ਨਵੀਂ ਦਿੱਲੀ - ਜੋਤਿਸ਼ ਸ਼ਾਸਤਰ 'ਚ ਸੂਰਜ ਨੂੰ ਗ੍ਰਹਿਆਂ ਦਾ ਰਾਜਾ ਮੰਨਿਆ ਜਾਂਦਾ ਹੈ, ਜੋ ਕਿ ਆਤਮ-ਵਿਸ਼ਵਾਸ, ਅਗਵਾਈ ਅਤੇ ਊਰਜਾ ਦਾ ਪ੍ਰਤੀਕ ਹੈ। 25 ਮਈ, 2026 ਤੋਂ ਸੂਰਜ ਦੇਵਤਾ ਰੋਹਿਣੀ ਨਕਸ਼ੱਤਰ 'ਚ ਪ੍ਰਵੇਸ਼ ਕਰਨ ਜਾ ਰਹੇ ਹਨ। ਸੂਰਜ ਦੇ ਇਸ ਗੋਚਰ ਦੇ ਨਾਲ ਹੀ ਜੇਠ ਦੇ ਮਹੀਨੇ 'ਚ 'ਨੌਤਪਾ' ਦੀ ਸ਼ੁਰੂਆਤ ਹੋਵੇਗੀ, ਜਿਸ ਦੌਰਾਨ ਅਗਲੇ 9 ਦਿਨਾਂ ਤੱਕ ਸੂਰਜ ਆਪਣੀ ਚਰਮ ਸੀਮਾ 'ਤੇ ਹੋਵੇਗਾ ਅਤੇ ਭਿਆਨਕ ਗਰਮੀ ਪਵੇਗੀ। ਸੂਰਜ ਦੇ ਇਸ ਨਕਸ਼ੱਤਰ ਪਰਿਵਰਤਨ ਦਾ ਅਸਰ ਸਾਰੀਆਂ ਰਾਸ਼ੀਆਂ 'ਤੇ ਦੇਖਣ ਨੂੰ ਮਿਲੇਗਾ।

ਆਓ ਜਾਣਦੇ ਹਾਂ ਕਿ ਸੂਰਜ ਦਾ ਇਹ ਬਦਲਾਅ ਕਿਹੜੀਆਂ ਰਾਸ਼ੀਆਂ ਲਈ ਖੁਸ਼ੀਆਂ ਲੈ ਕੇ ਆਵੇਗਾ ਅਤੇ ਕਿਨ੍ਹਾਂ ਨੂੰ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ:

ਇਨ੍ਹਾਂ ਰਾਸ਼ੀਆਂ ਲਈ ਰਹੇਗਾ ਸ਼ੁਭ ਸਮਾਂ :-

ਮੇਖ ਰਾਸ਼ੀ
- ਮੇਖ ਰਾਸ਼ੀ ਦੇ ਜਾਤਕਾਂ ਲਈ ਇਹ ਸਮਾਂ ਬਹੁਤ ਖਾਸ ਰਹੇਗਾ। ਵਪਾਰ ਅਤੇ ਨੌਕਰੀ ਪੇਸ਼ਾ ਲੋਕਾਂ ਨੂੰ ਧਨ ਲਾਭ ਹੋਣ ਦੀ ਪ੍ਰਬਲ ਸੰਭਾਵਨਾ ਹੈ। ਜੇਕਰ ਤੁਸੀਂ ਲੰਬੇ ਸਮੇਂ ਤੋਂ ਵਾਹਨ ਜਾਂ ਜਾਇਦਾਦ ਖਰੀਦਣ ਬਾਰੇ ਸੋਚ ਰਹੇ ਸੀ, ਤਾਂ ਤੁਹਾਡਾ ਇਹ ਸੁਪਨਾ ਪੂਰਾ ਹੋ ਸਕਦਾ ਹੈ। ਪਰਿਵਾਰ ਦੇ ਨਾਲ ਕਿਸੇ ਧਾਰਮਿਕ ਯਾਤਰਾ ਦਾ ਪ੍ਰੋਗਰਾਮ ਵੀ ਬਣ ਸਕਦਾ ਹੈ।

ਕਰਕ ਰਾਸ਼ੀ
- ਕਰਕ ਰਾਸ਼ੀ ਵਾਲਿਆਂ ਲਈ ਇਹ ਗੋਚਰ ਬੇਹੱਦ ਸ਼ੁਭ ਸਾਬਤ ਹੋਵੇਗਾ। ਤੁਹਾਡੇ ਰੁਕੇ ਹੋਏ ਕੰਮ ਪੂਰੇ ਹੋਣਗੇ ਅਤੇ ਉਧਾਰ ਦਿੱਤਾ ਹੋਇਆ ਪੈਸਾ ਵਾਪਸ ਮਿਲ ਸਕਦਾ ਹੈ। ਕਾਨੂੰਨੀ ਮਾਮਲਿਆਂ 'ਚ ਫੈਸਲਾ ਤੁਹਾਡੇ ਪੱਖ 'ਚ ਆਉਣ ਦੀ ਉਮੀਦ ਹੈ ਅਤੇ ਵਿਦਿਆਰਥੀਆਂ ਲਈ ਉੱਚ ਸਿੱਖਿਆ ਵਾਸਤੇ ਵਿਦੇਸ਼ ਜਾਣ ਦੇ ਰਾਹ ਖੁੱਲ੍ਹ ਸਕਦੇ ਹਨ।

ਇਨ੍ਹਾਂ ਰਾਸ਼ੀਆਂ ਨੂੰ ਰਹਿਣਾ ਪਵੇਗਾ ਸਾਵਧਾਨ :-

ਤੁਲਾ ਰਾਸ਼ੀ
- ਤੁਲਾ ਰਾਸ਼ੀ ਦੇ ਜਾਤਕਾਂ ਲਈ ਇਹ ਸਮਾਂ ਮਿਲਿਆ-ਜੁਲਿਆ ਰਹੇਗਾ। ਦਫ਼ਤਰ 'ਚ ਬੌਸ ਨਾਲ ਕਿਸੇ ਗੱਲ ਨੂੰ ਲੈ ਕੇ ਬਹਿਸ ਹੋ ਸਕਦੀ ਹੈ, ਇਸ ਲਈ ਸੰਜਮ ਤੋਂ ਕੰਮ ਲਓ। ਸਿਹਤ ਨੂੰ ਲੈ ਕੇ ਮਨ ਪਰੇਸ਼ਾਨ ਰਹਿ ਸਕਦਾ ਹੈ ਅਤੇ ਅਦਾਲਤੀ ਮਾਮਲਿਆਂ 'ਚ ਰਾਹਤ ਲਈ ਅਜੇ ਹੋਰ ਉਡੀਕ ਕਰਨੀ ਪਵੇਗੀ।

ਮਕਰ ਰਾਸ਼ੀ
- ਸੂਰਜ ਦਾ ਇਹ ਪਰਿਵਰਤਨ ਮਕਰ ਰਾਸ਼ੀ ਵਾਲਿਆਂ ਲਈ ਜ਼ਿਆਦਾ ਅਨੁਕੂਲ ਨਹੀਂ ਹੈ। ਵਪਾਰ 'ਚ ਕਿਸੇ 'ਤੇ ਅੱਖਾਂ ਬੰਦ ਕਰਕੇ ਭਰੋਸਾ ਨਾ ਕਰੋ, ਨਹੀਂ ਤਾਂ ਨੁਕਸਾਨ ਹੋ ਸਕਦਾ ਹੈ। ਸਰਕਾਰੀ ਨੌਕਰੀ ਦੀ ਤਿਆਰੀ ਕਰ ਰਹੇ ਨੌਜਵਾਨਾਂ ਨੂੰ ਹੋਰ ਮਿਹਨਤ ਦੀ ਲੋੜ ਹੈ। ਆਪਣੀ ਸਿਹਤ ਪ੍ਰਤੀ ਲਾਪਰਵਾਹੀ ਨਾ ਵਰਤੋ।

ਸੂਰਜ ਦੇ ਇਸ ਬਦਲਾਅ ਨਾਲ ਜਿੱਥੇ ਕੁਦਰਤ ਵਿੱਚ ਗਰਮੀ ਦਾ ਪ੍ਰਕੋਪ ਵਧੇਗਾ, ਉੱਥੇ ਹੀ ਮਨੁੱਖੀ ਜੀਵਨ ਅਤੇ ਰਾਸ਼ੀਆਂ 'ਤੇ ਇਸ ਦੇ ਦੂਰਗਾਮੀ ਪ੍ਰਭਾਵ ਦੇਖਣ ਨੂੰ ਮਿਲਣਗੇ।

ਨੋਟ - ਇਹ ਜਾਣਕਾਰੀ ਧਾਰਮਿਕ ਮਾਨਤਾਵਾਂ ਅਤੇ ਲੋਕ ਵਿਸ਼ਵਾਸਾਂ 'ਤੇ ਅਧਾਰਤ ਹੈ। ਜਗਬਾਣੀ ਇਸ ਦੀ ਕੋਈ ਪੁਸ਼ਟੀ ਨਹੀਂ ਕਰਦਾ।