ਰੇਲਵੇ ਯਾਤਰੀਆਂ ਲਈ ਵੱਡੀ ਖ਼ਬਰ: ਆਮ ਯਾਤਰੀ ਰੇਲਾਂ ਦੀ ਸਮਾਂ ਸਾਰਣੀ 'ਚ ਹੋਇਆ ਬਦਲਾਅ

8/1/2020 6:48:05 PM

ਨਵੀਂ ਦਿੱਲੀ — ਰੇਲਵੇ ਬੋਰਡ ਦੇ ਚੇਅਰਮੈਨ ਵਿਨੋਦ ਕੁਮਾਰ ਯਾਦਵ ਨੇ ਦੱਸਿਆ ਕਿ ਤਾਲਾਬੰਦੀ ਤੋਂ ਬਾਅਦ ਸਧਾਰਣ ਯਾਤਰੀ ਟ੍ਰੇਨ ਦਾ ਸਮਾਂ ਬਦਲ ਜਾਵੇਗਾ। ਰੇਲਵੇ ਮੰਤਰਾਲੇ ਨੇ ਨਵਾਂ ਟਾਈਮ ਟੇਬਲ ਤਿਆਰ ਕੀਤਾ ਹੈ। ਯਾਤਰੀ ਲਾਂਘੇ ਨੂੰ ਨਵੇਂ ਟਾਈਮ ਟੇਬਲ ਵਿਚ ਵੱਖਰੇ ਤੌਰ 'ਤੇ ਨਿਰਧਾਰਤ ਕੀਤਾ ਜਾਵੇਗਾ। ਇਕ ਸਮੇਂ ਦੇ ਅੰਤਰਾਲ ਵਿਚ ਸਿਰਫ ਯਾਤਰੀ ਰੇਲ ਗੱਡੀਆਂ ਚੱਲਣਗੀਆਂ। ਇੱਕ ਸਮੇਂ ਦਾ ਵਕਫਾ ਅਜਿਹਾ ਵੀ ਨਿਰਧਾਰਤ ਹੋਵੇਗਾ ਜਦੋਂ ਸਿਰਫ ਮਾਲ ਰੇਲ ਗੱਡੀਆਂ ਹੀ ਚੱਲਣਗੀਆਂ। ਹਰ 24 ਘੰਟੇ ਵਿਚੋਂ 3 ਘੰਟੇ ਸਿਰਫ ਰੱਖ-ਰਖਾਅ ਲਈ ਹੋਣਗੇ। ਜ਼ਿਕਰਯੋਗ ਹੈ ਕਿ ਰੇਲ ਗੱਡੀਆਂ ਦੇ ਬੰਦ ਹੋਣ ਸਮੇਂ ਦੌਰਾਨ 200 ਤੋਂ ਵੱਧ ਇਨਫਰਾਟ ਨਾਲ ਸਬੰਧਤ ਕੰਮ ਕੀਤੇ ਗਏ ਹਨ। ਜਿਸ ਨਾਲ ਰੇਲ ਦੀ ਔਸਤਨ ਰਫਤਾਰ ਵਧੀ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਜਿਸ ਰੂਟ 'ਤੇ ਜ਼ਰੂਰਤ ਹੋਵੇਗੀ ਰੇਲਵੇ ਉਸ ਰੂਟ 'ਤੇ ਵੀ ਗੱਡੀਆਂ ਚਲਾਉਣ ਲਈ ਤਿਆਰ ਹੋਵੇਗਾ।

ਮੌਜੂਦਾ ਸਮੇਂ 'ਚ 230 ਯਾਤਰੀ ਰੇਲ ਗੱਡੀਆਂ ਚੱਲ ਰਹੀਆਂ ਹਨ 75% ਆਕਯੂਪੈਂਸੀ ਹੈ। ਕਿਸੇ ਵੀ ਸੈਕਟਰ ਤੋਂ ਅਜੇ ਰੇਲ ਗੱਡੀਆਂ ਵਧਾਉਣ ਦੀ ਜ਼ਰੂਰਤ ਨਹੀਂ ਹੈ। ਰੇਲ ਗੱਡੀਆਂ ਜ਼ਰੂਰਤ ਪੈਣ 'ਤੇ ਚੱਲਣ ਲਈ ਤਿਆਰ ਹਨ।

ਇਹ ਵੀ ਪੜ੍ਹੋ- ਅਗਸਤ ਮਹੀਨੇ ਲਈ LPG ਸਿਲੰਡਰ ਦੀ ਨਵੀਂ ਕੀਮਤ ਜਾਰੀ, ਦੇਖੋ ਭਾਅ

ਨੁਕਸਾਨ ਦੀ ਭਰਪਾਈ 

ਵਿਨੋਦ ਕੁਮਾਰ ਯਾਦਵ ਨੇ ਕਿਹਾ ਕਿ ਰੇਲਵੇ ਨੁਕਸਾਨ ਦੀ ਭਰਪਾਈ ਮਾਲ ਢੁਆਈ ਰਾਂਹੀ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਪਿਛਲੇ 3 ਮਹੀਨਿਆਂ ਵਿਚ, ਖਰਚੇ 6-7% ਘੱਟ ਹੋਏ ਹਨ। ਜ਼ੀਰੋ ਬੇਸ ਟਾਈਮ ਟੇਬਲ 'ਤੇ ਕੰਮ ਹੋ ਰਿਹਾ ਹੈ।

ਰੇਲਵੇ ਬੋਰਡ ਦੇ ਚੇਅਰਮੈਨ ਵਿਨੋਦ ਕੁਮਾਰ ਯਾਦਵ ਨੇ ਦਿੱਤੀ ਜਾਣਕਾਰੀ 

ਵਿਨੋਦ ਕੁਮਾਰ ਯਾਦਵ ਨੇ ਕਿਹਾ ਕਿ ਸਾਲਾਨਾ ਯਾਤਰੀ ਰੇਲਗੱਡੀ ਰਾਂਹੀ ਹੋਣ ਵਾਲੀ ਆਮਦਨ 50 ਹਜ਼ਾਰ ਕਰੋੜ ਹੈ। ਰੇਲਵੇ ਨੇ ਕੋਰੋਨਾ ਸੰਕਟ ਨੂੰ ਇੱਕ ਮੌਕੇ ਵਿੱਚ ਬਦਲ ਕੀਤਾ ਹੈ। ਰੇਲ ਨੂੰ ਤਾਲਾਬੰਦੀ ਦੌਰਾਨ ਇੰਫਰਾ ਨਾਲ ਸੰਬੰਧਤ ਕੰਮ ਰਾਂਹੀ ਠੀਕ ਕੀਤਾ ਗਿਆ ਹੈ। ਕੋਰੋਨਾ ਯੁੱਗ ਵਿਚ 200 ਤੋਂ ਵੱਧ ਇਨਫਰਾ ਨਾਲ ਸਬੰਧਤ ਕੰਮ ਕਰਨ ਦਾ ਮੌਕਾ ਮਿਲਿਆ ਹੈ।

ਇਹ ਵੀ ਪੜ੍ਹੋ- ਰੱਖੜੀ 'ਤੇ ਖਰੀਦੋ ਸਸਤਾ ਸੋਨਾ, ਸਰਕਾਰ ਦੇ ਰਹੀ ਹੈ ਮੌਕਾ

ਇਸ ਸਮੇਂ ਦੌਰਾਨ ਫਰੇਟ ਟ੍ਰੇਨ ਦੀ ਔਸਤ ਸਪੀਡ 23 ਕਿਲੋਮੀਟਰ ਤੋਂ 46 ਕਿਲੋਮੀਟਰ ਤੱਕ ਵਧਾਈ ਗਈ ਹੈ। ਜਿਸ ਕਰਕੇ ਚੀਜ਼ਾਂ ਦੀ ਢੋਆ-ਢੁਆਈ ਦਾ ਸਮਾਂ ਕਾਫ਼ੀ ਘੱਟ ਗਿਆ ਹੈ। ਪਿਛਲੇ ਸਾਲ ਦੇ ਮੁਕਾਬਲੇ ਕਿਰਾਇਆ ਕਾਫ਼ੀ ਵਧਿਆ ਹੈ। ਭਾੜਾ 40 ਪ੍ਰਤੀਸ਼ਤ ਵਧਾਉਣ ਦਾ ਟੀਚਾ ਹੈ।

ਇਹ ਵੀ ਪੜ੍ਹੋ- ਕੇਨਰਾ ਬੈਂਕ ਨੇ ਲਾਂਚ ਕੀਤੀ 'ਕੋਰੋਨਾ ਕਵਚ' ਬੀਮਾ ਪਾਲਸੀ', ਤਿੰਨ ਕੰਪਨੀਆਂ ਨਾਲ ਕੀਤਾ ਸਮਝੌਤਾ



ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ

Harinder Kaur

Content Editor Harinder Kaur