ਕਿੱਥੇ ਹਨ 12,000 ਵਿਸ਼ੇਸ਼ ਰੇਲ ਗੱਡੀਆਂ? "ਫੇਲ ਡਬਲ-ਇੰਜਣ ਸਰਕਾਰ" ਦੇ ਦਾਅਵੇ ਖੋਖਲੇ : ਰਾਹੁਲ ਗਾਂਧੀ

ਨਵੀਂ ਦਿੱਲੀ : ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਰਾਹੁਲ ਗਾਂਧੀ ਨੇ ਸ਼ਨੀਵਾਰ ਨੂੰ ਤਿਉਹਾਰਾਂ ਦੇ ਸੀਜ਼ਨ ਦੌਰਾਨ ਕਈ ਰੇਲਗੱਡੀਆਂ 'ਤੇ ਯਾਤਰੀਆਂ ਦੀ ਭਾੜ ਨੂੰ ਲੈ ਕੇ ਕੇਂਦਰ ਅਤੇ ਬਿਹਾਰ ਦੀਆਂ ਰਾਸ਼ਟਰੀ ਲੋਕਤੰਤਰੀ ਗਠਜੋੜ (ਐੱਨਡੀਏ) ਸਰਕਾਰਾਂ 'ਤੇ ਨਿਸ਼ਾਨਾ ਕੱਸਿਆ। ਉਹਨਾਂ ਦੋਸ਼ ਲਾਇਆ ਕਿ ਫੇਲ ਡਬਲ ਇੰਜਣ ਸਰਕਾਰ ਦੇ ਦਾਅਵੇ ਖੋਖਲੇ ਸਾਬਿਤ ਹੋਏ ਹਨ। ਰਾਹੁਲ ਗਾਧੀ ਨੇ ਇਹ ਵੀ ਸਵਾਲ ਕੀਤਾ ਹੈ ਕਿ 12000 ਸਪੈਸ਼ਲ ਰੇਲਗੱਡੀਆਂ ਕਿਥੇ ਹਨ?

ਪੜ੍ਹੋ ਇਹ ਵੀ : ਚੋਣਾਂ ਤੋਂ ਪਹਿਲਾਂ ਵੱਡੀ ਵਾਰਦਾਤ: ਘਰ ਦੇ ਬਾਹਰ ਭਾਜਪਾ ਆਗੂ ਨੂੰ ਮਾਰੀਆਂ ਠਾਹ-ਠਾਹ ਗੋਲੀਆਂ

ਰੇਲਵੇ ਮੰਤਰਾਲੇ ਨੇ ਹਾਲ ਹੀ ਵਿੱਚ 1 ਅਕਤੂਬਰ ਤੋਂ 30 ਨਵੰਬਰ, 2025 ਤੱਕ ਨਿਰਧਾਰਤ 12,011 ਰੇਲ ਯਾਤਰਾਵਾਂ ਦੀ ਸੂਚੀ ਜਾਰੀ ਕੀਤੀ ਸੀ। ਇਸ ਵਿੱਚ ਕਿਹਾ ਗਿਆ ਹੈ ਕਿ ਤਿਉਹਾਰਾਂ ਦੌਰਾਨ ਭਾਰੀ ਭੀੜ ਨੂੰ ਦੇਖਦੇ ਹੋਏ ਦੇਸ਼ ਭਰ ਦੇ ਵੱਖ-ਵੱਖ ਸਥਾਨਾਂ ਤੋਂ ਰੋਜ਼ਾਨਾ ਔਸਤਨ 196 ਵਿਸ਼ੇਸ਼ ਰੇਲਗੱਡੀਆਂ ਚਲਾਈਆਂ ਜਾ ਰਹੀਆਂ ਹਨ। ਹੁਣ ਤੱਕ ਇੱਕ ਦਿਨ ਵਿੱਚ ਚਲਾਈਆਂ ਗਈਆਂ ਸਭ ਤੋਂ ਵੱਧ ਵਿਸ਼ੇਸ਼ ਰੇਲਗੱਡੀਆਂ 18 ਅਕਤੂਬਰ ਨੂੰ ਲਗਭਗ 280 ਸਨ, ਜਦੋਂ ਕਿ ਸਭ ਤੋਂ ਘੱਟ 8 ਅਕਤੂਬਰ ਨੂੰ ਲਗਭਗ 166 ਸਨ। ਉਨ੍ਹਾਂ ਦੋਸ਼ ਲਾਇਆ ਕਿ "ਅਸਫਲ ਡਬਲ ਇੰਜਣ ਸਰਕਾਰ" ਦੇ ਦਾਅਵੇ ਖੋਖਲੇ ਹਨ।

ਪੜ੍ਹੋ ਇਹ ਵੀ : ਓ ਤੇਰੀ! ਔਰਤ ਨੇ ਅੰਡਰਗਾਰਮੈਂਟਸ 'ਚ ਲੁਕਾ ਕੇ ਲਿਆਂਦਾ 1 ਕਰੋੜ ਦਾ ਸੋਨਾ, ਏਅਰਪੋਰਟ 'ਤੇ ਇੰਝ ਹੋਈ ਗ੍ਰਿਫ਼ਤਾਰ

ਕੁਝ ਰੇਲਗੱਡੀਆਂ ਵਿੱਚ ਭੀੜ-ਭੜੱਕੇ ਵਾਲੇ ਯਾਤਰੀਆਂ ਦੇ ਵੀਡੀਓ ਸਾਂਝੇ ਕਰਦੇ ਹੋਏ ਰਾਹੁਲ ਗਾਂਧੀ ਨੇ "X" 'ਤੇ ਪੋਸਟ ਕੀਤਾ, "ਤਿਉਹਾਰਾਂ ਦਾ ਮਹੀਨਾ ਹੈ - ਦੀਵਾਲੀ, ਭਾਈ ਦੂਜ, ਛੱਠ। ਬਿਹਾਰ ਵਿੱਚ ਇਨ੍ਹਾਂ ਤਿਉਹਾਰਾਂ ਦਾ ਮਤਲਬ ਸਿਰਫ਼ ਵਿਸ਼ਵਾਸ ਨਹੀਂ, ਸਗੋਂ ਘਰ ਵਾਪਸ ਜਾਣ ਦੀ ਤਾਂਘ ਹੈ - ਮਿੱਟੀ ਦੀ ਖੁਸ਼ਬੂ, ਪਰਿਵਾਰ ਦਾ ਪਿਆਰ, ਪਿੰਡ ਦਾ ਨਿੱਘ। ਪਰ ਇਹ ਤਾਂਘ ਹੁਣ ਇੱਕ ਸੰਘਰਸ਼ ਬਣ ਗਈ ਹੈ।" ਰਾਹੁਲ ਗਾਂਧੀ ਨੇ ਕਿਹਾ, "ਬਿਹਾਰ ਜਾਣ ਵਾਲੀਆਂ ਰੇਲਗੱਡੀਆਂ ਭਰੀਆਂ ਹੋਈਆਂ ਹਨ, ਟਿਕਟਾਂ ਮਿਲਣੀਆਂ ਅਸੰਭਵ ਹਨ ਅਤੇ ਯਾਤਰਾ ਅਣਮਨੁੱਖੀ ਹੋ ਗਈ ਹੈ। ਬਹੁਤ ਸਾਰੀਆਂ ਰੇਲਗੱਡੀਆਂ 200 ਪ੍ਰਤੀਸ਼ਤ ਓਵਰਲੋਡ ਹਨ - ਲੋਕ ਦਰਵਾਜ਼ਿਆਂ ਅਤੇ ਛੱਤਾਂ 'ਤੇ ਲਟਕ ਰਹੇ ਹਨ।" 

ਪੜ੍ਹੋ ਇਹ ਵੀ : ਵੱਡੀ ਵਾਰਦਾਤ: ਅਣਪਛਾਤੇ ਹਮਲਾਵਰਾਂ ਨੇ ਤੇਜ਼ਧਾਰ ਹਥਿਆਰ ਨਾਲ ਵੱਢ 'ਤਾ ਪੱਤਰਕਾਰ, ਫੈਲੀ ਸਨਸਨੀ

ਕਾਂਗਰਸ ਨੇਤਾ ਗਾਂਧੀ ਨੇ ਪੁੱਛਿਆ, "12,000 ਵਿਸ਼ੇਸ਼ ਰੇਲਗੱਡੀਆਂ ਕਿੱਥੇ ਹਨ? ਹਰ ਸਾਲ ਹਾਲਾਤ ਕਿਉਂ ਵਿਗੜਦੇ ਹਨ? ਬਿਹਾਰ ਦੇ ਲੋਕਾਂ ਨੂੰ ਹਰ ਸਾਲ ਇੰਨੀਆਂ ਅਪਮਾਨਜਨਕ ਹਾਲਤਾਂ ਵਿੱਚ ਘਰ ਵਾਪਸ ਜਾਣ ਲਈ ਮਜਬੂਰ ਕਿਉਂ ਕੀਤਾ ਜਾਂਦਾ ਹੈ?" ਰਾਹੁਲ ਗਾਂਧੀ ਨੇ ਕਿਹਾ ਕਿ ਜੇਕਰ ਉਨ੍ਹਾਂ ਕੋਲ ਸੂਬੇ ਵਿੱਚ ਰੁਜ਼ਗਾਰ ਅਤੇ ਸਨਮਾਨਜਨਕ ਜੀਵਨ ਹੁੰਦਾ, ਤਾਂ ਉਨ੍ਹਾਂ ਨੂੰ ਹਜ਼ਾਰਾਂ ਕਿਲੋਮੀਟਰ ਦੂਰ ਭਟਕਣਾ ਨਾ ਪੈਂਦਾ। ਉਨ੍ਹਾਂ ਦਾਅਵਾ ਕੀਤਾ, "ਇਹ ਸਿਰਫ਼ ਬੇਸਹਾਰਾ ਯਾਤਰੀ ਨਹੀਂ ਹਨ, ਸਗੋਂ ਐਨਡੀਏ ਦੀਆਂ ਧੋਖੇਬਾਜ਼ ਨੀਤੀਆਂ ਅਤੇ ਇਰਾਦਿਆਂ ਦਾ ਜਿਉਂਦਾ ਜਾਗਦਾ ਸਬੂਤ ਹਨ।" ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਰਾਹੁਲ ਗਾਂਧੀ ਨੇ ਕਿਹਾ ਕਿ ਸੁਰੱਖਿਅਤ ਅਤੇ ਸਨਮਾਨਜਨਕ ਯਾਤਰਾ ਇੱਕ ਅਧਿਕਾਰ ਹੈ, ਕੋਈ ਅਹਿਸਾਨ ਨਹੀਂ। 

ਪੜ੍ਹੋ ਇਹ ਵੀ : ਵੱਡੀ ਕਾਰਵਾਈ: ਦਵਾਈਆਂ ਦੀ Online ਵਿਕਰੀ 'ਤੇ ਪਾਬੰਦੀ! ਕਰੋੜਾਂ ਰੁਪਏ ਦੇ ਕਾਰੋਬਾਰ ਨੂੰ ਵੱਡਾ ਝਟਕਾ