ਤਾਮਿਲਨਾਡੂ ਦੇ CM ਦੀ ਕੇਂਦਰ ਤੋਂ ਅਪੀਲ, 12 ਮਛੇਰਿਆਂ ਦੀ ਤੁਰੰਤ ਰਿਹਾਈ ਕਰੇ ਯਕੀਨੀ

ਚੇਨਈ (ਭਾਸ਼ਾ)- ਤਾਮਿਲਨਾਡੂ ਦੇ ਮੁੱਖ ਮੰਤਰੀ ਐੱਮ.ਕੇ. ਸਟਾਲਿਨ ਨੇ ਸੋਮਵਾਰ ਨੂੰ ਕੇਂਦਰ ਸਰਕਾਰ ਤੋਂ ਸ਼੍ਰੀਲੰਕਾ ਵਲੋਂ 12 ਭਾਰਤੀ ਮਛੇਰਿਆਂ ਦੀ ਗ੍ਰਿਫ਼ਤਾਰੀ ਦੇ ਮਾਮਲੇ ਨੂੰ ਡਿਪਲੋਮੈਟ ਮਾਧਿਅਮ ਨਾਲ ਉਠਾਉਣ ਅਤੇ ਉਨ੍ਹਾਂ ਦੀ ਤੁਰੰਤ ਰਿਹਾਈ ਅਤੇ ਮੱਛੀ ਫੜਨ ਵਾਲੀ ਉਨ੍ਹਾਂ ਦੀਆਂ ਕਿਸ਼ਤੀਆਂ ਦੀ ਵਾਪਸੀ ਵੀ ਯਕੀਨੀ ਕਰਨ ਦੀ ਅਪੀਲ ਕੀਤੀ। ਵਿਦੇਸ਼ ਮੰਤਰੀ ਐੱਸ. ਜੈਸ਼ੰਕਰ ਨੂੰ ਸੰਬੋਧਨ ਇਕ ਚਿੱਠੀ 'ਚ ਉਨ੍ਹਾਂ ਨੇ ਭਾਰਤੀ ਮਛੇਰਿਆਂ ਦੀ ਤੁਰੰਤ ਰਿਹਾਈ ਲਈ ਉੱਚਿਤ ਕਾਰਵਾਈ ਦੀ ਮੰਗ ਕੀਤੀ। ਚਿੱਠੀ ਦੀ ਇਕ ਕਾਪੀ ਇੱਥੇ ਮੀਡੀਆ ਨੂੰ ਉਪਲੱਬਧ ਕਰਵਾਈ ਗਈ। 
ਸਟਾਲਿਨ ਨੇ ਚਿੱਠੀ 'ਚ ਕਿਹਾ,''ਮੈਂ ਸ਼੍ਰੀਲੰਕਾਈ ਜਲ ਸੈਨਾ ਵਲੋਂ ਮੱਛੀ ਫੜਨ ਵਾਲੀਆਂ ਕਿਸ਼ਤੀਆਂ ਨਾਲ 12 ਨਿਰਦੋਸ਼ ਭਾਰਤੀ ਮਛੇਰਿਆਂ (ਤਾਮਿਲਨਾਡੂ ਦੇ 7 ਅਤੇ ਪੁਡੂਚੇਰੀ ਦੇ 5 ਮਛੇਰਿਆਂ) ਨੂੰ ਗ੍ਰਿਫ਼ਤਾਰ ਕੀਤੇ ਜਾਣ ਦੀ ਘਟਨਾ ਕੀਤੀ ਅਤੇ ਤੁਹਾਡਾ ਤੁਰੰਤ ਅਤੇ ਵਿਅਕਤੀਗਤ ਧਿਆਨ ਆਕਰਸ਼ਿਤ ਕਰਨਾ ਚਾਹੁੰਦਾ ਹਾਂ।'' 

ਤਾਮਿਲਨਾਡੂ ਦੇ ਮਛੇਰਿਆਂ ਨੇ ਹਾਲ ਹੀ 'ਚ 61 ਦਿਨਾਂ ਦੀ ਸਾਲਾਨਾ ਪਾਬੰਦੀ ਮਿਆਦ ਤੋਂ ਬਾਅਦ ਮੱਛੀ ਫੜਨਾ ਮੁੜ ਤੋਂ ਸ਼ੁਰੂ ਕੀਤਾ ਹੈ। ਇਹ ਪਾਬੰਦੀ 15 ਜੂਨ ਨੂੰ ਖ਼ਤਮ ਹੋ ਗਿਆ ਸੀ। ਮੁੱਖ ਮੰਤਰੀ ਨੇ ਕਿਹਾ,''ਇਸ ਗ੍ਰਿਫ਼ਤਾਰੀ ਤੋਂ ਤਾਮਿਲਨਾਡੂ ਦੇ ਮਛੇਰੇ ਡਰੇ ਹੋਏ ਹਨ ਅਤੇ ਇਸ ਨਾਲ ਸੂਬੇ ਦੇ ਤੱਟਵਰਤੀ ਇਲਾਕਿਆਂ 'ਚ ਅਸੁਰੱਖਿਆ ਅਤੇ ਡਰ ਦੀ ਭਾਵਨਾ ਪੈਦਾ ਹੋਣ ਦਾ ਵੀ ਖ਼ਦਸ਼ਾ ਹੈ।'' ਇਸ ਲਈ, ਉਨ੍ਹਾਂ ਨੇ ਕੇਂਦਰੀ ਮੰਤਰੀ ਨੂੰ ਅਪੀਲ ਕੀਤੀ ਕਿ ਇਸ ਮਾਮਲੇ ਨੂੰ ਡਿਪਟੀ ਕਮਿਸ਼ਨ ਡਿਪਲੋਮੈਟ ਚੈਨਲਾਂ ਦੇ ਮਾਧਿਅਮ ਨਾਲ ਉਠਾਉਣ ਅਤੇ 12 ਮਛੇਰਿਆਂ ਦੀ ਰਿਹਾਈ ਅਤੇ ਉਨ੍ਹਾਂ ਦੀਆਂ ਕਿਸ਼ਤੀਆਂ ਦੀ ਤੁਰੰਤ ਵਾਪਸੀ ਯਕੀਨੀ ਕਰਨ।