ਟਿਕ-ਟਾਕ ਵੀਡੀਓ ਬਣਾਉਣ ਦੇ ਚੱਕਰ 'ਚ ਚੱਲੀ ਗੋਲੀ, ਨੌਜਵਾਨ ਦੀ ਮੌਤ

01/14/2020 12:57:29 PM

ਬਰੇਲੀ— ਉੱਤਰ ਪ੍ਰਦੇਸ਼ ਦੇ ਬਰੇਲੀ 'ਚ ਟਿਕ-ਟਾਕ ਵੀਡੀਓ ਬਣਾਉਣ ਦੇ ਚੱਕਰ 'ਚ ਇਕ ਵਿਦਿਆਰਥੀ ਦੀ ਜਾਨ ਚੱਲੀ ਗਈ। ਵੀਡੀਓ ਬਣਾਉਣ ਲਈ ਮਾਂ ਤੋਂ ਜਿੱਦ ਕਰ ਕੇ ਅਲਮਾਰੀ 'ਚ ਰੱਖੀ ਰਿਵਾਲਵਰ ਲਈ ਸੀ। ਮਾਂ ਘਰ ਦਾ ਕੰਮ ਖਤਮ ਕਰਨ 'ਚ ਲੱਗ ਗਈ, ਉਦੋਂ ਅਚਾਨਕ ਕਮਰੇ 'ਚ ਗੋਲੀ ਚੱਲਣ ਦੀ ਆਵਾਜ਼ ਆਈ। ਅੰਦਰ ਜਾ ਕੇ ਦੇਖਿਆ ਤਾਂ ਵਿਦਿਆਰਥੀ ਦੀ ਮੌਤ ਹੋ ਚੁਕੀ ਸੀ। ਸੂਚਨਾ 'ਤੇ ਪੁਲਸ ਆਈ ਅਤੇ ਹਾਦਸੇ ਵਾਲੀ ਜਗ੍ਹਾ ਦੀ ਜਾਂਚ ਕੀਤੀ। ਪੁਲਸ ਖੇਤਰ ਅਧਿਕਾਰੀ ਨਵਾਬਗੰਜ ਯੋਗੇਂਦਰ ਕੁਮਾਰ ਨੇ ਕਿਹਾ ਕਿ ਕੇਸ਼ਵ ਨੇ ਰਿਵਾਲਵਰ ਟਿਕ-ਟਾਕ ਬਣਾਉਣ ਲਈ ਜਿੱਦ ਕਰ ਕੇ ਜ਼ਬਰਦਸਤੀ ਲਈ ਸੀ। ਕਿਸੇ ਨੂੰ ਨਹੀਂ ਪਤਾ ਸੀ ਕਿ ਰਿਵਾਲਵਰ ਭਰੀ ਹੋਈ ਹੈ। ਇਸ ਕਾਰਨ ਉਸ ਨੇ ਲੋਡ ਕਰ ਕੇ ਟਿਕ-ਟਾਕ ਬਣਾਉਂਦੇ ਸਮੇਂ ਟ੍ਰਿਗਰ ਦਬਾ ਦਿੱਤਾ। ਜਿਸ ਨਾਲ ਹਾਦਸਾ ਹੋ ਗਿਆ। ਜ਼ਿਲੇ ਦੇ ਹਾਫਿਜਗੰਜ ਇਲਾਕੇ 'ਚ ਮੁਡੀਆ ਭੀਕਮਪੁਰ ਪਿੰਡ ਦੇ ਰਹਿਣ ਵਾਲੇ ਫੌਜੀ ਵੀਰੇਂਦਰ ਕੁਮਾਰ ਰੂੜਕੀ 'ਚ ਤਾਇਨਾਤ ਹਨ।

ਮਾਂ ਤੋਂ ਜਿੱਦ ਕਰ ਕੇ ਮੰਗੀ ਸੀ ਰਿਵਾਲਵਰ
ਸੋਮਵਾਰ ਨੂੰ ਉਨ੍ਹਾਂ ਦੇ 18 ਸਾਲਾ ਬੇਟੇ ਕੇਸ਼ਵ ਨੇ ਮਾਂ ਸਾਵਿਤਰੀ ਤੋਂ ਰਿਵਾਲਵਰ ਮੰਗੀ ਅਤੇ ਕਿਹਾ ਕਿ ਉਹ ਟਿਕ-ਟਾਕ ਵੀਡੀਓ ਬਣਾਏਗਾ। ਮਾਂ ਨੇ ਮਨ੍ਹਾ ਕੀਤਾ ਤਾਂ ਜਿੱਦ ਫੜ ਲਈ। ਮਜ਼ਬੂਰਨ ਮਾਂ ਨੇ ਅਲਮਾਰੀ 'ਚ ਰੱਖੀ ਰਿਵਾਲਵਰ ਦੇ ਦਿੱਤੀ। ਇਸ ਤੋਂ ਬਾਅਦ ਕਮਰੇ ਤੋਂ ਬਾਹਰ ਜਾ ਕੇ ਕੁਝ ਕੰਮ ਕਰਨ ਲੱਗੀ। ਇਸ ਦੌਰਾਨ ਫਾਇਰ ਦੀ ਆਵਾਜ਼ ਆਈ ਤਾਂ ਮਾਂ ਅਤੇ ਹੋਰ ਪਰਿਵਾਰ ਵਾਲੇ ਕਮਰੇ ਵੱਲ ਦੌੜੇ। ਅੰਦਰ ਜਾ ਕੇ ਦੇਖਿਆ ਕਾਂ ਕੇਸ਼ਵ ਖੂਨ ਨਾਲ ਲੱਥਪੱਥ ਪਿਆ ਸੀ। ਉਸ ਦੀ ਕਨਪਟੀ 'ਚ ਗੋਲੀ ਲੱਗੀ ਸੀ। ਜਲਦੀ 'ਚ ਪਰਿਵਾਰ ਵਾਲੇ ਹਸਪਤਾਲ ਲੈ ਗਏ ਪਰ ਡਾਕਟਰਾਂ ਨੇ ਕੇਸ਼ਵ ਨੂੰ ਮ੍ਰਿਤ ਐਲਾਨ ਕਰ ਦਿੱਤਾ।


DIsha

Content Editor

Related News