ਵਿਧਾਇਕ ਅਨੰਤ ਸਿੰਘ ਅਦਾਲਤ ’ਚ ਪੇਸ਼, ਜੇਲ ਭੇਜਿਆ

ਨਵੀਂ ਦਿੱਲੀ—ਪਾਬੰਦੀਸ਼ੁਦਾ ਹਥਿਆਰ ਏ. ਕੇ-47 ਅਤੇ ਗ੍ਰੇਨੇਡ ਬਰਾਮਦਗੀ ਮਾਮਲੇ 'ਚ ਦਿੱਲੀ ਦੀ ਸਾਕੇਤ ਕੋਰਟ 'ਚ ਸਰੰਡਰ ਕਰਨ ਵਾਲੇ ਬਿਹਾਰ ਦੇ ਮੌਕਾਮਾ ਤੋਂ ਆਜ਼ਾਦ ਵਿਧਾਇਕ ਅਨੰਤ ਸਿੰਘ ਨੂੰ ਅੱਜ ਭਾਰੀ ਸੁਰੱਖਿਆ ਪ੍ਰਬੰਧਾਂ ਹੇਠ ਅਪਰ ਚੀਫ ਜੁਡੀਸ਼ੀਅਲ ਮੈਜਿਸਟਰੇਟ ਪੀ. ਕੇ. ਤਿਵਾੜੀ ਦੇ ਸਾਹਮਣੇ ਪੇਸ਼ ਕੀਤਾ ਗਿਆ, ਜਿੱਥੇ ਉਨ੍ਹਾਂ ਨੂੰ ਪਟਨਾ ਦੀ ਬੇਉਰ ਜੇਲ ਭੇਜ ਦਿੱਤਾ ਗਿਆ।

ਇਸ ਤੋਂ ਪਹਿਲਾਂ ਸਾਬਕਾ ਵਿਧਾਇਕ ਅਨੰਤ ਸਿੰਘ ਨੂੰ ਸਖਤ ਪ੍ਰਬੰਧਾਂ ਦੌਰਾਨ ਪਟਨਾ ਦੇ ਜੈਪ੍ਰਕਾਸ਼ ਨਰਾਇਣ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਸਿੱਧਾ ਬਾੜ ਲਿਜਾਇਆ ਗਿਆ। ਐਤਵਾਰ ਹੋਣ ਕਾਰਨ ਅਦਾਲਤ ਬੰਦ ਹੋਣ ਕਾਰਨ ਵਿਧਾਇਕ ਨੂੰ ਪੀ. ਕੇ. ਤਿਵਾੜੀ ਦੀ ਅਦਾਲਤ ਦੇ ਸਾਹਮਣੇ ਪੇਸ਼ ਕੀਤਾ ਗਿਆ। ਅਦਾਲਤ ਨੇ ਉਨ੍ਹਾਂ ਨੂੰ 30 ਅਗਸਤ ਤੱਕ ਦੀ ਨਿਆਂਇਕ ਹਿਰਾਸਤ 'ਚ ਪਟਨਾ ਦੇ ਕੇਂਦਰੀ ਕਾਰਾ ਬਯੂਰ ਭੇਜਣ ਦਾ ਆਦੇਸ਼ ਦਿੱਤਾ। ਇਸ ਤੋਂ ਬਾਅਦ ਵਿਧਾਇਕ ਅਨੰਤ ਸਿੰਘ ਨੂੰ ਪੁਲਸ ਅਧਿਕਾਰੀ ਕੇ. ਕੇ. ਮਿਸ਼ਰਾ ਅਤੇ ਐਡੀਸ਼ਨਲ ਐੱਸ. ਪੀ. ਲਿਪੀ ਸਿੰਘ ਦੀ ਅਗਵਾਈ 'ਚ ਸਖਤ ਸੁਰੱਖਿਆ ਪ੍ਰਬੰਧਾਂ ਦੌਰਾਨ ਪੁਲਸ ਪਟਨਾ ਲਈ ਰਵਾਨਾ ਹੋ ਗਈ।

ਜ਼ਿਕਰਯੋਗ ਹੈ ਕਿ ਅਨੰਤ ਸਿੰਘ ਦੇ ਜੱਦੀ ਪਿੰਡ ਲਦਮਾ 'ਚ ਹੋਏ ਛਾਪੇ ਦੌਰਾਨ ਇਸ ਬਾਹੁਬਲੀ ਵਿਧਾਇਕ ਘਰੋਂ ਆਧੁਨਿਕ ਹਥਿਆਰ ਏ.ਕੇ.-47 ਰਾਈਫਲ ਅਤੇ ਭਾਰੀ ਗਿਣਤੀ 'ਚ ਕਾਰਤੂਸ ਸਮੇਤ ਹੈਂਡ ਗ੍ਰੇਨੇਡ ਬਰਾਮਦ ਹੋਇਆ ਸੀ।ਸ਼ੁੱਕਰਵਾਰ ਨੂੰ ਅਨੰਤ ਸਿੰਘ ਨੇ ਸਾਕੇਤ ਕੋਰਟ 'ਚ ਸਰੰਡਰ ਕਰ ਦਿੱਤਾ।