੰ ਕਿਉਂ ਕਿਹਾ ਜਾਂਦੈ ''Thalapathy''?

ਨੈਸ਼ਨਲ ਡੈਸਕ : ਤਮਿਲ ਸਿਨੇਮਾ ਦੇ ਸੁਪਰਸਟਾਰ ਤੋਂ ਰਾਜਨੇਤਾ ਬਣੇ ਥਲਪਤੀ ਵਿਜੇ ਨੇ ਤਮਿਲਨਾਡੂ ਦੀ ਰਾਜਨੀਤੀ 'ਚ ਇਤਿਹਾਸ ਰਚ ਦਿੱਤਾ ਹੈ। ਉਨ੍ਹਾਂ ਦੀ ਨਵੀਂ ਬਣੀ ਪਾਰਟੀ ਤਮਿਲਗਾ ਵੇਤਰੀ ਕੜਗਮ (TVK), 2026 ਦੀਆਂ ਵਿਧਾਨ ਸਭਾ ਚੋਣਾਂ ਦੇ ਰੁਝਾਨਾਂ 'ਚ ਬਹੁਮਤ ਦੇ ਕਰੀਬ ਪਹੁੰਚਦੀ ਨਜ਼ਰ ਆ ਰਹੀ ਹੈ, ਜਿਸ ਨਾਲ ਸੂਬੇ 'ਚ ਦਹਾਕਿਆਂ ਤੋਂ ਚੱਲ ਰਹੇ ਦੋ-ਪਾਰਟੀ ਸਿਸਟਮ ਨੂੰ ਵੱਡੀ ਚੁਣੌਤੀ ਮਿਲੀ ਹੈ।

ਇਤਿਹਾਸਕ ਜਿੱਤ ਵੱਲ ਵਧਦੇ ਕਦਮ 
ਤਾਜ਼ਾ ਚੋਣ ਰੁਝਾਨਾਂ ਅਨੁਸਾਰ ਤਮਿਲਨਾਡੂ ਦੀਆਂ 234 ਵਿਧਾਨ ਸਭਾ ਸੀਟਾਂ ਵਿੱਚੋਂ ਵਿਜੇ ਦੀ ਪਾਰਟੀ TVK 110 ਤੋਂ ਵੱਧ ਸੀਟਾਂ 'ਤੇ ਅੱਗੇ ਚੱਲ ਰਹੀ ਹੈ। ਇਸ ਪ੍ਰਦਰਸ਼ਨ ਨੇ ਸੂਬੇ ਦੀਆਂ ਦੋ ਸਥਾਪਿਤ ਪਾਰਟੀਆਂ, ਸੱਤਾਧਾਰੀ ਡੀਐਮਕੇ (DMK) ਅਤੇ ਏਆਈਏਡੀਐਮਕੇ (AIADMK) ਨੂੰ ਪਿੱਛੇ ਛੱਡ ਦਿੱਤਾ ਹੈ। ਹਾਲਾਂਕਿ ਕਈ ਐਗਜ਼ਿਟ ਪੋਲਜ਼ ਵਿੱਚ TVK ਨੂੰ 'ਕਿੰਗਮੇਕਰ' (Kingmaker) ਵਜੋਂ ਦਿਖਾਇਆ ਗਿਆ ਸੀ, ਪਰ ਮੌਜੂਦਾ ਅੰਕੜੇ ਉਨ੍ਹਾਂ ਨੂੰ ਸਿੱਧੀ ਜਿੱਤ ਵੱਲ ਲੈ ਕੇ ਜਾ ਰਹੇ ਹਨ ਅਤੇ ਉਹ ਮੁੱਖ ਮੰਤਰੀ ਅਹੁਦੇ ਦੇ ਮਜ਼ਬੂਤ ਦਾਅਵੇਦਾਰ ਬਣ ਗਏ ਹਨ।

ਜੋਸਫ਼ ਵਿਜੇ ਤੋਂ 'ਥਲਪਤੀ' ਬਣਨ ਦਾ ਸਫ਼ਰ
22 ਜੂਨ 1974 ਨੂੰ ਚੇਨਈ ਵਿੱਚ ਜਨਮੇ ਵਿਜੇ ਦਾ ਪੂਰਾ ਨਾਮ ਜੋਸਫ਼ ਵਿਜੇ ਚੰਦਰਸ਼ੇਖਰ ਹੈ। ਉਹ ਮਸ਼ਹੂਰ ਤਮਿਲ ਨਿਰਦੇਸ਼ਕ ਐਸ.ਏ. ਚੰਦਰਸ਼ੇਖਰ ਅਤੇ ਗਾਇਕਾ ਸ਼ੋਭਾ ਦੇ ਪੁੱਤਰ ਹਨ। ਉਨ੍ਹਾਂ ਨੇ 1984 ਵਿੱਚ ਇੱਕ ਬਾਲ ਕਲਾਕਾਰ ਵਜੋਂ ਫ਼ਿਲਮਾਂ ਵਿੱਚ ਕਦਮ ਰੱਖਿਆ ਸੀ। ਜਿਵੇਂ-ਜਿਵੇਂ ਉਨ੍ਹਾਂ ਦੀ ਲੋਕਪ੍ਰਿਯਤਾ ਵਧੀ। ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਨੂੰ 'ਥਲਾਪਤੀ' (Thalapathy) ਕਹਿਣਾ ਸ਼ੁਰੂ ਕਰ ਦਿੱਤਾ, ਜਿਸਦਾ ਤਮਿਲ ਵਿੱਚ ਮਤਲਬ 'ਕਮਾਂਡਰ' ਜਾਂ 'ਨੇਤਾ' ਹੁੰਦਾ ਹੈ। 2017 ਵਿੱਚ ਫ਼ਿਲਮ 'ਮਰਸਲ' ਦੇ ਸਮੇਂ ਤੋਂ ਉਨ੍ਹਾਂ ਦੇ ਨਾਮ ਨਾਲ ਅਧਿਕਾਰਤ ਤੌਰ 'ਤੇ 'ਥਲਾਪਤੀ' ਲੱਗਣਾ ਸ਼ੁਰੂ ਹੋਇਆ।

ਸਿਨੇਮਾ ਨੂੰ ਅਲਵਿਦਾ ਅਤੇ ਸਿਆਸੀ ਪਾਰੀ ਦੀ ਸ਼ੁਰੂਆਤ
 ਵਿਜੇ ਨੇ ਫਰਵਰੀ 2024 ਵਿੱਚ ਅਧਿਕਾਰਤ ਤੌਰ 'ਤੇ ਆਪਣੀ ਪਾਰਟੀ ਬਣਾਉਣ ਦਾ ਐਲਾਨ ਕੀਤਾ ਸੀ ਅਤੇ ਸਪੱਸ਼ਟ ਕੀਤਾ ਸੀ ਕਿ ਉਹ ਜਨਤਾ ਦੀ ਸੇਵਾ ਲਈ ਸਿਨੇਮਾ ਦੀ ਦੁਨੀਆ ਨੂੰ ਪੂਰੀ ਤਰ੍ਹਾਂ ਛੱਡ ਰਹੇ ਹਨ। ਉਨ੍ਹਾਂ ਦੀ ਪਹਿਲੀ ਸਿਆਸੀ ਰੈਲੀ ਅਕਤੂਬਰ 2024 ਵਿੱਚ ਹੋਈ ਸੀ, ਜਿੱਥੇ ਉਨ੍ਹਾਂ ਨੇ 'ਦ੍ਰਵਿੜ ਮਾਡਲ' ਦੇ ਨਾਮ 'ਤੇ ਹੋ ਰਹੀ ਕਥਿਤ ਧੋਖਾਧੜੀ ਅਤੇ ਭ੍ਰਿਸ਼ਟਾਚਾਰ ਵਿਰੁੱਧ ਆਵਾਜ਼ ਬੁਲੰਦ ਕੀਤੀ ਸੀ। ਅੱਜ ਦੇ ਰੁਝਾਨਾਂ ਨੇ ਸਾਬਤ ਕਰ ਦਿੱਤਾ ਹੈ ਕਿ ਤਮਿਲਨਾਡੂ ਦੇ ਲੋਕਾਂ ਨੇ ਉਨ੍ਹਾਂ ਨੂੰ ਆਪਣੇ ਨਵੇਂ ਸਿਆਸੀ 'ਥਲਾਪਤੀ' ਵਜੋਂ ਸਵੀਕਾਰ ਕਰ ਲਿਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e