ਫਾਂਸੀ ਤੋਂ ਬਾਅਦ ਬੋਲੀ ਨਿਰਭਿਆ ਦੀ ਮਾਂ, ਧੀਆਂ ਲਈ ਜਾਰੀ ਰੱਖਾਂਗੇ ਇਨਸਾਫ ਦੀ ਜੰਗ

ਨਵੀਂ ਦਿੱਲੀ — ਸਾਲ 2012 'ਚ ਦਿੱਲੀ 'ਚ ਦਰਿੰਦਿਆਂ ਦੀ ਹੈਵਾਨੀਅਤ ਦਾ ਸ਼ਿਕਾਰ ਹੋਈ ਨਿਰਭਿਆ ਨੂੰ ਅੱਜ 7 ਸਾਲ ਬਾਅਦ ਇਨਸਾਫ ਮਿਲਿਆ ਹੈ। ਤਮਾਮ ਕਾਨੂੰਨੀ ਦਾਅ ਪੇਚ ਤੋਂ ਬਾਅਦ ਵੀ ਨਿਰਭਿਆ ਦੇ ਦੋਸ਼ੀਆਂ ਨੂੰ ਫਾਂਸੀ ਟਾਲਣ 'ਚ ਕਾਮਯਾਬੀ ਨਹੀਂ ਮਿਲੀ। ਨਿਰਭਿਆ ਦੇ ਦੋਸ਼ੀਆਂ ਨੂੰ ਆਖਿਰਕਾਰ ਫਾਂਸੀ 'ਤੇ ਲਟਕਾ ਦਿੱਤਾ ਗਿਆ ਹੈ। ਦੋਸ਼ੀਆਂ ਦੇ ਫਾਂਸੀ 'ਤੇ ਲਟਕਾਏ ਜਾਣ ਤੋਂ ਬਾਅਦ ਨਿਰਭਿਆ ਦੀ ਮਾਂ ਆਸ਼ਾ ਦੇਵੀ ਨੇ ਕਿਹਾ ਕਿ ਅੱਜ ਉਨ੍ਹਾਂ ਨੂੰ ਇਨਸਾਫ ਮਿਲਿਆ ਹੈ ਪਰ ਉਨ੍ਹਾਂ ਦੀ ਲੜਾਈ ਜਾਰੀ ਰਹੇਗੀ।

ਆਸ਼ਾ ਦੇਵੀ ਨੇ ਕਿਹਾ ਕਿ ਸਾਡਾ 7 ਸਾਲ ਦਾ ਜੋ ਸੰਘਰਸ਼ ਹੈ ਉਹ ਅੱਜ ਕੰਮ ਆਇਆ ਹੈ। ਪਹਿਲੀ ਵਾਰ ਦੇਸ਼ 'ਚ ਚਾਰ ਲੋਕਾਂ ਨੂੰ ਇਕੱਠੇ ਫਾਂਸੀ ਦਿੱਤੀ ਗਈ ਹੈ, ਸਾਨੂੰ ਦੇਰ ਨਾਲ ਹੀ ਸਹੀਂ ਪਰ ਇਨਸਾਫ ਜ਼ਰੂਰ ਮਿਲਿਆ ਹੈ। ਇਸ ਦੇ ਲਈ ਦੇਸ਼ ਦੀ ਸਰਕਾਰ, ਰਾਸ਼ਟਰਪਤੀ ਅਤੇ ਅਦਾਲਤਾਂ ਨੂੰ ਧੰਨਵਾਦ। ਸਾਡੀ ਧੀ ਨਾਲ ਜੋ ਹੋਇਆ ਫਸ ਨਾਲ ਪੂਰਾ ਦੇਸ਼ ਸ਼ਰਮਸਾਰ ਹੋਇਆ ਸੀ, ਪਰ ਹੁਣ ਜਦੋਂ ਇਨ੍ਹਾਂ ਦੋਸ਼ੀਆਂ ਨੂੰ ਫਾਂਸੀ ਦਿੱਤੀ ਗਈ ਹੈ, ਤਾਂ ਦੂਜੀਆਂ ਧੀਆਂ ਨੂੰ ਵੀ ਇਨਸਾਫ ਮਿਲਣ ਦੀ ਉਮੀਦ ਜਾਗੀ ਹੈ।

ਇਸ ਫੈਸਲੇ 'ਤੇ ਨਿਰਭਿਆ ਦੀ ਮਾਂ ਆਸ਼ਾ ਦੇਵੀ ਨੇ ਖੁਸ਼ੀ ਜਤਾਈ ਅਤੇ ਆਖਿਆ ਕਿ 7 ਸਾਲ ਦਾ ਸੰਘਰਸ਼ ਅੱਜ ਪੂਰਾ ਹੋ ਰਿਹਾ ਹੈ। ਨਿਰਭਿਆ ਦੀ ਮਾਂ ਨੇ ਆਖਿਆ ਕਿ ਉਹ 20 ਮਾਰਚ ਨੂੰ ਨਿਰਭਿਆ ਦਿਵਸ ਦੇ ਰੂਪ ਵਿਚ ਮਨਾਉਣਗੇ। ਫੈਸਲੇ ਤੋੋਂ ਬਾਅਦ ਨਿਰਭਿਆ ਦੀ ਮਾਂ ਆਸ਼ਾ ਦੇਵੀ ਨੇ ਆਖਿਆ ਕਿ 7 ਸਾਲ ਤੋਂ ਬਾਅਦ ਆਖਿਰ ਸਾਨੂੰ ਇਨਸਾਫ ਮਿਲਿਆ ਹੈ, ਦੇਸ਼ ਦੇ ਲੋਕਾਂ ਨੇ ਨਿਰਭਿਆ ਲਈ ਲਡ਼ਾਈ ਲੱਡ਼ ਰਹੀ ਹੈ। ਆਸ਼ਾ ਦੇਵੀ ਬੋਲੀ ਕਿ 20 ਮਾਰਚ ਦਾ ਦਿਨ ਨਿਰਭਿਆ ਦਾ ਨਾਂ, ਦੇਸ਼ ਦੀਆਂ ਧੀਆਂ ਦੇ ਨਾਂ 'ਤੇ ਯਾਦ ਰੱਖਿਆ ਜਾਵੇਗਾ।

ਲਗਾਤਾਰ ਹੋ ਰਹੀ ਦੇਰੀ 'ਤੇ ਉਨ੍ਹਾਂ ਨੇ ਆਖਿਆ ਕਿ ਦੇਰ ਆਏ ਦੁਰਸਤ ਆਏ। ਅਸੀਂ ਪਿਛਲੇ 7 ਸਾਲ ਵਿਚ ਨਿਰਭਿਆ ਤੋਂ ਅਲੱਗ ਨਹੀਂ ਹੋਏ, ਹਰ ਪਲ ਅਸੀਂ ਉਸ ਦੇ ਦੁਖ ਨੂੰ ਮਹਿਸੂਸ ਕੀਤਾ। ਉਨ੍ਹਾਂ ਨੇ ਆਖਿਆ ਕਿ ਨਿਰਭਿਆ ਦਾ ਦੁਖ ਹੀ ਸਾਡਾ ਸੰਘਰਸ਼ ਬਣਿਆ ਅਤੇ ਇਨਸਾਫ ਲਈ ਅਸੀਂ ਲਡ਼ਾਈ ਲਡ਼ੀ। ਆਸ਼ਾ ਦੇਵੀ ਨੇਆਖਿਆ ਕਿ 20 ਮਾਰਚ ਨੂੰ ਉਹ ਨਿਰਭਿਆ ਦਿਵਸ ਦੇ ਤੌਰ 'ਤੇ ਮਨਾਵਾਂਗੇ ਅਤੇ ਮਹਿਲਾ ਸੁਰੱਖਿਆ ਦੇ ਰੂਪ ਵਿਚ ਮਨਾਵਾਂਗੇ।

ਨਿਰਭਿਆ ਦੀ ਵਕੀਲ ਨੇ ਆਖਿਆ ਕਿ ਅੱਜ ਸਾਨੂੰ ਇਨਸਾਫ ਮਿਲਿਆ ਹੈ, ਜਿਸ ਤਰ੍ਹਾਂ ਨਾਲ ਦੋਸ਼ੀਆਂ ਨੇ ਨਿਰਭਿਆ ਦੇ ਨਾਲ ਦਰਿੰਦਰਗੀ ਕੀਤੀ ਸੀ ਉਨ੍ਹਾਂ ਨੂੰ ਫਾਂਸੀ ਦਿੱਤੀ ਜਾਣੀ ਜ਼ਰੂਰੀ ਸੀ। ਵਕੀਲ ਨੇ ਆਖਿਆ ਕਿ ਦੇਸ਼ ਦੇ ਸਿਸਟਮ ਵਿਚ ਬਦਲਾਅ ਹੋਣ ਦੀ ਜ਼ਰੂਰਤ ਹੈ ਕਿਉਂਕਿ ਨਿਆਂ ਦੇ ਲਈ ਜੇਕਰ 7 ਸਾਲ ਤੱਕ ਇੰਤਜ਼ਾਰ ਕਰਨ ਪਵੇਗਾ ਤਾਂ ਦੁੱਖ ਲੱਗਦਾ ਹੈ। ਜ਼ਿਕਰਯੋਗ ਹੈ ਕਿ ਵੀਰਵਾਰ ਨੂੰ ਦਿੱਲੀ ਹਾਈ ਕੋਰਟ ਦੇ ਫੈਸਲੇ ਖਿਲਾਫ ਨਿਰਭਿਆ ਦੇ ਦੋਸ਼ੀਆਂ ਦੇ ਵਕੀਲ ਏ. ਪੀ. ਸਿੰਘ ਨੇ ਸੁਪਰੀਮ ਕੋਰਟ ਦਾ ਰੁਖ ਕੀਤਾ ਸੀ।