ਅੰਡੇਮਾਨ ਸਾਗਰ 'ਚ ਮਿਲਿਆ ਕੁਦਰਤੀ ਗੈਸ ਦਾ ਵੱਡਾ ਭੰਡਾਰ, ਆਇਲ ਇੰਡੀਆ ਨੂੰ ਮਿਲੀ ਵੱਡੀ ਕਾਮਯਾਬੀ

ਨਵੀਂ ਦਿੱਲੀ : ਭਾਰਤ ਲਈ ਊਰਜਾ ਦੇ ਖੇਤਰ ਵਿੱਚ ਇੱਕ ਬਹੁਤ ਵੱਡੀ ਖੁਸ਼ਖਬਰੀ ਸਾਹਮਣੇ ਆਈ ਹੈ। ਜਨਤਕ ਖੇਤਰ ਦੀ ਤੇਲ ਖੋਜ ਕੰਪਨੀ ਆਇਲ ਇੰਡੀਆ (Oil India) ਨੂੰ ਅੰਡੇਮਾਨ ਟਾਪੂ ਦੇ ਨੇੜੇ ਸਮੁੰਦਰ ਵਿੱਚ ਕੁਦਰਤੀ ਗੈਸ ਦੇ ਨਵੇਂ ਭੰਡਾਰ ਮਿਲੇ ਹਨ। ਇਸ ਮਹੱਤਵਪੂਰਨ ਪ੍ਰਾਪਤੀ ਦੀ ਜਾਣਕਾਰੀ ਕੇਂਦਰੀ ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਮੰਤਰੀ ਹਰਦੀਪ ਸਿੰਘ ਪੁਰੀ ਨੇ ਸੋਸ਼ਲ ਮੀਡੀਆ ਰਾਹੀਂ ਸਾਂਝੀ ਕੀਤੀ ਹੈ। 

15 ਕਿਲੋਮੀਟਰ ਦੂਰ ਮਿਲਿਆ ਭੰਡਾਰ

ਮੰਤਰੀ ਹਰਦੀਪ ਸਿੰਘ ਪੁਰੀ ਅਨੁਸਾਰ, ਆਇਲ ਇੰਡੀਆ ਲਿਮਟਿਡ ਵੱਲੋਂ ਖੋਜ ਦੇ ਉਦੇਸ਼ ਨਾਲ ਪੁੱਟੇ ਗਏ ਖੂਹ 'ਵਿਜੇਪੁਰਮ-3' (Vijaypuram-3) ਵਿੱਚ ਕੁਦਰਤੀ ਗੈਸ ਦੀ ਮੌਜੂਦਗੀ ਪਾਈ ਗਈ ਹੈ। ਇਹ ਖੂਹ ਅੰਡੇਮਾਨ ਟਾਪੂ ਦੇ ਪੂਰਬੀ ਤੱਟ ਤੋਂ ਲਗਭਗ 15 ਕਿਲੋਮੀਟਰ ਦੂਰ ਅਤੇ ਸਮੁੰਦਰ ਦੇ ਅੰਦਰ 355 ਮੀਟਰ ਦੀ ਡੂੰਘਾਈ ਵਾਲੇ ਖੇਤਰ ਵਿੱਚ ਸਥਿਤ ਹੈ।

ਇਹ ਵੀ ਪੜ੍ਹੋ : ਅਗਲੇ 48 ਘੰਟੇ ਭਾਰੀ ਮੀਂਹ ਦਾ ਅਲਰਟ ! ਪੰਜਾਬ-ਦਿੱਲੀ ਸਣੇ ਕਈ ਸੂਬਿਆਂ 'ਚ ਬਦਲੇਗਾ ਮੌਸਮ 

ਊਰਜਾ ਖੇਤਰ 'ਚ ਭਾਰਤ ਬਣੇਗਾ ਆਤਮ-ਨਿਰਭਰ 

ਉਨ੍ਹਾਂ ਦੱਸਿਆ ਕਿ ਇਓਸੀਨ (Eocene) ਸੰਰਚਨਾ ਵਿੱਚ 1,900 ਮੀਟਰ ਤੋਂ ਵੱਧ ਦੀ ਡੂੰਘਾਈ 'ਤੇ ਕੀਤੇ ਗਏ ਸ਼ੁਰੂਆਤੀ ਟੈਸਟਾਂ ਨੇ ਕੁਦਰਤੀ ਗੈਸ ਦੀ ਮੌਜੂਦਗੀ ਦੀ ਪੁਸ਼ਟੀ ਕੀਤੀ ਹੈ। ਊਰਜਾ ਦੇ ਮਾਮਲੇ ਵਿੱਚ ਆਤਮ-ਨਿਰਭਰਤਾ ਦੀ ਕੋਸ਼ਿਸ਼ ਕਰ ਰਹੇ ਭਾਰਤ ਲਈ ਇਸ ਨੂੰ ਇੱਕ ਵੱਡੀ ਉਪਲਬਧੀ ਮੰਨਿਆ ਜਾ ਰਿਹਾ ਹੈ। ਹਰਦੀਪ ਸਿੰਘ ਪੁਰੀ ਨੇ ਇਸ ਸਫਲਤਾ 'ਤੇ ਆਇਲ ਇੰਡੀਆ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਅੰਡੇਮਾਨ ਸਾਗਰ ਵਿੱਚ ਊਰਜਾ ਦੇ ਮੌਕਿਆਂ ਦਾ ਇੱਕ ਨਵਾਂ ਭੰਡਾਰ ਮਜ਼ਬੂਤ ਹੋਇਆ ਹੈ।

Congratulations @OilIndiaLimited !

An ocean of energy opportunities reinforced in the Andaman Sea!
Very happy to report the presence of natural gas in Sri Vijayapuram-3 an exploratory well drilled by Oil India Ltd. 15 km off the east coast of the Andaman Islands at a water… pic.twitter.com/j6QvWqZkFx

— Hardeep Singh Puri (@HardeepSPuri) June 5, 2026

'ਸਾਗਰ ਮੰਥਨ' ਮਿਸ਼ਨ ਤਹਿਤ ਖੋਜ 

ਇਹ ਖੋਜ ਕੇਂਦਰ ਸਰਕਾਰ ਦੇ 'ਸਾਗਰ ਮੰਥਨ' (Sagar Manthan) ਮਿਸ਼ਨ ਦਾ ਹਿੱਸਾ ਹੈ, ਜਿਸ ਤਹਿਤ ਡੂੰਘੇ ਸਮੁੰਦਰ ਵਿੱਚ ਹਾਈਡਰੋਕਾਰਬਨ ਭੰਡਾਰਾਂ ਦੀ ਖੋਜ ਲਈ ਵੱਡੀ ਗਿਣਤੀ ਵਿੱਚ ਖੂਹ ਪੁੱਟਣ ਦੀ ਯੋਜਨਾ ਬਣਾਈ ਗਈ ਹੈ। ਵਰਤਮਾਨ ਮੁਹਿੰਮ ਦੌਰਾਨ ਆਇਲ ਇੰਡੀਆ ਵੱਲੋਂ ਪੁੱਟੇ ਗਏ ਤਿੰਨ ਖੂਹਾਂ ਵਿੱਚੋਂ ਦੋ ਵਿੱਚ ਹਾਈਡਰੋਕਾਰਬਨ ਦੀ ਮੌਜੂਦਗੀ ਦਰਜ ਕੀਤੀ ਜਾ ਚੁੱਕੀ ਹੈ। ਮੰਤਰੀ ਨੇ ਇਸ ਉਪਲਬਧੀ ਨੂੰ ਦੇਸ਼ ਦੀ 'ਅੰਮ੍ਰਿਤ ਕਾਲ' ਯਾਤਰਾ ਵਿੱਚ ਇੱਕ ਮਹੱਤਵਪੂਰਨ ਮੀਲ ਪੱਥਰ ਦੱਸਿਆ ਹੈ। ਫਿਲਹਾਲ ਕੰਪਨੀ ਗੈਸ ਦੇ ਨਮੂਨੇ ਇਕੱਠੇ ਕਰ ਰਹੀ ਹੈ ਤਾਂ ਜੋ ਇਸ ਦੀ ਗੁਣਵੱਤਾ ਅਤੇ ਉਤਪੱਤੀ ਬਾਰੇ ਹੋਰ ਡੂੰਘਾਈ ਨਾਲ ਅਧਿਐਨ ਕੀਤਾ ਜਾ ਸਕੇ।

ਇਹ ਵੀ ਪੜ੍ਹੋ : ਭਾਰਤੀਆਂ ਨੂੰ ਟਾਰਗੇਟ ਨਹੀਂ ਕਰ ਰਹੇ H1B ਵੀਜ਼ਾ ਕਾਨੂੰਨ, ਅਮਰੀਕਾ ਨੇ ਦਿੱਤੀ ਸਫਾਈ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8