9 ਘੰਟੇ ਬੰਦ ਰਹਿਣਗੇ ਇਹ ਰੂਟ, 8 ਥਾਵਾਂ 'ਤੇ ਡਾਇਵਰਜ਼ਨ, ਟ੍ਰੈਫਿਕ ਐਡਵਾਈਜ਼ਰੀ ਜਾਰੀ

ਨੈਸ਼ਨਲ ਡੈਸਕ - ਦਿੱਲੀ ਪੁਲਸ ਨੇ 20 ਫਰਵਰੀ ਨੂੰ ਦਿੱਲੀ ਦੇ ਰਾਮਲੀਲਾ ਮੈਦਾਨ ਵਿੱਚ ਹੋਣ ਵਾਲੇ ਮੁੱਖ ਮੰਤਰੀ ਦੇ ਸਹੁੰ ਚੁੱਕ ਸਮਾਗਮ ਨੂੰ ਲੈ ਕੇ ਟ੍ਰੈਫਿਕ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। ਦਿੱਲੀ ਟ੍ਰੈਫਿਕ ਪੁਲਸ ਵੱਲੋਂ ਜਾਰੀ ਐਡਵਾਈਜ਼ਰੀ 'ਚ ਕਿਹਾ ਗਿਆ ਹੈ ਕਿ ਸਹੁੰ ਚੁੱਕ ਸਮਾਗਮ 'ਚ ਕਈ ਵੀ.ਵੀ.ਆਈ. ਅਤੇ ਵੀ.ਆਈ.ਪੀ. ਇਸ ਮੌਕੇ ਵੱਡੀ ਗਿਣਤੀ ਵਿੱਚ ਆਮ ਲੋਕਾਂ ਦੇ ਵੀ ਪਹੁੰਚਣ ਦੀ ਉਮੀਦ ਹੈ। ਇਸ ਲਈ ਇਸ ਸਮਾਗਮ ਦੌਰਾਨ ਟ੍ਰੈਫਿਕ ਨੂੰ ਪ੍ਰਬੰਧਿਤ ਕਰਨ ਲਈ ਕੁਝ ਰੂਟਾਂ 'ਤੇ ਡਾਇਵਰਜ਼ਨ ਅਤੇ ਕੁਝ ਰੂਟਾਂ 'ਤੇ ਪਾਬੰਦੀਆਂ ਲਗਾਈਆਂ ਗਈਆਂ ਹਨ। ਟ੍ਰੈਫਿਕ ਪੁਲਸ ਨੇ ਅੱਗੇ ਕਿਹਾ ਕਿ ਡਰਾਈਵਰਾਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਸਬਰ ਰੱਖਣ, ਟ੍ਰੈਫਿਕ ਨਿਯਮਾਂ ਦੀ ਪਾਲਣਾ ਕਰਨ ਅਤੇ ਟ੍ਰੈਫਿਕ ਪੁਲਸ ਕਰਮਚਾਰੀਆਂ ਦਾ ਸਹਿਯੋਗ ਕਰਨ ਤਾਂ ਜੋ ਆਵਾਜਾਈ ਨੂੰ ਸੁਚਾਰੂ ਢੰਗ ਨਾਲ ਚਲਾਇਆ ਜਾ ਸਕੇ।

ਰਾਮਲੀਲਾ ਮੈਦਾਨ ਅਤੇ ਆਲੇ-ਦੁਆਲੇ ਦੇ ਸਾਰੇ ਰਸਤਿਆਂ ਤੋਂ ਬਚਣ ਦੀ ਸਲਾਹ
ਦਿੱਲੀ ਪੁਲਸ ਦੇ ਵਧੀਕ ਪੁਲਸ ਕਮਿਸ਼ਨਰ (ਟ੍ਰੈਫਿਕ) ਸਤਿਆਬੀਰ ਕਟਾਰਾ ਨੇ ਦੱਸਿਆ ਕਿ ਸਮਾਰੋਹ ਵਿੱਚ ਪ੍ਰਧਾਨ ਮੰਤਰੀ ਅਤੇ ਕਈ ਰਾਜਾਂ ਦੇ ਮੁੱਖ ਮੰਤਰੀਆਂ ਸਮੇਤ ਵੀ.ਵੀ.ਆਈ.ਪੀ. ਅਜਿਹੇ 'ਚ ਸੁਰੱਖਿਆ ਦੇ ਮੱਦੇਨਜ਼ਰ ਕੁਝ ਰੂਟ ਪੂਰੀ ਤਰ੍ਹਾਂ ਬੰਦ ਰਹਿਣਗੇ ਜਦਕਿ ਕੁਝ ਥਾਵਾਂ 'ਤੇ ਡਾਇਵਰਜ਼ਨ ਵੀ ਹੋਵੇਗਾ। ਅਜਿਹੇ 'ਚ ਲੋਕਾਂ ਨੂੰ ਰਾਮਲੀਲਾ ਮੈਦਾਨ ਅਤੇ ਆਲੇ-ਦੁਆਲੇ ਦੇ ਸਾਰੇ ਰਸਤਿਆਂ ਤੋਂ ਬਚਣ ਦੀ ਸਲਾਹ ਦਿੱਤੀ ਗਈ ਹੈ।

Traffic Advisory

In view of swearing-in ceremony of Hon’ble CM of Delhi on February 20, 2025 at Ram Leela Ground, New Delhi, special traffic arrangements have been made.

Kindly follow the advisory.#DPTrafficAdvisory pic.twitter.com/IxZzokQs2x

— Delhi Traffic Police (@dtptraffic) February 18, 2025

ਲੋੜ ਅਨੁਸਾਰ ਟ੍ਰੈਫਿਕ ਡਾਇਵਰਜ਼ਨ
ਟ੍ਰੈਫਿਕ ਐਡਵਾਈਜ਼ਰੀ ਅਨੁਸਾਰ ਇਨ੍ਹਾਂ 8 ਰੂਟਾਂ 'ਤੇ ਲੋੜ ਅਨੁਸਾਰ ਟ੍ਰੈਫਿਕ ਡਾਇਵਰਜ਼ਨ ਕੀਤਾ ਜਾ ਸਕਦਾ ਹੈ।

1. ਸੁਭਾਸ਼ ਪਾਰਕ ਟੀ-ਪੁਆਇੰਟ
2. ਰਾਜਘਾਟ
3. ਦਿੱਲੀ ਗੇਟ
4. ਆਈ.ਟੀ.ਓ
5. ਅਜਮੇਰੀ ਗੇਟ
6. ਰਣਜੀਤ ਸਿੰਘ ਫਲਾਈਓਵਰ
7. ਭਵਭੂਤੀ ਮਾਰਗ- DDU ਮਾਰਗ ਰੈੱਡ ਲਾਈਟ
8. ਝੰਡੇਵਾਲਾਨ ਦੇ ਦੁਆਲੇ

ਇਨ੍ਹਾਂ ਰਸਤਿਆਂ 'ਤੇ ਆਵਾਜਾਈ 'ਤੇ ਰਹੇਗੀ ਪਾਬੰਦੀ 
ਇਸ ਤੋਂ ਇਲਾਵਾ ਸਵੇਰੇ 9 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਕੁਝ ਹੋਰ ਰੂਟਾਂ 'ਤੇ ਟ੍ਰੈਫਿਕ ਨਿਯਮ, ਡਾਇਵਰਜ਼ਨ ਅਤੇ ਪਾਬੰਦੀਆਂ ਲਗਾਈਆਂ ਜਾ ਸਕਦੀਆਂ ਹਨ।

1. BSZ ਰੂਟ (ITO ਤੋਂ ਦਿੱਲੀ ਗੇਟ)
2. ਜੇਐਲਐਨ ਮਾਰਗ (ਦਿੱਲੀ ਗੇਟ ਤੋਂ ਗੁਰੂ ਨਾਨਕ ਚੌਕ)
3. ਅਰੁਣਾ ਆਸਿਫ ਅਲੀ ਰੋਡ, ਨਵੀਂ ਦਿੱਲੀ ਤੱਕ।
4. ਮਿੰਟੋ ਰੋਡ ਤੋਂ ਕਮਲਾ ਮਾਰਕੀਟ ਰਾਹੀਂ ਹਮਦਰਦ ਚੌਂਕ ਤੱਕ।
5. ਰਣਜੀਤ ਸਿੰਘ ਫਲਾਈਓਵਰ ਤੋਂ ਤੁਰਕਮਾਨ ਗੇਟ ਤੱਕ।

ਲੋਕਾਂ ਨੂੰ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ
ਇਸ ਦੇ ਨਾਲ ਹੀ ਪੁਲਿਸ ਨੇ ਕਿਹਾ ਕਿ ਵਾਹਨ ਸਿਰਫ ਨਿਰਧਾਰਿਤ ਪਾਰਕਿੰਗ ਸਥਾਨਾਂ 'ਤੇ ਹੀ ਪਾਰਕ ਕੀਤੇ ਜਾਣ ਅਤੇ ਸੜਕ ਕਿਨਾਰੇ ਪਾਰਕਿੰਗ ਕਰਨ ਤੋਂ ਗੁਰੇਜ਼ ਕੀਤਾ ਜਾਵੇ। ਜੇਕਰ ਤੁਸੀਂ ਕਿਸੇ ਵੀ ਅਸਾਧਾਰਨ ਜਾਂ ਅਣਜਾਣ ਵਸਤੂ ਜਾਂ ਵਿਅਕਤੀ ਨੂੰ ਸ਼ੱਕੀ ਹਾਲਾਤਾਂ ਵਿੱਚ ਦੇਖਦੇ ਹੋ, ਤਾਂ ਤੁਰੰਤ ਪੁਲਸ ਨੂੰ ਸੂਚਿਤ ਕਰੋ।