UP ''ਚ ਦੇਰ ਰਾਤ ਵੱਡਾ ਪ੍ਰਸ਼ਾਸਨਿਕ ਫੇਰਬਦਲ: 8 ADM ਅਤੇ 5 SDM ਸਮੇਤ 14 PCS ਅਧਿਕਾਰੀਆਂ ਦੇ ਤਬਾਦਲੇ

ਲਖਨਊ : ਉੱਤਰ ਪ੍ਰਦੇਸ਼ ਦੀ ਯੋਗੀ ਸਰਕਾਰ ਨੇ ਦੇਰ ਰਾਤ ਪ੍ਰਸ਼ਾਸਨਿਕ ਵਿਭਾਗ ਵਿੱਚ ਵੱਡਾ ਫੇਰਬਦਲ ਕਰਦਿਆਂ 14 ਪੀ.ਸੀ.ਐੱਸ. (PCS) ਅਧਿਕਾਰੀਆਂ ਦੇ ਤਬਾਦਲੇ ਕਰ ਦਿੱਤੇ ਹਨ। ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਦੇ ਹੁਕਮਾਂ 'ਤੇ ਜਾਰੀ ਸੂਚੀ ਅਨੁਸਾਰ 8 ਅਪਰ ਜ਼ਿਲ੍ਹਾ ਮੈਜਿਸਟਰੇਟ (ADM), 5 ਉਪ ਮੰਡਲ ਮੈਜਿਸਟਰੇਟ (SDM), 2 ਅਪਰ ਨਗਰ ਆਯੁਕਤ ਅਤੇ 1 ਸਹਾਇਕ ਨਗਰ ਆਯੁਕਤ ਦੀਆਂ ਤਾਇਨਾਤੀਆਂ-ਬਦਲੀਆਂ ਗਈਆਂ ਹਨ। ਇਸ ਅਚਾਨਕ ਹੋਏ ਫੇਰਬਦਲ ਨਾਲ ਪ੍ਰਸ਼ਾਸਨਿਕ ਅਧਿਕਾਰੀਆਂ ਵਿੱਚ ਹਫੜਾ-ਦਫੜੀ ਮਚ ਗਈ ਹੈ।

ਇਹ ਵੀ ਪੜ੍ਹੋ : ਛੱਤੀਸਗੜ੍ਹ 'ਚ ਵੱਡਾ ਸੜਕ ਹਾਦਸਾ! ਦਰੱਖਤ 'ਚ ਜਾ ਵੱਜੀ ਸਵਾਰੀਆਂ ਨਾਲ ਭਰੀ ਬੱਸ, 6 ਲੋਕਾਂ ਨੇ ਤੋੜਿਆ ਦਮ

ਤਬਾਦਲਾ ਸੂਚੀ ਅਨੁਸਾਰ ਨਵੀਆਂ ਤਾਇਨਾਤੀਆਂ

ਸ਼ਿਵ ਪ੍ਰਤਾਪ ਸ਼ੁਕਲਾ (ਏ.ਡੀ.ਐੱਮ. ਝਾਂਸੀ) ➔ ਮੁੱਖ ਚੋਣ ਅਧਿਕਾਰੀ ਦਫ਼ਤਰ ਵਿੱਚ ਵਿਸ਼ੇਸ਼ ਕਾਰਜ ਅਧਿਕਾਰੀ (OSD)
ਸੰਜੇ ਚਾਵਲਾ (ਏ.ਡੀ.ਐੱਮ. ਆਜ਼ਮਗੜ੍ਹ) ➔ ਏ.ਡੀ.ਐੱਮ. (ਪ੍ਰਸ਼ਾਸਨ) ਝਾਂਸੀ
ਸਿਧਾਰਥ (ਏ.ਡੀ.ਐੱਮ. ਪ੍ਰਸ਼ਾਸਨ ਰਾਏਬਰੇਲੀ) ➔ ਏ.ਡੀ.ਐੱਮ. (ਪ੍ਰਸ਼ਾਸਨ) ਆਜ਼ਮਗੜ੍ਹ
ਅਸ਼ੋਕ ਕੁਮਾਰ ਗੁਪਤਾ (ਐੱਸ.ਡੀ.ਐੱਮ. ਗੋਂਡਾ) ➔ ਏ.ਡੀ.ਐੱਮ. (ਪ੍ਰਸ਼ਾਸਨ) ਰਾਏਬਰੇਲੀ
ਵਿਕਾਸ ਸਿੰਘ (ਸਹਾਇਕ ਨਗਰ ਆਯੁਕਤ, ਲਖਨਊ ਨਗਰ ਨਿਗਮ) ➔ ਐੱਸ.ਡੀ.ਐੱਮ. ਗੋਂਡਾ
ਰਾਜੀਵ ਕੁਮਾਰ ਸ਼ੁਕਲਾ (ਅਪਰ ਨਗਰ ਆਯੁਕਤ ਪ੍ਰਯਾਗਰਾਜ) ➔ ਏ.ਡੀ.ਐੱਮ. ਆਜ਼ਮਗੜ੍ਹ
ਦੇਵੇਂਦਰ ਪ੍ਰਤਾਪ ਸਿੰਘ (ਐੱਸ.ਡੀ.ਐੱਮ. ਉਨਾਓ) ➔ ਅਪਰ ਨਗਰ ਆਯੁਕਤ ਪ੍ਰਯਾਗਰਾਜ
ਗੌਰਵ ਸ੍ਰੀਵਾਸਤਵ (ਏ.ਡੀ.ਐੱਮ. ਸਿਧਾਰਥਨਗਰ) ➔ ਮੁੱਖ ਚੋਣ ਅਧਿਕਾਰੀ ਦਫ਼ਤਰ ਵਿੱਚ ਵਿਸ਼ੇਸ਼ ਕਾਰਜ ਅਧਿਕਾਰੀ (OSD)
ਸੰਦੀਪ ਕੁਮਾਰ ਸ੍ਰੀਵਾਸਤਵ (ਏ.ਡੀ.ਐੱਮ. ਜੁਡੀਸ਼ੀਅਲ ਇਟਾਵਾ) ➔ ਏ.ਡੀ.ਐੱਮ. ਸਿਧਾਰਥਨਗਰ
ਮਨੋਜ ਪ੍ਰਕਾਸ਼ (ਐੱਸ.ਡੀ.ਐੱਮ. ਜਾਲੌਨ) ➔ ਏ.ਡੀ.ਐੱਮ. (ਜੁਡੀਸ਼ੀਅਲ) ਇਟਾਵਾ।
ਅੰਕਿਤ ਸ਼ੁਕਲਾ (ਐੱਸ.ਡੀ.ਐੱਮ. ਲਖਨਊ) ➔ ਏ.ਡੀ.ਐੱਮ. (ਪ੍ਰਸ਼ਾਸਨ) ਕਾਨਪੁਰ ਦੇਹਾਤ
ਨਰੇਂਦਰ ਸਿੰਘ (ਏ.ਡੀ.ਐੱਮ. ਆਜ਼ਮਗੜ੍ਹ) ➔ ਏ.ਡੀ.ਐੱਮ. (ਜੁਡੀਸ਼ੀਅਲ) ਕਾਨਪੁਰ ਦੇਹਾਤ
ਆਤਮਸਵਰੂਪ ਸ੍ਰੀਵਾਸਤਵ (ਐੱਸ.ਡੀ.ਐੱਮ. ਪ੍ਰਯਾਗਰਾਜ) ➔ ਏ.ਡੀ.ਐੱਮ. (ਜੁਡੀਸ਼ੀਅਲ) ਸਹਾਰਨਪੁਰ
ਅਭਿਨਵ ਰੰਜਨ ਸ੍ਰੀਵਾਸਤਵ (ਅਪਰ ਨਗਰ ਆਯੁਕਤ, ਲਖਨਊ ਨਗਰ ਨਿਗਮ) ➔ ਮੁੱਖ ਚੋਣ ਅਧਿਕਾਰੀ ਦਫ਼ਤਰ ਵਿੱਚ ਵਿਸ਼ੇਸ਼ ਕਾਰਜ ਅਧਿਕਾਰੀ (OSD)

ਇਹ ਵੀ ਪੜ੍ਹੋ : ਪੰਜਾਬ 'ਚ ਨਾ ਕਿਸੇ ਦੀ ਜਾਨ ਸੁਰੱਖਿਅਤ ਹੈ, ਨਾ ਕਾਰੋਬਾਰ: ਅਨਿਲ ਸਰੀਨ

2 IPS ਅਧਿਕਾਰੀਆਂ ਦੀਆਂ ਵੀ ਬਦਲੀਆਂ ਗਈਆਂ ਸਨ ਜ਼ਿੰਮੇਵਾਰੀਆਂ

ਇਸ ਤੋਂ ਦੋ ਦਿਨ ਪਹਿਲਾਂ ਯੋਗੀ ਸਰਕਾਰ ਨੇ ਦੋ ਸੀਨੀਅਰ ਆਈ.ਪੀ.ਐੱਸ. (IPS) ਅਧਿਕਾਰੀਆਂ ਦੇ ਵੀ ਤਬਾਦਲੇ ਕੀਤੇ ਸਨ। ਜਾਰੀ ਹੁਕਮਾਂ ਅਨੁਸਾਰ 1995 ਬੈਚ ਦੇ ਆਈ.ਪੀ.ਐੱਸ. ਅਧਿਕਾਰੀ ਅਸ਼ੋਕ ਕੁਮਾਰ ਸਿੰਘ ਨੂੰ ਡੀ.ਜੀ. ਨਾਗਰਿਕ ਸੁਰੱਖਿਆ (Civil Defence) ਨਿਯੁਕਤ ਕੀਤਾ ਗਿਆ ਹੈ। ਜਦਕਿ 1994 ਬੈਚ ਦੇ ਆਈ.ਪੀ.ਐੱਸ. ਅਧਿਕਾਰੀ ਧਰੁਵ ਕਾਂਤ ਠਾਕੁਰ ਤੋਂ ਨਾਗਰਿਕ ਸੁਰੱਖਿਆ ਦਾ ਵਾਧੂ ਚਾਰਜ ਵਾਪਸ ਲੈ ਲਿਆ ਗਿਆ ਹੈ ਅਤੇ ਉਹ ਹੁਣ ਪੂਰਨ ਤੌਰ 'ਤੇ ਡੀ.ਜੀ. ਹੋਮਗਾਰਡਜ਼ ਵਜੋਂ ਸੇਵਾਵਾਂ ਨਿਭਾਉਣਾ ਜਾਰੀ ਰੱਖਣਗੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e