ਕੁਦਰਤੀ ਆਫ਼ਤ ਨਾਲ ਕੰਬਿਆ ਨੇਪਾਲ: ਹੁਣ ਤੱਕ 359 ਲੋਕਾਂ ਦੀ ਮੌਤ, 30 ਦੇਸ਼ਾਂ ਦੇ ਨਾਗਰਿਕ ਲਾਪਤਾ

ਕਾਠਮੰਡੂ : ਨੇਪਾਲ ਕੁਦਰਤ ਦੇ ਕਹਿਰ ਦੀ ਮਾਰ ਹੇਠ ਹੈ। ਹੜ੍ਹਾਂ ਅਤੇ ਜ਼ਮੀਨ ਖਿਸਕਣ ਨਾਲ ਦੇਸ਼ ਭਰ ਵਿੱਚ ਤਬਾਹੀ ਮਚੀ ਹੋਈ ਹੈ, ਜਿਸ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ ਲਗਾਤਾਰ ਵੱਧ ਰਹੀ ਹੈ। ਤਾਜ਼ਾ ਰਿਪੋਰਟਾਂ ਅਨੁਸਾਰ, ਹੁਣ ਤੱਕ 359 ਲੋਕਾਂ ਦੀ ਜਾਨ ਚਲੀ ਗਈ ਹੈ ਅਤੇ 30 ਵੱਖ-ਵੱਖ ਦੇਸ਼ਾਂ ਦੇ ਨਾਗਰਿਕ ਲਾਪਤਾ ਦੱਸੇ ਜਾ ਰਹੇ ਹਨ। ਅਧਿਕਾਰੀਆਂ ਨੇ ਚਿਤਾਵਨੀ ਜਾਰੀ ਕੀਤੀ ਹੈ ਕਿ ਅਗਲੇ ਤਿੰਨ ਦਿਨ ਪ੍ਰਭਾਵਿਤ ਖੇਤਰਾਂ ਲਈ ਬਹੁਤ ਨਾਜ਼ੁਕ ਹੋ ਸਕਦੇ ਹਨ।

8 ਜ਼ਿਲ੍ਹਿਆਂ 'ਚ ਭਾਰੀ ਤਬਾਹੀ, ਚਿਤਵਾਨ ਅਤੇ ਨਵਲਪਾਰਸੀ ਈਸਟ 'ਚ ਸਭ ਤੋਂ ਵੱਧ ਮੌਤਾਂ

ਨੇਪਾਲ ਪੁਲਸ ਦੇ ਬੁਲਾਰੇ ਅਬੀ ਨਾਰਾਇਣ ਕਫਲੇ ਨੇ ਅਧਿਕਾਰਤ ਤੌਰ 'ਤੇ ਮੌਤਾਂ ਦੀ ਸੋਧੀ ਹੋਈ ਗਿਣਤੀ ਦੀ ਪੁਸ਼ਟੀ ਕੀਤੀ ਹੈ। ਸ਼ਾਮ 5 ਵਜੇ ਤੱਕ ਪੁਲਸ ਨੇ ਹੜ੍ਹ ਪ੍ਰਭਾਵਿਤ 8 ਜ਼ਿਲ੍ਹਿਆਂ ਵਿੱਚੋਂ 359 ਲਾਸ਼ਾਂ ਬਰਾਮਦ ਕੀਤੀਆਂ ਸਨ। ਤਾਜ਼ਾ ਅੰਕੜਿਆਂ ਮੁਤਾਬਕ, ਰਸੁਵਾ ਤੋਂ 17, ਨੁਵਾਕੋਟ ਤੋਂ 28, ਧਾਡਿੰਗ ਤੋਂ 33, ਚਿਤਵਾਨ ਤੋਂ 132, ਗੋਰਖਾ ਤੋਂ 30, ਤਾਨਾਹੁਨ ਤੋਂ 22, ਨਵਲਪਾਰਸੀ ਈਸਟ ਤੋਂ 82 ਅਤੇ ਨਵਲਪਾਰਸੀ ਪੱਛਮ ਤੋਂ 15 ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ।

Flash Flood in Bhote Koshi River of Nepal on 26 August 2026
(Updated at 20:00 hrs NST on 27 August 2026)

Severe flash floods struck the Bhote Koshi River area of Nepal on 26 August 2026, resulting in huge loss of lives, widespread displacement and extensive damage to houses,… pic.twitter.com/by8yPW1HoU

— Nepal Embassy, India (@EONIndia) August 27, 2026

ਫ਼ੌਜ ਦਾ ਵੱਡਾ ਰੈਸਕਿਊ ਆਪ੍ਰੇਸ਼ਨ, ਭੋਟੇਕੋਸ਼ੀ ਤੋਂ 241 ਲੋਕਾਂ ਨੂੰ ਬਚਾਇਆ 

ਨੇਪਾਲ ਪੁਲਸ, ਫੌਜ ਅਤੇ ਹੋਰ ਆਫ਼ਤ ਪ੍ਰਬੰਧਨ ਏਜੰਸੀਆਂ ਹੜ੍ਹ ਪ੍ਰਭਾਵਿਤ ਖੇਤਰਾਂ ਵਿੱਚ ਜੰਗੀ ਪੱਧਰ 'ਤੇ 24 ਘੰਟੇ ਬਚਾਅ ਕਾਰਜ ਚਲਾ ਰਹੀਆਂ ਹਨ। ਇੱਕ ਵੱਡੇ ਕਾਰਜ ਵਿੱਚ, ਨੇਪਾਲ ਫੌਜ ਨੇ ਭੋਟੇਕੋਸ਼ੀ ਹੜ੍ਹਾਂ ਵਿੱਚ ਫਸੇ 241 ਲੋਕਾਂ ਨੂੰ ਸਫਲਤਾਪੂਰਵਕ ਬਚਾਇਆ ਗਿਆ।

ਇਹ ਵੀ ਪੜ੍ਹੋ : ਪਾਕਿਸਤਾਨ 'ਚ ਸੁਰੱਖਿਆ ਬਲਾਂ ਦੀ ਵੱਡੀ ਕਾਰਵਾਈ ! 11 ਅੱਤਵਾਦੀਆਂ ਨੂੰ ਕੀਤਾ ਢੇਰ

ਤ੍ਰਿਸ਼ੂਲੀ ਆਰਮੀ ਕੈਂਪ ਪਹੁੰਚੇ ਪੀਐੱਮ ਬਾਲੇਨ ਸ਼ਾਹ 

ਸਥਿਤੀ ਦਾ ਮੁਲਾਂਕਣ ਕਰਨ ਅਤੇ ਰਾਹਤ ਕਾਰਜਾਂ ਦੀ ਨਿਗਰਾਨੀ ਕਰਨ ਲਈ ਪ੍ਰਧਾਨ ਮੰਤਰੀ ਬਾਲੇਨ ਸ਼ਾਹ ਨੇ ਤ੍ਰਿਸ਼ੂਲੀ ਵਿੱਚ ਆਰਮੀ ਸਿਖਲਾਈ ਕੈਂਪ ਦਾ ਨਿੱਜੀ ਤੌਰ 'ਤੇ ਦੌਰਾ ਕੀਤਾ। ਇਸ ਕੈਂਪ ਨੂੰ ਇੱਕ ਕੇਂਦਰੀ ਹੱਬ ਵਜੋਂ ਵਰਤਦੇ ਹੋਏ ਦੂਰ-ਦੁਰਾਡੇ ਦੇ ਪ੍ਰਭਾਵਿਤ ਖੇਤਰਾਂ ਤੋਂ ਜਲਦੀ ਤੋਂ ਜਲਦੀ ਸੁਰੱਖਿਅਤ ਥਾਵਾਂ 'ਤੇ ਫਸੇ ਵਿਅਕਤੀਆਂ ਨੂੰ ਕੱਢਣ ਲਈ ਹੈਲੀਕਾਪਟਰਾਂ ਰਾਹੀਂ ਵੱਡੇ ਪੱਧਰ 'ਤੇ ਹਵਾਈ ਬਚਾਅ ਕਾਰਜ ਚਲਾਏ ਜਾ ਰਹੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e