ਸਫ਼ਰ ਕਰਨਾ ਹੋਇਆ ਮਹਿੰਗਾ! ਵੱਧ ਗਿਆ ਬੱਸਾਂ ਦਾ ਕਿਰਾਇਆ

ਸ਼ਿਮਲਾ (ਰਾਜੇਸ਼): ਹਿਮਾਚਲ ਪ੍ਰਦੇਸ਼ ਸਰਕਾਰ ਨੇ ਸੂਬੇ ਦੇ ਲੋਕਾਂ ਨੂੰ ਇੱਕ ਹੋਰ ਵੱਡਾ ਝਟਕਾ ਦਿੱਤਾ ਹੈ। ਘੱਟੋ-ਘੱਟ ਕਿਰਾਏ ਤੋਂ ਬਾਅਦ ਸਰਕਾਰ ਨੇ ਹੁਣ ਲੰਬੀ ਦੂਰੀ ਦੇ ਬੱਸ ਕਿਰਾਏ ਵਿੱਚ 15 ਪ੍ਰਤੀਸ਼ਤ ਵਾਧਾ ਕਰ ਦਿੱਤਾ ਹੈ। ਅਜਿਹੀ ਸਥਿਤੀ ਵਿੱਚ ਲੰਬੀ ਦੂਰੀ ਦੀ ਯਾਤਰਾ ਕਰਨ ਵਾਲੇ ਬੱਸ ਯਾਤਰੀਆਂ ਨੂੰ ਵੀ ਵਧੇਰੇ ਕਿਰਾਇਆ ਦੇਣਾ ਪਵੇਗਾ।

ਟਰਾਂਸਪੋਰਟ ਵਿਭਾਗ ਨੇ ਇਸ ਸਬੰਧੀ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਹੈ। ਨਵੀਆਂ ਕਿਰਾਏ ਦਰਾਂ ਜਾਰੀ ਕਰ ਦਿੱਤੀਆਂ ਗਈਆਂ ਹਨ। ਨੋਟੀਫਿਕੇਸ਼ਨ ਦੇ ਅਨੁਸਾਰ ਮੈਦਾਨੀ ਖੇਤਰਾਂ 'ਚ ਆਮ ਬੱਸਾਂ ਦਾ ਲੰਬੀ ਦੂਰੀ ਦਾ ਕਿਰਾਇਆ 1.60 ਰੁਪਏ ਪ੍ਰਤੀ ਕਿਲੋਮੀਟਰ ਹੋਵੇਗਾ, ਜਦਕਿ ਪਹਾੜੀ ਖੇਤਰਾਂ 'ਚ ਕਿਰਾਇਆ 2.50 ਰੁਪਏ ਪ੍ਰਤੀ ਕਿਲੋਮੀਟਰ ਹੋਵੇਗਾ।