RBI ਨੇ ਬਦਲਿਆ ਵੱਡਾ ਨਿਯਮ, ਇਹ ਸੁਵਿਧਾ ਸਮੇਂ ਤੋਂ ਪਹਿਲਾਂ ਹੋਵੇਗੀ ਬੰਦ

ਮੁੰਬਈ - ਭਾਰਤੀ ਰਿਜ਼ਰਵ ਬੈਂਕ ਨੇ ਦੇਸ਼ ਵਿੱਚ ਵਿਦੇਸ਼ੀ ਮੁਦਰਾ (ਡਾਲਰ) ਲਿਆਉਣ ਲਈ ਸ਼ੁਰੂ ਕੀਤੀ ਗਈ ਆਪਣੀ ਵਿਸ਼ੇਸ਼ ਯੋਜਨਾ FCNR (Foreign Currency Non Resident) ਦੇ ਤਹਿਤ ਬੈਂਕਾਂ ਨੂੰ ਮਿਲਣ ਵਾਲੀ 'ਸਵੈਪ ਸੁਵਿਧਾ' ਨੂੰ ਤੈਅ ਸਮੇਂ ਤੋਂ ਪਹਿਲਾਂ ਬੰਦ ਕਰਨ ਦਾ ਫੈਸਲਾ ਕੀਤਾ ਹੈ। ਇਸ ਯੋਜਨਾ ਦੇ ਤਹਿਤ, ਵਿਦੇਸ਼ਾਂ ਵਿੱਚ ਰਹਿਣ ਵਾਲੇ ਭਾਰਤੀਆਂ (NRIs) ਨੂੰ ਆਪਣੀ ਵਿਦੇਸ਼ੀ ਮੁਦਰਾ ਨੂੰ ਭਾਰਤ ਵਿੱਚ ਐਫਡੀ (FD) ਦੇ ਰੂਪ ਵਿੱਚ ਜਮ੍ਹਾਂ ਕਰਵਾਉਣ ਦੀ ਸਹੂਲਤ ਦਿੱਤੀ ਗਈ ਸੀ। ਇਸ ਯੋਜਨਾ ਨੂੰ ਉਮੀਦ ਤੋਂ ਬਹੁਤ ਵਧੀਆ ਹੁੰਗਾਰਾ ਮਿਲਿਆ ਹੈ ਅਤੇ ਇਸ ਰਾਹੀਂ ਦੇਸ਼ ਵਿੱਚ ਵੱਡੀ ਮਾਤਰਾ ਵਿੱਚ ਵਿਦੇਸ਼ੀ ਮੁਦਰਾ ਆਈ ਹੈ, ਜਿਸ ਕਾਰਨ ਆਰ.ਬੀ.ਆਈ. ਨੇ ਇਸਨੂੰ ਜਲਦੀ ਹੀ ਕੁਝ ਸਮੇਂ ਲਈ ਬੰਦ ਕਰਨ ਦਾ ਫੈਸਲਾ ਲਿਆ ਹੈ।

ਆਰ.ਬੀ.ਆਈ. ਦੁਆਰਾ ਜਾਰੀ ਕੀਤੇ ਗਏ ਅਧਿਕਾਰਤ ਬਿਆਨ ਅਨੁਸਾਰ, ਗਾਹਕ ਹੁਣ 31 ਅਗਸਤ 2026 ਤੱਕ ਹੀ ਆਪਣਾ ਡਿਪਾਜ਼ਿਟ ਜਮ੍ਹਾਂ ਕਰਵਾ ਸਕਦੇ ਹਨ। ਬੈਂਕਾਂ ਕੋਲ 31 ਅਗਸਤ 2026 ਤੱਕ ਇਕੱਠੇ ਕੀਤੇ ਗਏ FCNR(B) ਡਿਪਾਜ਼ਿਟ 'ਤੇ ਆਰ.ਬੀ.ਆਈ. ਤੋਂ ਸਵੈਪ ਸੁਵਿਧਾ ਲੈਣ ਦੀ ਆਖਰੀ ਤਾਰੀਖ 11 ਸਤੰਬਰ 2026 ਹੋਵੇਗੀ। ਹਾਲਾਂਕਿ, ਈਸੀਬੀ (ECB) ਅਤੇ ਓਐਫਸੀਬੀ (OFCB) ਲਈ ਸਵੈਪ ਸੁਵਿਧਾ ਪਹਿਲਾਂ ਵਾਂਗ ਹੀ 31 ਦਸੰਬਰ 2026 ਤੱਕ ਜਾਰੀ ਰਹੇਗੀ।

ਆਰ.ਬੀ.ਆਈ. ਦੇ ਅੰਕੜਿਆਂ ਅਨੁਸਾਰ, 13 ਅਗਸਤ 2026 ਤੱਕ ਇਸ ਸੁਵਿਧਾ ਦੇ ਤਹਿਤ ਦੇਸ਼ ਵਿੱਚ 56.85 ਅਰਬ ਡਾਲਰ (ਲਗਭਗ 5.42 ਲੱਖ ਕਰੋੜ ਰੁਪਏ) ਦੀ ਵਿਦੇਸ਼ੀ ਮੁਦਰਾ ਆ ਚੁੱਕੀ ਹੈ। ਇਸ ਵਿੱਚ ਸਭ ਤੋਂ ਵੱਡਾ ਹਿੱਸਾ FCNR(B) ਡਿਪਾਜ਼ਿਟ ਦਾ ਰਿਹਾ, ਜਿਸ ਰਾਹੀਂ 52.3 ਅਰਬ ਡਾਲਰ (ਲਗਭਗ 4.99 ਲੱਖ ਕਰੋੜ ਰੁਪਏ) ਦੇਸ਼ ਵਿੱਚ ਆਏ। ਇਸ ਤੋਂ ਇਲਾਵਾ, OFCBs ਰਾਹੀਂ 2.81 ਅਰਬ ਡਾਲਰ (ਲਗਭਗ 2.68 ਲੱਖ ਕਰੋੜ ਰੁਪਏ) ਅਤੇ ECBs ਰਾਹੀਂ 1.74 ਅਰਬ ਡਾਲਰ (ਲਗਭਗ 1.66 ਲੱਖ ਕਰੋੜ ਰੁਪਏ) ਪ੍ਰਾਪਤ ਹੋਏ ਹਨ।