ਕੁੰਡਲੀ ''ਚ ਹੈ ਦੋਸ਼ ਤਾਂ ਜੋੜੇ ਮਹਾਸ਼ਿਵਰਾਤਰੀ ਮੌਕੇ ਇਸ ਮੰਦਰ ''ਚ ਕਰਵਾਉਣ ਵਿਆਹ, ਬਦਲ ਜਾਵੇਗੀ ਕਿਸਮਤ

ਮੰਡੀ- ਜਿਹੜੇ ਮੁੰਡੇ ਅਤੇ ਕੁੜੀਆਂ ਦੀ ਕੁੰਡਲੀ 'ਚ ਮਾਂਗਲਿਕ ਦੋਸ਼ ਆਉਂਦੇ ਹਨ, ਉਨ੍ਹਾਂ ਜੋੜਿਆਂ ਦਾ ਪਾਣੀਸੰਸਕਾਰ ਸ਼੍ਰੀਦੇਵ ਬਾਲਕਾਮੇਸ਼ਵਰ ਬਨਯੂਰੀ ਕਰਵਾਉਂਦੇ ਹਨ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਉਨ੍ਹਾਂ ਵਲੋਂ ਵਿਆਹ ਕਰਾਉਣ ਨਾਲ ਕੁੰਡਲੀ ਦੇ ਸਾਰੇ ਦੋਸ਼ ਦੂਰ ਹੋ ਜਾਂਦੇ ਹਨ। ਗ੍ਰਹਿ ਭਾਵੇਂ ਕਿੰਨੇ ਵੀ ਜ਼ਾਲਮ ਕਿਉਂ ਨਾ ਹੋਣ ਪਰ ਇਸ ਵਿਆਹ ਤੋਂ ਬਾਅਦ ਉਨ੍ਹਾਂ ਦਾ ਕੋਈ ਨੁਕਸਾਨ ਨਹੀਂ ਕਰਦੇ। ਦੇਵ ਸ਼੍ਰੀ ਬਾਲਕਾਮੇਸ਼ਵਰ ਬਨਯੂਰੀ, ਜੋ ਹਰ ਸਾਲ ਅੰਤਰਰਾਸ਼ਟਰੀ ਮਹਾਸ਼ਿਵਰਾਤਰੀ ਉਤਸਵ 'ਚ ਹਿੱਸਾ ਲੈਂਦੇ ਹਨ, ਇਸ ਸਮੱਸਿਆ ਦਾ ਹੱਲ ਕਰਦੇ ਹਨ। ਇਹ ਦੇਵਤਾ ਮੰਡੀ ਦੇ ਵੱਡੇ ਦੇਵਤਾ ਕਮਰੁਨਾਗ ਦੇ ਵੱਡਾ ਪੁੱਤ ਮੰਨੇ ਜਾਂਦੇ ਹਨ। ਹੁਣ ਤੱਕ ਹਜ਼ਾਰਾਂ ਵਿਆਹ ਮੰਦਰ ਦੇ ਕੰਪਲੈਕਸ 'ਚ ਹੋ ਚੁੱਕੇ ਹਨ। ਸਿਰਫ ਹਿਮਾਚਲ ਹੀ ਨਹੀਂ, ਕਈ ਹੋਰ ਰਾਜਾਂ ਦੇ ਜੋੜਿਆਂ ਦੇ ਵਿਆਹ ਇੱਥੇ ਹੋ ਚੁੱਕੇ ਹਨ। ਇਹ ਵਿਆਹ ਪੂਰੀ ਤਰ੍ਹਾਂ ਸਫ਼ਲ ਹੋਏ ਹਨ। ਮੰਦਰ ਕਮੇਟੀ ਅਜਿਹੇ ਜੋੜਿਆਂ ਨੂੰ ਵਿਆਹ ਦੇ ਸਰਟੀਫਿਕੇਟ ਵੀ ਪ੍ਰਦਾਨ ਕਰਦੀ ਹੈ। ਦੇਵਤਾ ਨੂੰ 18 ਬੀਮਾਰੀਆਂ ਦਾ ਇਲਾਜ ਕਰਨ ਵਾਲਾ ਮੰਨਿਆ ਜਾਂਦਾ ਹੈ। ਕਿਹਾ ਜਾਂਦਾ ਹੈ ਕਿ ਜਦੋਂ ਮੰਡੀ 'ਚ ਚੇਚਕ ਫੈਲਿਆ ਤਾਂ ਉਨ੍ਹਾਂ ਨੇ ਹੀ ਇਸ ਮਹਾਮਾਰੀ 'ਤੇ ਕੰਟਰੋਲ ਕੀਤਾ ਸੀ। 

ਇਹ ਵੀ ਪੜ੍ਹੋ : ਲਾੜੀ ਨੂੰ ਨਹੀਂ ਪਸੰਦ ਆਇਆ ਲਹਿੰਗਾ, ਬਿਨਾਂ ਵਿਆਹ ਕੀਤੇ ਅੰਮ੍ਰਿਤਸਰ ਮੋੜੀ ਬਾਰਾਤ

ਮੰਡੀ ਤੋਂ 45 ਕਿਲੋਮੀਟਰ ਦੂਰ ਛਪਰਾਹਾਨ 'ਚ ਵਿਸ਼ਾਲ ਮੰਦਰ

ਜ਼ਿਲ੍ਹਾ ਹੈੱਡਕੁਆਰਟਰ ਮੰਡੀ ਤੋਂ ਲਗਭਗ 45 ਕਿਲੋਮੀਟਰ ਦੂਰ ਨਾਚਨ ਖੇਤਰ ਦੇ ਅਧੀਨ ਚਾਚਿਓਟ ਤਹਿਸੀਲ ਦੇ ਬਨਯੁਰ 'ਚ ਦੇਵਤਾ ਸ਼੍ਰੀ ਦੇਵ ਬਾਲਕਾਮੇਸ਼ਵਰ ਦਾ ਇਕ ਵਿਸ਼ਾਲ ਮੰਦਰ ਹੈ। ਦੇਵਤਾ ਹਰ ਸਾਲ ਅੰਤਰਰਾਸ਼ਟਰੀ ਮਹਾਸ਼ਿਵਰਾਤਰੀ 'ਚ ਜਲੇਬ ਵਾਲੇ ਦਿਨ ਆਉਂਦੇ ਹਨ ਅਤੇ ਉਸੇ ਦਿਨ ਤੋਂ ਸ਼ਿਵਰਾਤਰੀ ਦੀ ਸ਼ੋਭਾ ਵਧਾਉਂਦੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8