RSS ਤੇ ਮੁਸਲਮਾਨ ਸਮੁੰਦਰ ਦੇ 2 ਕਿਨਾਰੇ ਹਨ, ਜੋ ਕਦੇ ਨਹੀਂ ਮਿਲ ਸਕਦੇ : ਓਵੈਸੀ

ਹੈਦਰਾਬਾਦ- ਆਲ ਇੰਡੀਆ ਮਜਲਿਸ-ਏ-ਇਤੇਹਾਦੁਲ ਮੁਸਲਿਮੀਨ (ਏਆਈਐੱਮਆਈਐੱਮ) ਦੇ ਨੇਤਾ ਅਸਦੁਦੀਨ ਓਵੈਸੀ ਨੇ ਮੁਸਲਮਾਨਾਂ ਦੇ ਪ੍ਰਤੀ ਰਾਸ਼ਟਰੀ ਸਵੈਮ ਸੇਵਕ ਸੰਘ (ਆਰਐੱਸਐੱਸ) ਮੁਖੀ ਮੋਹਨ ਭਾਗਵਤ ਦੇ ਬਿਆਨਾਂ ਨੂੰ 'ਬੇਤੁਕਾ' ਦੱਸਦੇ ਹੋਏ ਖਾਰਜ ਕਰ ਦਿੱਤਾ ਅਤੇ ਕਿਹਾ ਕਿ ਆਰ.ਐੱਸ.ਐੱਸ. ਅਤੇ ਮੁਸਲਮਾਨ ਸਮੰਦਰ ਦੇ 2 ਕਿਨਾਰੇ ਹਨ ਜੋ ਕਦੇ ਨਹੀਂ ਮਿਲ ਸਕਦੇ। ਓਵੈਸੀ ਨੇ ਇਹ ਵੀ ਕਿਹਾ ਕਿ ਆਰ.ਐੱਸ.ਐੱਸ. ਭਾਰਤ ਦੀ ਵਿਭਿੰਨਤਾ ਨੂੰ ਨਸ਼ਟ ਕਰਨਾ ਚਾਹੁੰਦਾ ਹੈ। ਉਨਾਂ ਨੇ ਸ਼ਨੀਵਾਰ ਨੂੰ ਕਿਹਾ,''ਤੁਸੀਂ ਭਾਵੇਂ ਹੀ ਨਜ਼ਦੀਕੀ ਦੱਸਣ ਵਾਲੀਆਂ ਗੱਲਾਂ ਕਰ ਰਹੇ ਹੋ ਪਰ ਇਹ ਤੁਹਾਡੇ ਹੀ ਲੋਕ ਹਨ ਜੋ ਇਹ (ਮੁਸਲਿਮ ਵਿਰੋਧੀ) ਤਮਾਸ਼ਾ ਕਰ ਰਹੇ ਹਨ ਜੇਕਰ ਤੁਹਾਨੂੰ ਲੱਗਦਾ ਹੈ ਕਿ ਉਹ ਗਲਤ ਹਨ ਤਾਂ ਤੁਸੀਂ ਉਨ੍ਹਾਂ ਨੂੰ ਕਿਉਂ ਨਹੀ ਰੋਕ ਰਹੇ।''

ਓਵੈਸੀ ਤੋਂ ਭਾਗਵਤ ਦੀ ਇਸ ਟਿੱਪਣੀ 'ਤੇ ਪ੍ਰਤੀਕਿਰਿਆ ਮੰਗੀ ਗਈ ਸੀ ਕਿ ਹਿੰਦੂਆਂ ਅਤੇ ਮੁਸਲਮਾਨਾਂ ਦਾ 'ਡੀਐੱਨਏ' ਇਕ ਹੈ ਅਤੇ ਹਰ ਮਸਜਿਦ ਦੇ ਹੇਠਾਂ ਸ਼ਿਵਲਿੰਗ ਨਹੀਂ ਲੱਭਣਾ ਚਾਹੀਦਾ। ਭਾਗਵਤ ਨੇ ਇਹ ਬਿਆਨ ਦੇਸ਼ ਦੀ ਆਜ਼ਾਦੀ ਤੋਂ ਪਹਿਲਾਂ ਦੀ, ਮੁਗਲ-ਕਾਲ ਦੀ ਜਾਂ ਉਸ ਤੋਂ ਪਹਿਲਾਂ ਦੀਆਂ ਮਸਜਿਦਾਂ ਨੂੰ ਲੈ ਕੇ ਪੈਦਾ ਵਿਵਾਦਾਂ ਨੂੰ ਲੈ ਕੇ ਦਿੱਤਾ ਸੀ। ਕੁਝ ਹਿੰਦੂਆਂ ਦਾ ਮੰਨਣਾ ਹੈ ਕਿ ਇਹ ਮਸਜਿਦਾਂ, ਮੰਦਰਾਂ ਨੂੰ ਨਸ਼ਟ ਕਰ ਕੇ ਬਣਾਈਆਂ ਗਈਆਂ ਸਨ। ਹੈਦਰਾਬਾਦ ਤੋਂ 5 ਵਾਰ ਦੇ ਸੰਸਦ ਮੈਂਬਰ ਅਤੇ ਸੰਸਦ 'ਚ ਆਪਣੀ ਪਾਰਟੀ ਦੇ ਇਕਮਾਤਰ ਪ੍ਰਤੀਨਿਧੀ ਓਵੈਸੀ ਨੇ ਕਿਹਾ,''ਕੀ ਇਹ ਸਾਰੇ ਲੋਕ ਜੋ ਅਦਾਲਤਾਂ 'ਚ ਜਾ ਰਹੇ ਹਨ ਅਤੇ ਮੁਕੱਦਮੇ ਦਾਇਰ ਕਰ ਰਹੇ ਹਨ (ਮਸਜਿਦਾਂ ਦੀ ਉਤਪਤੀ ਦੀ ਜਾਂਚ ਦੀ ਮੰਗ ਕਰ ਰਹੇ ਹਨ) ਮੋਹਨ ਭਾਗਵਤ ਦੇ ਸਮਰਥਕ ਨਹੀਂ ਹਨ?''

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e