ਯੂ.ਪੀ. ਬੋਰਡ ਦੀਆਂ ਪ੍ਰੀਖਿਆਵਾਂ ਲਈ ਨਵੀਆਂ ਤਾਰੀਖਾਂ ਦਾ ਐਲਾਨ, ਹੁਣ ਇਸ ਮਹੀਨੇ ਹੋਣਗੇ ਐਗਜ਼ਾਮ
Thursday, Apr 08, 2021 - 03:32 AM (IST)
ਲਖਨਊ - ਉੱਤਰ ਪ੍ਰਦੇਸ਼ ਜਮਾਤ 10ਵੀਂ ਅਤੇ 12ਵੀਂ ਦੀਆਂ ਬੋਰਡ ਪ੍ਰੀਖਿਆਵਾਂ ਦੀਆਂ ਨਵੀਆਂ ਤਾਰੀਖਾਂ ਦਾ ਐਲਾਨ ਹੋ ਗਿਆ ਹੈ। ਨਵੇਂ ਸ਼ੈਡਿਊਲ ਦੇ ਅਨੁਸਾਰ ਯੂ.ਪੀ. ਬੋਰਡ ਹਾਈ ਸਕੂਲ ਅਤੇ ਇੰਟਰਮੀਡਿਏਟ ਦੀਆਂ ਪ੍ਰੀਖਿਆਵਾਂ 8 ਮਈ ਤੋਂ ਸ਼ੁਰੂ ਹੋਣਗੀਆਂ। ਜਾਣਕਾਰੀ ਲਈ ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਇਹ ਪ੍ਰੀਖਿਆ 24 ਅਪ੍ਰੈਲ ਨੂੰ ਸ਼ੁਰੂ ਹੋਣੀ ਸੀ।
ਇਹ ਵੀ ਪੜ੍ਹੋ - ਸਾਵਧਾਨ! ਕੋਰੋਨਾ ਤੋਂ ਠੀਕ ਹੋਣ ਵਾਲੇ ਹਰ 3 'ਚੋਂ 1 ਸ਼ਖਸ ਨੂੰ ਹੁੰਦੀ ਹੈ ਦਿਮਾਗੀ ਸਮੱਸਿਆ
ਯੂ.ਪੀ. ਬੋਰਡ ਹਾਈ ਸਕੂਲ ਯਾਨੀ 10ਵੀਂ ਦੀ ਪ੍ਰੀਖਿਆ 8 ਮਈ ਤੋਂ ਸ਼ੁਰੂ ਹੋ ਕੇ 25 ਮਈ ਤੱਕ ਚੱਲੇਗੀ ਜਦੋਂ ਕਿ ਇੰਟਰਮੀਡਿਏਟ ਯਾਨੀ 12ਵੀਂ ਦੀਆਂ ਪ੍ਰੀਖਿਆਵਾਂ 28 ਮਈ ਨੂੰ ਖ਼ਤਮ ਹੋਣਗੀਆਂ। ਦੱਸ ਦਈਏ ਕਿ ਯੂ.ਪੀ. ਬੋਰਡ 10ਵੀਂ ਦੀ ਪ੍ਰੀਖਿਆ ਵਿੱਚ 2994312 ਵਿਦਿਆਰਥੀ ਸ਼ਾਮਲ ਹੋਣਗੇ ਜਦੋਂ ਕਿ ਇੰਟਰ ਯਾਨੀ 12ਵੀਂ ਦੀ ਪ੍ਰੀਖਿਆ ਵਿੱਚ 2609501 ਵਿਦਿਆਰਥੀ ਸ਼ਾਮਲ ਹੋਣਗੇ।
ਇਹ ਵੀ ਪੜ੍ਹੋ - ਸਾਵਧਾਨ! ਕੋਰੋਨਾ ਤੋਂ ਠੀਕ ਹੋਣ ਵਾਲੇ ਹਰ 3 'ਚੋਂ 1 ਸ਼ਖਸ ਨੂੰ ਹੁੰਦੀ ਹੈ ਦਿਮਾਗੀ ਸਮੱਸਿਆ
ਪੰਚਾਇਤੀ ਚੋਣ ਦੇ ਚੱਲਦੇ 24 ਅਪ੍ਰੈਲ ਦੀ ਜਗ੍ਹਾ ਯੂ.ਪੀ. ਬੋਰਡ ਦੀਆਂ ਪ੍ਰੀਖਿਆਵਾਂ 8 ਮਈ ਤੋਂ ਕਰਣ ਦਾ ਫੈਸਲਾ ਕੀਤਾ ਗਿਆ ਹੈ। ਮਿਡਲ ਸਿੱਖਿਆ ਵਿਭਾਗ ਵਲੋਂ ਸਾਰੇ ਅਧਿਕਾਰੀਆਂ ਨੂੰ ਬਿਨਾਂ ਨਕਲ ਦੇ ਪ੍ਰੀਖਿਆ ਲਈ ਪੱਤਰ ਜਾਰੀ ਕੀਤਾ ਗਿਆ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਬਾਕਸ ਵਿੱਚ ਦਿਓ ਜਵਾਬ।
