EPFO ਖਾਤੇ 'ਚੋਂ ਕਢਵਾਉਣ ਜਾ ਰਹੇ ਹੋ ਪੈਸੇ, ਤਾਂ ਜਾਣ ਲਓ ਇਨ੍ਹਾਂ ਨਵੇਂ ਨਿਯਮਾਂ ਬਾਰੇ
Sunday, Oct 20, 2024 - 01:34 PM (IST)
ਨਵੀਂ ਦਿੱਲੀ - ਨੌਕਰੀ ਕਰਨ ਵਾਲੇ ਮੁਲਾਜ਼ਮਾਂ ਦੀ EPFO ਖ਼ਾਤੇ ਵਿੱਚ ਹਰ ਮਹੀਨੇ ਤਨਖਾਹ ਦੀ ਇੱਕ ਨਿਸ਼ਚਿਤ ਰਕਮ ਜਮ੍ਹਾਂ ਹੁੰਦੀ ਹੈ। ਮੂਲ ਤਨਖਾਹ ਦਾ 12 ਪ੍ਰਤੀਸ਼ਤ ਹਰ ਮਹੀਨੇ EPF ਖਾਤੇ ਵਿੱਚ ਜਮ੍ਹਾ ਹੁੰਦਾ ਹੈ। ਪੀਐਫ ਫੰਡ ਵਿੱਚ ਜਮ੍ਹਾਂ ਕੀਤੀ ਗਈ ਰਕਮ 'ਤੇ ਵਿਆਜ ਮਿਲਦਾ ਹੈ ਅਤੇ ਜਮ੍ਹਾ ਕੀਤੀ ਗਈ ਰਕਮ ਰਿਟਾਇਰਮੈਂਟ ਤੋਂ ਬਾਅਦ ਕਢਵਾਈ ਜਾ ਸਕਦੀ ਹੈ। ਹਾਲਾਂਕਿ ਕਿਸੇ ਵੀ ਵਿੱਤੀ ਸੰਕਟ ਦੀ ਸਥਿਤੀ ਵਿੱਚ ਕਰਮਚਾਰੀਆਂ ਨੂੰ ਆਪਣੇ ਜਮ੍ਹਾ ਪੈਸੇ ਲਈ ਆਸਾਨ ਪਹੁੰਚ ਪ੍ਰਦਾਨ ਕਰਨ ਲਈ, EPFO ਨੇ PF ਨਿਕਾਸੀ ਨਿਯਮਾਂ ਵਿੱਚ ਸੋਧ ਕੀਤੀ ਹੈ।
EPFO ਆਪਣੇ ਮੈਂਬਰਾਂ ਨੂੰ ਸਹੂਲਤ ਦਿੰਦਾ ਹੈ ਕਿ ਉਹ ਜ਼ਰੂਰਤ ਦੇ ਸਮੇਂ EPF ਫੰਡ ਵਿੱਚੋਂ ਪੈਸੇ ਕਢਵਾਉਣ। ਜੇਕਰ ਤੁਸੀਂ ਆਪਣੇ EPF ਖਾਤੇ ਤੋਂ ਪੈਸੇ ਕਢਵਾਉਣ ਬਾਰੇ ਸੋਚ ਰਹੇ ਹੋ, ਤਾਂ EPFO ਦੇ ਨਿਕਾਸੀ ਨਿਯਮਾਂ ਵਿੱਚ ਸੋਧਾਂ ਕੀਤੀਆਂ ਹਨ। ਆਓ ਜਾਣਦੇ ਹਾਂ ਇਨ੍ਹਾਂ ਨਵੀਂਆਂ ਸੋਧਾਂ ਬਾਰੇ
ਜਾਣੋ EPF ਕਢਵਾਉਣ ਦੇ ਨਵੇਂ ਨਿਯਮਾਂ ਬਾਰੇ
EPF ਤੋਂ ਅੰਸ਼ਕ ਨਿਕਾਸੀ ਲਈ EPF ਮੈਂਬਰ ਨੂੰ ਆਨਲਾਈਨ ਅਰਜ਼ੀ ਦੇਣੀ ਪਵੇਗੀ। ਇਹ ਰਕਮ ਸਿਰਫ਼ ਪੜ੍ਹਾਈ, ਘਰ ਖਰੀਦਣ ਜਾਂ ਬਣਾਉਣ, ਵਿਆਹ ਅਤੇ ਇਲਾਜ ਲਈ ਹੀ ਕਢਵਾਈ ਜਾ ਸਕਦੀ ਹੈ।
EPFO ਦੇ ਨਿਕਾਸੀ ਨਿਯਮਾਂ ਅਨੁਸਾਰ ਇੱਕ EPF ਧਾਰਕ ਰਿਟਾਇਰਮੈਂਟ ਤੋਂ ਇੱਕ ਸਾਲ ਪਹਿਲਾਂ 90 ਪ੍ਰਤੀਸ਼ਤ ਤੱਕ ਕਢਵਾ ਸਕਦਾ ਹੈ। 90 ਫੀਸਦੀ ਕਢਵਾਉਣ ਲਈ ਮੈਂਬਰ ਦੀ ਉਮਰ 54 ਸਾਲ ਤੋਂ ਵੱਧ ਹੋਣੀ ਚਾਹੀਦੀ ਹੈ।
ਬਹੁਤ ਸਾਰੀਆਂ ਕੰਪਨੀਆਂ ਅੱਜਕੱਲ੍ਹ ਛਾਂਟੀ ਕਰਦੀਆਂ ਹਨ। ਪਰ EPFO ਨਿਯਮਾਂ ਦੇ ਅਨੁਸਾਰ, ਜੇਕਰ ਛਾਂਟੀ ਹੁੰਦੀ ਹੈ ਅਤੇ ਕਰਮਚਾਰੀ ਸੇਵਾਮੁਕਤੀ ਤੋਂ ਪਹਿਲਾਂ ਬੇਰੋਜ਼ਗਾਰ ਹੋ ਜਾਂਦਾ ਹੈ, ਤਾਂ ਉਹ EPF ਫੰਡ ਵਿੱਚੋਂ ਪੈਸੇ ਕਢਵਾ ਸਕਦਾ ਹੈ।
ਇਸ ਤੋਂ ਇਲਾਵਾ ਕਰਮਚਾਰੀ 75 ਪ੍ਰਤੀਸ਼ਤ ਰਕਮ ਬੇਰੁਜ਼ਗਾਰੀ ਦੇ ਇੱਕ ਮਹੀਨੇ ਬਾਅਦ ਕਢਵਾ ਸਕਦਾ ਹੈ ਅਤੇ ਲਗਾਤਾਰ ਦੋ ਮਹੀਨੇ ਬੇਰੁਜ਼ਗਾਰ ਰਹਿਣ ਤੋਂ ਬਾਅਦ ਕਰਮਚਾਰੀ ਬਾਕੀ ਬਚੀ 25 ਪ੍ਰਤੀਸ਼ਤ ਫੰਡ ਦੀ ਰਕਮ ਦਾ ਨਵੇਂ EPF ਖਾਤੇ ਵਿੱਚ ਤਬਾਦਲਾ ਕਰ ਸਕਦਾ ਹੈ ।
ਇੰਨਾ ਹੀ ਨਹੀਂ ਜੇਕਰ ਕੋਈ ਕਰਮਚਾਰੀ ਲਗਾਤਾਰ 5 ਸਾਲਾਂ ਤੱਕ EPF ਵਿੱਚ ਯੋਗਦਾਨ ਪਾਉਂਦਾ ਹੈ, ਤਾਂ ਉਸ ਨੂੰ ਪੈਸੇ ਕਢਵਾਉਣ ਦੇ ਸਮੇਂ ਟੈਕਸ ਲਾਭ ਦਾ ਲਾਭ ਵੀ ਮਿਲਦਾ ਹੈ। ਭਾਵ ਜੇਕਰ ਕਰਮਚਾਰੀ ਲਗਾਤਾਰ ਪੰਜ ਸਾਲਾਂ ਤੱਕ EPF ਖਾਤੇ ਵਿੱਚ ਯੋਗਦਾਨ ਪਾਉਂਦਾ ਹੈ, ਤਾਂ EPF ਫੰਡ ਕਢਵਾਉਣ ‘ਤੇ ਟੈਕਸ ਛੋਟ ਦਿੱਤੀ ਜਾਂਦੀ ਹੈ। ਇਸ ਦੇ ਨਾਲ ਹੀ, ਮਿਆਦ ਪੂਰੀ ਹੋਣ ਤੋਂ ਪਹਿਲਾਂ ਕਢਵਾਉਣ 'ਤੇ ਟੀਡੀਐਸ ਕੱਟਿਆ ਜਾਵੇਗਾ। ਹਾਲਾਂਕਿ, 50,000 ਰੁਪਏ ਤੋਂ ਘੱਟ ਦੀ ਨਿਕਾਸੀ 'ਤੇ ਟੀਡੀਐਸ ਨਹੀਂ ਕੱਟਿਆ ਜਾਂਦਾ ਹੈ।
ਜੇਕਰ EPF ਮੈਂਬਰ ਨੇ ਪੈਸੇ ਕਢਵਾਉਣ ਲਈ ਪੈਨ ਕਾਰਡ ਜਮ੍ਹਾ ਕਰਵਾਇਆ ਹੈ, ਤਾਂ 10 ਫੀਸਦੀ TDS ਕੱਟਿਆ ਜਾਂਦਾ ਹੈ। ਇਸ ਦੇ ਨਾਲ ਹੀ ਪੈਨ ਕਾਰਡ ਜਮ੍ਹਾ ਨਾ ਕਰਵਾਉਣ 'ਤੇ 30 ਫੀਸਦੀ ਦੀ ਕਟੌਤੀ ਹੁੰਦੀ ਹੈ।
ਪੈਸੇ ਕਢਵਾਉਣ ਲਈ ਇੰਝ ਕਰੋ ਅਪਲਾਈ
EPF ਮੈਂਬਰ ਨੂੰ EPF ਪੋਰਟਲ ਅਤੇ ਉਮੰਗ ਐਪ 'ਤੇ ਅੰਸ਼ਕ ਨਿਕਾਸੀ ਲਈ ਅਰਜ਼ੀ ਦੇ ਸਕਦੇ ਹੋ। ਆਪਣੇ ਰੁਜ਼ਗਾਰਦਾਤਾ ਤੋਂ ਮਨਜ਼ੂਰੀ ਲੈਣ ਤੋਂ ਬਾਅਦ, ਪੈਸੇ ਮੈਂਬਰ ਦੇ ਬੈਂਕ ਖਾਤੇ ਵਿੱਚ ਟਰਾਂਸਫਰ ਕਰ ਦਿੱਤੇ ਜਾਂਦੇ ਹਨ। ਅੰਸ਼ਕ ਨਿਕਾਸੀ ਲਈ ਅਰਜ਼ੀ ਦੇਣ ਤੋਂ ਬਾਅਦ, ਮੈਂਬਰ ਸਥਿਤੀ ਦੀ ਵੀ ਜਾਂਚ ਕਰ ਸਕਦਾ ਹੈ।
