ਘਰੋਂ ਲੜ ਕੇ ਗਈ ਔਰਤ ਨਾਲ ਵਾਪਰੀ ਸ਼ਰਮਨਾਕ ਘਟਨਾ

ਪਾਨੀਪਤ- ਹਰਿਆਣਾ ਵਿਚ ਇਕ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ ਇਕ ਔਰਤ ਨਾਲ ਖਾਲੀ ਰੇਲ ਗੱਡੀ ਦੇ ਕੋਚ ਵਿਚ ਸਮੂਹਿਕ ਜਬਰ-ਜ਼ਿਨਾਹ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ। ਪੁਲਸ ਨੇ ਸੋਮਵਾਰ ਨੂੰ ਦੱਸਿਆ ਕਿ ਰੇਲ ਗੱਡੀ ਦੇ ਖਾਲੀ ਡੱਬੇ ਵਿਚ ਇਕ 35 ਸਾਲਾ ਔਰਤ ਨਾਲ ਸਮੂਹਿਕ ਜਬਰ-ਜ਼ਿਨਾਹ ਕੀਤਾ ਗਿਆ। ਪੁਲਸ ਮੁਤਾਬਕ ਉਨ੍ਹਾਂ ਨੂੰ 26 ਜੂਨ ਨੂੰ ਔਰਤ ਦੇ ਲਾਪਤਾ ਰਿਪੋਰਟ ਮਿਲੀ। ਔਰਤ ਦੇ ਪਤੀ ਨੇ ਉਨ੍ਹਾਂ ਨੂੰ ਦੱਸਿਆ ਕਿ ਉਹ 24 ਜੂਨ ਤੋਂ ਝਗੜੇ ਤੋਂ ਬਾਅਦ ਲਾਪਤਾ ਹੈ। ਉਸ ਨੇ ਕਿਹਾ ਕਿ ਇਹ ਪਹਿਲਾਂ ਵੀ ਹੋਇਆ ਸੀ ਪਰ ਉਹ ਆਪਣੇ ਆਪ ਵਾਪਸ ਆ ਜਾਵੇਗੀ।

ਇਸ ਦੌਰਾਨ ਔਰਤ ਨੇ ਪੁਲਸ ਨੂੰ ਦੱਸਿਆ ਕਿ ਉਹ ਨੇੜਲੇ ਰੇਲਵੇ ਸਟੇਸ਼ਨ 'ਤੇ ਬੈਠੀ ਸੀ, ਜਦੋਂ ਇਕ ਵਿਅਕਤੀ ਜੋ ਆਪਣੇ ਪਤੀ ਵਲੋਂ ਭੇਜਿਆ ਗਿਆ ਹੋਣ ਦਾ ਦਾਅਵਾ ਕਰਦਾ ਸੀ, ਉਸ ਕੋਲ ਆਇਆ। ਔਰਤ ਨੇ ਦੱਸਿਆ ਕਿ ਉਕਤ ਵਿਅਕਤੀ ਉਸ ਨੂੰ ਆਪਣੇ ਨਾਲ ਲੈ ਗਿਆ ਅਤੇ ਇਕ ਰੇਲ ਗੱਡੀ ਦੇ ਇਕ ਖਾਲੀ ਡੱਬੇ 'ਚ ਚੜ੍ਹ ਗਿਆ, ਜਿੱਥੇ ਉਸਨੇ ਉਸ ਨਾਲ ਜਬਰ-ਜ਼ਿਨਾਹ ਕੀਤਾ। ਬਾਅਦ ਵਿਚ ਦੋ ਹੋਰ ਆਦਮੀ ਉਸ ਦੇ ਨਾਲ ਸ਼ਾਮਲ ਹੋ ਗਏ ਅਤੇ ਉਸ ਨਾਲ ਸਮੂਹਿਕ ਜਬਰ-ਜ਼ਿਨਾਹ ਕੀਤਾ।  

ਕਿਲਾ ਪੁਲਸ ਸਟੇਸ਼ਨ SHO ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਔਰਤ ਨੂੰ ਸੋਨੀਪਤ ਲਿਜਾਇਆ ਗਿਆ,  ਜਿੱਥੇ ਦੋਸ਼ੀ ਨੇ ਉਸ ਨੂੰ ਪਟੜੀਆਂ 'ਤੇ ਸੁੱਟ ਦਿੱਤਾ ਅਤੇ ਜਦੋਂ ਇੱਕ ਰੇਲਗੱਡੀ ਉਸਦੇ ਉੱਪਰੋਂ ਲੰਘ ਗਈ ਤਾਂ ਉਸਨੇ ਆਪਣਾ ਪੈਰ ਗੁਆ ਦਿੱਤਾ। SHO ਨੇ ਕਿਹਾ ਕਿ ਬਾਅਦ ਵਿਚ ਉਸ ਨੂੰ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ, ਜਿੱਥੇ ਉਸਦਾ ਇਲਾਜ ਚੱਲ ਰਿਹਾ ਹੈ। ਅਸੀਂ ਸਮੂਹਿਕ ਜਬਰ-ਜ਼ਿਨਾਹ ਲਈ ਜ਼ੀਰੋ FIR ਦਰਜ ਕੀਤੀ ਹੈ ਅਤੇ ਇਸ ਨੂੰ ਅਗਲੀ ਕਾਰਵਾਈ ਲਈ ਪਾਨੀਪਤ ਸਰਕਾਰੀ ਰੇਲਵੇ ਪੁਲਸ ਨੂੰ ਭੇਜ ਦਿੱਤਾ ਹੈ।