''ਲੈੱਗ ਪੀਸ'' ਨਾ ਮਿਲਣ ''ਤੇ ਵਿਆਹ ''ਚ ਪੈ ਗਿਆ ਰੌਲਾ, ਬਾਰਾਤੀਆਂ ਨੇ ਭੰਨ ''ਤੀਆਂ ਕੁਰਸੀਆਂ

ਅਮਰੋਹਾ : ਉੱਤਰ ਪ੍ਰਦੇਸ਼ ਦੇ ਅਮਰੋਹਾ ਜ਼ਿਲ੍ਹੇ ਦੇ ਹਸਨਪੁਰ ਕੋਤਵਾਲੀ ਖੇਤਰ ਵਿੱਚ ਇੱਕ ਬਹੁਤ ਹੀ ਅਜੀਬੋ-ਗਰੀਬ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਵਿਆਹ ਦੇ ਖਾਣੇ ਵਿੱਚ ਬਿਰਯਾਨੀ ਵਿਚ 'ਲੈੱਗ ਪੀਸ' ਨਾ ਮਿਲਣ ਕਾਰਨ ਬਾਰਾਤੀਆਂ ਨੇ ਰੱਜ ਕੇ ਹੰਗਾਮਾ ਕੀਤਾ। ਇਸ ਹੰਗਾਮੇ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।

ਜਾਣਕਾਰੀ ਅਨੁਸਾਰ, ਸ਼ਨੀਵਾਰ ਨੂੰ ਹਸਨਪੁਰ ਦੇ ਇੱਕ ਬੈਂਕੁਇਟ ਹਾਲ ਵਿੱਚ ਬਾਰਾਤ ਆਈ ਸੀ। ਜਦੋਂ ਬਾਰਾਤੀਆਂ ਲਈ ਖਾਣਾ ਲਗਾਇਆ ਗਿਆ, ਤਾਂ ਕਈ ਬਾਰਾਤੀਆਂ ਨੂੰ ਬਿਰਯਾਨੀ ਵਿੱਚ ਚਿਕਨ ਲੈੱਗ ਪੀਸ ਨਹੀਂ ਮਿਲਿਆ, ਜਿਸ ਤੋਂ ਉਹ ਇੰਨੇ ਗੁੱਸੇ ਵਿੱਚ ਆ ਗਏ ਕਿ ਉਨ੍ਹਾਂ ਨੇ ਬੈਂਕੁਇਟ ਹਾਲ ਵਿੱਚ ਭੰਨ-ਤੋੜ ਸ਼ੁਰੂ ਕਰ ਦਿੱਤੀ। ਵਾਇਰਲ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਬਾਰਾਤੀ ਗੁੱਸੇ ਵਿੱਚ ਕੁਰਸੀਆਂ ਚੁੱਕ ਕੇ ਮੇਜ਼ਾਂ 'ਤੇ ਪਟਕ ਰਹੇ ਹਨ ਅਤੇ ਉਨ੍ਹਾਂ ਨੂੰ ਤੋੜ ਰਹੇ ਹਨ। ਪੂਰੇ ਹਾਲ ਵਿੱਚ ਚੀਕ-ਚਿਹਾੜਾ ਅਤੇ ਸ਼ੋਰ-ਸ਼ਰਾਬਾ ਮਚਿਆ ਹੋਇਆ ਸੀ।
 

ਵਿਆਹ ਵਿੱਚ Leg Piece ਨੂੰ ਲੈ ਕੇ ਹੋਈ ਜ਼ਬਰਦਸਤ ਲੜਾਈ
ਉੱਤਰ ਪ੍ਰਦੇਸ਼ ਦੇ ਅਮਰੋਹਾ ਵਿੱਚ ਇੱਕ ਵਿਆਹ ਦੀ ਖੁਸ਼ੀ ਅਚਾਨਕ ਕੁਸ਼ਤੀ ਦੇ ਅਖਾੜੇ ਵਿੱਚ ਬਦਲ ਗਈ। ਇੱਕ "Leg Piece" ਨੂੰ ਲੈ ਕੇ ਹੋਈ ਲੜਾਈ ਨੇ ਪੂਰੇ ਵਿਆਹ ਵਾਲੇ ਹਾਲ ਨੂੰ WWE ਰਿੰਗ ਵਿੱਚ ਬਦਲ ਦਿੱਤਾ!
ਬਾਰਾਤ ਵਿੱਚ ਆਏ ਕੁਝ ਮਹਿਮਾਨਾਂ ਨੇ ਖਾਣੇ ਵਿੱਚ Leg Piece ਨਹੀਂ ਮਿਲਿਆ। pic.twitter.com/bGn2sUBSwm

— Dilsher Chopra (@Arun_chopra1) March 30, 2026

ਇਸ ਪੂਰੇ ਮਾਮਲੇ ਬਾਰੇ ਹਸਨਪੁਰ ਥਾਣਾ ਇੰਚਾਰਜ਼ ਰਾਜੇਸ਼ ਕੁਮਾਰ ਤਿਵਾਰੀ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਵਾਇਰਲ ਵੀਡੀਓ ਰਾਹੀਂ ਘਟਨਾ ਦੀ ਜਾਣਕਾਰੀ ਮਿਲੀ ਹੈ। ਹਾਲਾਂਕਿ, ਬੈਂਕੁਇਟ ਹਾਲ ਦੇ ਮਾਲਕ ਵੱਲੋਂ ਅਜੇ ਤੱਕ ਕੋਈ ਲਿਖਤੀ ਸ਼ਿਕਾਇਤ ਦਰਜ ਨਹੀਂ ਕਰਵਾਈ ਗਈ। ਪੁਲਸ ਅਨੁਸਾਰ ਜਿਵੇਂ ਹੀ ਕੋਈ ਅਧਿਕਾਰਤ ਸ਼ਿਕਾਇਤ ਮਿਲਦੀ ਹੈ, ਮਾਮਲੇ ਦੀ ਜਾਂਚ ਕਰਕੇ ਲੋੜੀਂਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।