Union Budget 2026: ਸ਼ਰਾਬ ਹੋਵੇਗੀ ਮਹਿੰਗੀ! ਪੜ੍ਹੋ ਵਿੱਤ ਮੰਤਰੀ ਨੇ ਕੀ ਕੀਤਾ ਐਲਾਨ

ਨਵੀਂ ਦਿੱਲੀ: ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਵਿੱਤੀ ਸਾਲ 2026-27 ਦੇ ਬਜਟ 'ਚ ਸ਼ਰਾਬ, ਸਕ੍ਰੈਪ ਅਤੇ ਖਣਿਜਾਂ ਦੇ ਵਿਕਰੇਤਾਵਾਂ ਲਈ ਟੈਕਸ ਪ੍ਰਣਾਲੀ ਵਿੱਚ ਅਹਿਮ ਬਦਲਾਅ ਕੀਤੇ ਹਨ। ਸਰਕਾਰ ਨੇ ਇਹਨਾਂ ਖੇਤਰਾਂ ਵਿੱਚ ਲਾਗੂ ਹੋਣ ਵਾਲੀ ਟੈਕਸ ਕਲੈਕਟਿਡ ਐਟ ਸੋਰਸ (TCS) ਦੀ ਦਰ ਨੂੰ ਸਰਲ ਬਣਾ ਕੇ 2 ਫੀਸਦੀ ਫਲੈਟ ਰੇਟ ਨਿਰਧਾਰਤ ਕਰ ਦਿੱਤੀ ਹੈ। ਇਸ ਨਵੇਂ ਫੈਸਲੇ ਤੋਂ ਪਹਿਲਾਂ, ਇਹਨਾਂ ਖੇਤਰਾਂ ਦੇ ਵਿਕਰੇਤਾਵਾਂ ਨੂੰ ਵੱਖ-ਵੱਖ ਦਰਾਂ 'ਤੇ TCS ਅਦਾ ਕਰਨਾ ਪੈਂਦਾ ਸੀ, ਜੋ ਕਈ ਸਥਿਤੀਆਂ ਵਿੱਚ ਮੌਜੂਦਾ 2 ਫੀਸਦੀ ਦੀ ਦਰ ਨਾਲੋਂ ਕਿਤੇ ਜ਼ਿਆਦਾ ਸੀ।

ਸਰਕਾਰ ਦੇ ਇਸ ਕਦਮ ਨਾਲ ਟੈਕਸ ਪ੍ਰਣਾਲੀ ਪਹਿਲਾਂ ਨਾਲੋਂ ਵਧੇਰੇ ਇਕਸਾਰ ਅਤੇ ਸਰਲ ਬਣੇਗੀ, ਜਿਸ ਨਾਲ ਵਿਕਰੇਤਾਵਾਂ 'ਤੇ ਟੈਕਸ ਪਾਲਣਾ ਦਾ ਬੋਝ ਘਟਣ ਦੀ ਉਮੀਦ ਹੈ। ਵਿੱਤ ਮੰਤਰਾਲੇ ਅਨੁਸਾਰ, ਇਹ ਤਬਦੀਲੀ ਸਰਕਾਰ ਦੀ ਟੈਕਸ ਉਗਰਾਹੀ ਪ੍ਰਣਾਲੀ ਨੂੰ ਵਧੇਰੇ ਕਾਰੋਬਾਰ-ਅਨੁਕੂਲ (business-friendly) ਬਣਾਉਣ ਦੇ ਉਦੇਸ਼ ਨਾਲ ਕੀਤੀ ਗਈ ਹੈ। ਦੂਜੇ ਪਾਸੇ ਮਾਹਰ ਇਸ ਦੇ ਪ੍ਰਭਾਵ ਨਾਲ ਹੋਰ ਮਹਿੰਗੀ ਹੋਣ ਜਾਣ ਦੀਆਂ ਕਿਆਸ ਲਗਾ ਰਹੇ ਹਨ।

ਤੰਬਾਕੂ 'ਤੇ ਲੱਗੇਗਾ 60 ਫੀਸਦੀ ਟੈਕਸ
ਤੰਬਾਕੂ ਉਤਪਾਦਾਂ ਦੇ ਸਬੰਧ ਵਿੱਚ ਵੀ ਬਜਟ ਵਿੱਚ ਇੱਕ ਮਹੱਤਵਪੂਰਨ ਸੋਧ ਦਾ ਐਲਾਨ ਕੀਤਾ ਗਿਆ ਹੈ। 1 ਮਈ, 2026 ਤੋਂ ਚਬਾਉਣ ਵਾਲੇ ਤੰਬਾਕੂ, ਜਰਦਾ ਅਤੇ ਇਸ ਤਰ੍ਹਾਂ ਦੇ ਹੋਰ ਉਤਪਾਦਾਂ 'ਤੇ ਨੈਸ਼ਨਲ ਕੈਲਾਮਿਟੀ ਕੰਟੀਜੈਂਟ ਡਿਊਟੀ (NCCD) ਦੀ ਦਰ ਨੂੰ ਕਾਗਜ਼ੀ ਤੌਰ 'ਤੇ 25 ਫੀਸਦੀ ਤੋਂ ਵਧਾ ਕੇ 60 ਫੀਸਦੀ ਕਰ ਦਿੱਤਾ ਜਾਵੇਗਾ। ਹਾਲਾਂਕਿ, ਇਸ ਬਦਲਾਅ ਦਾ ਆਮ ਖਪਤਕਾਰਾਂ ਜਾਂ ਨਿਰਮਾਤਾਵਾਂ 'ਤੇ ਟੈਕਸ ਦੇ ਰੂਪ ਵਿੱਚ ਕੋਈ ਵਾਧੂ ਵਿੱਤੀ ਬੋਝ ਨਹੀਂ ਪਵੇਗਾ।

ਦਰਅਸਲ, ਇਹ ਇੱਕ ਤਕਨੀਕੀ ਤਬਦੀਲੀ ਹੈ ਜਿਸ ਰਾਹੀਂ ਸਰਕਾਰ NCCD ਦੀ ਦਰ ਵਿੱਚ ਵਾਧਾ ਕਰ ਰਹੀ ਹੈ, ਪਰ ਨਾਲ ਹੀ ਆਬਕਾਰੀ ਡਿਊਟੀ (Excise Duty) ਦੇ ਹੋਰ ਤੱਤਾਂ ਨੂੰ ਘਟਾ ਕੇ ਪ੍ਰਭਾਵੀ ਟੈਕਸ ਦਰ ਨੂੰ ਪਹਿਲਾਂ ਜਿੰਨਾ ਹੀ ਬਰਕਰਾਰ ਰੱਖਿਆ ਜਾਵੇਗਾ। ਅਜਿਹਾ ਕਰਨ ਨਾਲ ਸਰਕਾਰ ਕੋਲ ਕੀਮਤਾਂ ਨੂੰ ਪ੍ਰਭਾਵਿਤ ਕੀਤੇ ਬਿਨਾਂ ਟੈਕਸਾਂ ਦੇ ਪ੍ਰਬੰਧਨ ਵਿੱਚ ਵਧੇਰੇ ਲਚਕਤਾ ਹੋਵੇਗੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e