ਵਿਗਿਆਨੀਆਂ ਨੂੰ ਆਂਧਰਾ ਪ੍ਰਦੇਸ਼ 'ਚ ਮਿਲੀ ਕਿਰਲੀ ਦੀ ਨਵੀਂ ਪ੍ਰਜਾਤੀ

ਨੈਸ਼ਨਲ ਡੈਸਕ- ਭਾਰਤੀ ਪ੍ਰਾਣੀ ਸਰਵੇਖਣ (ZSI) ਦੇ ਵਿਗਿਆਨੀਆਂ ਨੇ ਆਂਧਰਾ ਪ੍ਰਦੇਸ਼ 'ਚ ਇਕ ਪਤਲੀ ਕਿਰਲੀ (ਗੈਕੋ) ਦੀ ਬਿਲਕੁਲ ਨਵੀਂ ਪ੍ਰਜਾਤੀ ਦੀ ਖੋਜ ਕੀਤੀ ਹੈ। ਇਹ ਜਾਣਕਾਰੀ ZSI ਵੱਲੋਂ ਜਾਰੀ ਕੀਤੇ ਗਏ ਇਕ ਅਧਿਕਾਰਕ ਬਿਆਨ ਰਾਹੀਂ ਮਿਲੀ। ਇਹ ਨਵੀਂ ਰਿਪਵੀ ਹੇਮੀਫਿਲੋਡੈਕਟਾਇਲਸ ਵੰਸ਼ ਨਾਲ ਸੰਬੰਧਤ ਹੈ ਅਤੇ ਇਹ ਆਂਧਰਾ ਪ੍ਰਦੇਸ਼ ਦੇ ਸ਼ੇਸ਼ਾਚਲਮ ਬਾਇਓਸਫੀਅਰ ਰਿਜ਼ਰਵ ਦੇ ਅੰਦਰ ਸਥਿਤ ਤਿਰੁਮਲਾ ਪਹਾੜੀ ਲੜੀ ਵਿਚੋਂ ਮਿਲੀ ਹੈ। ਇਸ ਦਾ ਵਿਗਿਆਨਿਕ ਨਾਮ ਹੇਮੀਫਾਈਲੋਡੈਕਟਿਲਸ ਵੈਂਕਟਾਦ੍ਰੀ ਸਪੀਸੀਓਸਾ ਨੋਵ ਰੱਖਿਆ ਗਿਆ ਹੈ। ਇਹ ਨਾਮ ਤਿਰੁਮਲਾ ਦੀ ਪਵਿੱਤਰ ਵੈਂਕਟਾਦ੍ਰੀ ਪਹਾੜੀਆਂ ਦੇ ਸਨਮਾਨ 'ਚ ਦਿੱਤਾ ਗਿਆ ਹੈ।

ਵੈਂਕਟਾਦ੍ਰੀ  ਨਾਮ ਸੰਸਕ੍ਰਿਤ ਸ਼ਬਦਾਂ ਵੇਂਕਟ (ਜਿਸ ਦਾ ਅਰਥ ਹੈ ਪਾਪਾਂ ਨੂੰ ਦੂਰ ਕਰਨ ਵਾਲਾ), ਭਗਵਾਨ ਵਿਸ਼ਣੂ ਦਾ ਇਕ ਨਾਂ ਅਤੇ ਅਦ੍ਰਿ (ਜਿਸ ਦਾ ਅਰਥ ਹੈ ਪਰਬਤ) ਦਾ ਮਿਸ਼ਰਨ ਹੈ। ਅੰਤਰਰਾਸ਼ਟਰੀ ਪੱਤਰਿਕਾ 'ਚ ਪ੍ਰਕਾਸ਼ਿਤ ਖੋਜ ਇਹ ਖੋਜ ਹਾਰਪੈਟੋਜੋਆ ਜਰਨਲ (ਭਾਗ 38, 2025) 'ਚ ਪ੍ਰਕਾਸ਼ਿਤ ਕੀਤੀ ਗਈ ਹੈ। ਇਹ ਕੰਮ ZSI ਦੇ ਹੈਦਰਾਬਾਦ ਸਥਿਤ “ਫ੍ਰੈਸ਼ਵਾਟਰ ਬਾਇਓਲੋਜੀ ਰੀਜਨਲ ਸੈਂਟਰ”, ਕੋਲਕਾਤਾ ਦੇ “ਰੇਪਟਿਲੀਆ ਸੈਕਸ਼ਨ” ਅਤੇ ਓਡੀਸ਼ਾ ਦੀ ਫਕੀਰ ਮੋਹਨ ਯੂਨੀਵਰਸਿਟੀ ਦੀ ਟੀਮ ਵੱਲੋਂ ਸਾਂਝੇ ਤੌਰ ਤੇ ਕੀਤਾ ਗਿਆ। ਜੀਨੈਟਿਕ ਜਾਂਚ ਨਾਲ ਪੁਸ਼ਟੀ ਆਣਵਿਕ ਵਿਸ਼ਲੇਸ਼ਣ ਅਨੁਸਾਰ, ਇਹ ਪ੍ਰਜਾਤੀ ਆਪਣੇ ਨਜ਼ਦੀਕੀ ਰਿਸ਼ਤੇਦਾਰਾਂ ਤੋਂ 9.7% ਤੋਂ 12.9% ਤੱਕ ਜੀਨੈਟਿਕ ਤੌਰ ’ਤੇ ਵੱਖਰੀ ਹੈ। ਇਸ ਨਾਲ ਇਹ ਸਪੱਸ਼ਟ ਹੁੰਦਾ ਹੈ ਕਿ ਇਹ ਇਕ ਬਿਨਾਂ ਪਛਾਣੀ ਹੋਈ, ਬਿਲਕੁਲ ਨਵੀਂ ਪ੍ਰਜਾਤੀ ਹੈ।