ਦਿਵਾਲੀ ਤੋਂ ਪਹਿਲਾਂ ਮਹਿੰਗਾਈ ਦਾ ਇੱਕ ਹੋਰ ਝਟਕਾ, CNG ਦੀਆਂ ਕੀਮਤਾਂ ''ਚ ਹੋਇਆ ਵਾਧਾ

ਲਖਨਊ : ਦਿਵਾਲੀ ਤੋਂ ਪਹਿਲਾਂ ਆਮ ਜਨਤਾ ਨੂੰ ਮਹਿੰਗਾਈ ਦਾ ਇੱਕ ਹੋਰ ਝਟਕਾ ਲੱਗਾ ਹੈ। ਉੱਤਰ ਪ੍ਰਦੇਸ਼ ਵਿੱਚ 1 ਨਵੰਬਰ ਤੋਂ ਸੀ.ਐੱਨ.ਜੀ. (CNG) ਦੀਆਂ ਕੀਮਤਾਂ ਵਿੱਚ ਵਾਧਾ ਕਰ ਦਿੱਤਾ ਗਿਆ ਹੈ। ਗ੍ਰੀਨ ਗੈਸ ਲਿਮਟਿਡ (GGL) ਨੇ ਗਲੋਬਲ ਸਪਲਾਈ ਦੇ ਸੰਕਟ ਅਤੇ ਵਧਦੀ ਲਾਗਤ ਕਾਰਨ ਸੀ.ਐੱਨ.ਜੀ. ਦੇ ਦਾਮ 2.25 ਰੁਪਏ ਪ੍ਰਤੀ ਕਿਲੋ ਤੱਕ ਵਧਾਉਣ ਦਾ ਫੈਸਲਾ ਕੀਤਾ ਹੈ। 

ਵੱਖ-ਵੱਖ ਸ਼ਹਿਰਾਂ ਵਿੱਚ ਜਾਣੋ ਨਵੀਂਆਂ ਕੀਮਤਾਂ:
 ਲਖਨਊ ਅਤੇ ਆਗਰਾ: ਰਾਜਧਾਨੀ ਲਖਨਊ ਵਿੱਚ ਸੀ.ਐੱਨ.ਜੀ. ਦੀ ਕੀਮਤ ਵਿੱਚ 1 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ। ਹੁਣ ਇੱਥੇ ਇੱਕ ਕਿਲੋ ਸੀ.ਐੱਨ.ਜੀ. 107 ਰੁਪਏ ਦੀ ਬਜਾਏ 108 ਰੁਪਏ ਵਿੱਚ ਮਿਲੇਗੀ। ਇਸੇ ਤਰ੍ਹਾਂ ਤਾਜ ਨਗਰੀ ਆਗਰਾ ਵਿੱਚ ਵੀ ਕੀਮਤ 1 ਰੁਪਏ ਪ੍ਰਤੀ ਕਿਲੋ ਵਧਾਈ ਗਈ ਹੈ।
 ਅਯੁੱਧਿਆ ਅਤੇ ਸੁਲਤਾਨਪੁਰ: ਰਾਮ ਨਗਰੀ ਅਯੁੱਧਿਆ ਅਤੇ ਸੁਲਤਾਨਪੁਰ ਵਿੱਚ ਵੀ ਸੀ.ਐੱਨ.ਜੀ. ਦੀ ਕੀਮਤ 1 ਰੁਪਏ ਪ੍ਰਤੀ ਕਿਲੋ ਵਧਾਈ ਗਈ ਹੈ। ਹੁਣ ਇਨ੍ਹਾਂ ਦੋਵਾਂ ਸ਼ਹਿਰਾਂ ਵਿੱਚ ਨਵੀਂ ਕੀਮਤ 106 ਰੁਪਏ ਪ੍ਰਤੀ ਕਿਲੋ ਹੋ ਗਈ ਹੈ।
 ਉੱਨਾਵ: ਗ੍ਰੀਨ ਗੈਸ ਲਿਮਟਿਡ ਨੇ ਸਭ ਤੋਂ ਵੱਧ ਵਾਧਾ ਉੱਨਾਵ ਵਿੱਚ ਕੀਤਾ ਹੈ, ਜਿੱਥੇ ਸੀ.ਐੱਨ.ਜੀ. ਦੀ ਕੀਮਤ ਵਿੱਚ ਸਿੱਧਾ 2.25 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ। ਇਸ ਵਾਧੇ ਤੋਂ ਬਾਅਦ ਉੱਨਾਵ ਵਿੱਚ ਹੁਣ ਸੀ.ਐੱਨ.ਜੀ. ਦੀ ਕੀਮਤ 106 ਰੁਪਏ ਪ੍ਰਤੀ ਕਿਲੋ ਹੋ ਗਈ ਹੈ।

ਗ੍ਰੀਨ ਗੈਸ ਲਿਮਟਿਡ 'ਗੇਲ ਇੰਡੀਆ ਲਿਮਟਿਡ' ਅਤੇ 'ਇੰਡੀਅਨ ਆਇਲ ਕਾਰਪੋਰੇਸ਼ਨ ਲਿਮਟਿਡ' ਦਾ ਇੱਕ ਸਾਂਝਾ ਉੱਦਮ ਹੈ, ਜਿਸ ਦੀ ਸਥਾਪਨਾ 7 ਅਕਤੂਬਰ 2005 ਨੂੰ ਹੋਈ ਸੀ। ਫਿਲਹਾਲ ਉੱਤਰ ਪ੍ਰਦੇਸ਼ ਵਿੱਚ ਇਸ ਕੰਪਨੀ ਦੇ ਸੀ.ਐੱਨ.ਜੀ. ਪੰਪ ਲਖਨਊ, ਆਗਰਾ, ਅਯੁੱਧਿਆ, ਸੁਲਤਾਨਪੁਰ ਅਤੇ ਉੱਨਾਵ ਵਿੱਚ ਹੀ ਸੰਚਾਲਿਤ ਹਨ।