ਅਹਿਮਦਾਬਾਦ ਪਲੇਨ ਕ੍ਰੈਸ਼ ਪਿੱਛੋ ਵੱਡਾ ਹਾਦਸਾ ਟਲਿਆ, ਅਚਾਨਕ 900 ਫੁੱਟ...

ਵੈੱਬ ਡੈਸਕ - ਇਨ੍ਹੀਂ ਦਿਨੀਂ ਏਅਰ ਇੰਡੀਆ ਸੰਕਟ ਦਾ ਸਾਹਮਣਾ ਕਰ ਰਹੀ ਹੈ। ਹਾਲ ਹੀ ਵਿਚ ਅਹਿਮਦਾਬਾਦ ਵਿਚ ਹੋਏ ਜਹਾਜ਼ ਹਾਦਸੇ ਤੋਂ ਬਾਅਦ, ਇਕ ਹੋਰ ਵੱਡਾ ਹਾਦਸਾ ਟਲ ਗਿਆ। ਦੱਸ ਦਈਏ ਕਿ 14 ਜੂਨ, 2025 ਨੂੰ ਏਅਰ ਇੰਡੀਆ ਦਾ ਇਕ ਜਹਾਜ਼ ਨਵੀਂ ਦਿੱਲੀ ਦੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਵਿਯੇਨ੍ਨਾ ਲਈ ਉਡਾਣ ਭਰੀ ਜਿਸ ਪਿੱਛੋ ਜਹਾਜ਼ ਹਵਾ ਵਿਚ 900 ਫੁੱਟ ਹੇਠਾਂ ਆ ਗਿਆ। ਇਸ ਦੌਰਾਨ ਏਅਰਲਾਈਨ ਨੇ ਇਕ ਬਿਆਨ ਜਾਰੀ ਕਰਕੇ ਕਿਹਾ ਕਿ ਜਾਂਚ ਦੇ ਨਤੀਜੇ ਆਉਣ ਤੱਕ ਦੋਵਾਂ ਪਾਇਲਟਾਂ ਨੂੰ ਰੋਸਟਰ ਤੋਂ ਹਟਾ ਦਿੱਤਾ ਗਿਆ ਹੈ। ਇਹ ਘਟਨਾ ਅਹਿਮਦਾਬਾਦ ਜਹਾਜ਼ ਹਾਦਸੇ ਤੋਂ ਦੋ ਦਿਨ ਬਾਅਦ ਵਾਪਰੀ ਸੀ, ਜਿਸ ਵਿੱਚ ਇੱਕ ਵਿਅਕਤੀ ਨੂੰ ਛੱਡ ਕੇ ਜਹਾਜ਼ ਵਿਚ ਸਵਾਰ ਸਾਰੇ ਲੋਕਾਂ ਦੀ ਮੌਤ ਹੋ ਗਈ ਸੀ।   

ਮਿਲੀ ਜਾਣਕਾਰੀ ਅਨੁਸਾਰ ਏਅਰ ਇੰਡੀਆ ਦੇ ਬੁਲਾਰੇ ਨੇ ਕਿਹਾ ਕਿ "ਪਾਇਲਟ ਦੀ ਰਿਪੋਰਟ ਮਿਲਣ ਤੋਂ ਬਾਅਦ, ਨਿਯਮਾਂ ਅਨੁਸਾਰ, ਡੀਜੀਸੀਏ ਨੂੰ ਮਾਮਲੇ ਬਾਰੇ ਸੂਚਿਤ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ, ਏਅਰਕ੍ਰਾਫਟ ਰਿਕਾਰਡਰ ਤੋਂ ਡੇਟਾ ਪ੍ਰਾਪਤ ਕਰਨ ਤੋਂ ਬਾਅਦ ਅੱਗੇ ਦੀ ਜਾਂਚ ਸ਼ੁਰੂ ਕੀਤੀ ਗਈ। ਜਾਂਚ ਦੇ ਨਤੀਜੇ ਆਉਣ ਤੱਕ ਪਾਇਲਟਾਂ ਨੂੰ ਰੋਸਟਰ ਤੋਂ ਹਟਾ ਦਿੱਤਾ ਗਿਆ ਹੈ।"

ਟੇਕਆਫ ਕਰਨ ਤੋਂ ਥੋੜ੍ਹੀ ਦੇਰ ਬਾਅਦ ਹੇਠਾਂ ਆਉਣਾ ਹੋਇਆ ਸ਼ੁਰੂ 
ਉਡਾਣ ਭਰਨ ਤੋਂ ਕੁਝ ਮਿੰਟਾਂ ਬਾਅਦ ਹੀ, ਬੋਇੰਗ 777 ਅਚਾਨਕ ਹੇਠਾਂ ਉਤਰਨ ਲੱਗ ਪਿਆ। ਜਹਾਜ਼ ਨੂੰ ਸਟਾਲ ਚਿਤਾਵਨੀ ਮਿਲੀ ਅਤੇ ਨਾਲ ਹੀ ਗਰਾਊਂਡ ਪ੍ਰੌਕਸੀਮਿਟੀ ਵਾਰਨਿੰਗ ਸਿਸਟਮ (GPWS) ਤੋਂ "ਨਾ ਡੁੱਬੋ ਸਾਵਧਾਨੀ" ਵੀ ਕਿਹਾ ਗਿਆ, ਜਿਸ ਨੇ ਪਾਇਲਟਾਂ ਨੂੰ ਉਚਾਈ ਨਾ ਗੁਆਉਣ ਲਈ ਕਿਹਾ ਰਿਪੋਰਟ ਦੇ ਅਨੁਸਾਰ, ਜਦੋਂ ਬੋਇੰਗ 777 ਨੇ ਸਵੇਰੇ 2:56 ਵਜੇ ਉਡਾਣ ਭਰੀ, ਤਾਂ ਦਿੱਲੀ ਵਿਚ ਇਕ ਤੇਜ਼ ਤੂਫਾਨ ਆਇਆ। ਇਸ ਦੌਰਾਨ ਸਟਿੱਕ ਸ਼ੇਕਰ ਅਲਾਰਮ ਚਾਲੂ ਹੋ ਗਿਆ ਅਤੇ ਪਾਇਲਟ ਨੂੰ ਤੁਰੰਤ ਖ਼ਤਰੇ ਦਾ ਅਹਿਸਾਸ ਹੋਇਆ। ਇਸ ਤੋਂ ਬਾਅਦ, ਦੋਵਾਂ ਪਾਇਲਟਾਂ ਨੇ ਤੁਰੰਤ ਸਥਿਤੀ ਨੂੰ ਕਾਬੂ ਕੀਤਾ ਅਤੇ ਜਹਾਜ਼ ਨੂੰ ਸਹੀ ਉਚਾਈ 'ਤੇ ਲਿਆਂਦਾ। 9 ਘੰਟੇ 8 ਮਿੰਟ ਦੀ ਉਡਾਣ ਤੋਂ ਬਾਅਦ ਜਹਾਜ਼ ਵਿਯੇਨਾ ਵਿਚ ਸੁਰੱਖਿਅਤ ਉਤਰਿਆ।