ਰਾਤ ਨੂੰ ਰੰਗ-ਬਿਰੰਗੀ ਰੌਸ਼ਨੀ ਨਾਲ ਜਗਮਗ ਹੋਇਆ ਅਯੁੱਧਿਆ ਦਾ ਰਾਮ ਮੰਦਰ, ਦੀਵੇ ਜਗਾਉਣ ਲਈ ਇਕੱਠੇ ਹੋਏ ਸ਼ਰਧਾਲੂ

ਅਯੁੱਧਿਆ - ਰਾਮਲੱਲਾ ਦੀ ਪ੍ਰਾਣ ਪ੍ਰਤਿਸ਼ਠਾ ਸਮਾਰੋਹ ਤੋਂ ਬਾਅਦ ਸੋਮਵਾਰ ਸ਼ਾਮ ਨੂੰ ਰਾਮ ਮੰਦਰ ਸਣੇ ਅਯੁੱਧਿਆ ਦੇ ਸਾਰੇ ਮੰਦਰਾਂ ਨੂੰ ਰੋਸ਼ਨੀ ਨਾਲ ਸਜਾਇਆ ਗਿਆ ਅਤੇ ਆਸਮਾਨ ਪਟਾਕਿਆਂ ਦੀ ਚਮਕ ਨਾਲ ਦਿਵਾਲੀ ਵਾਂਗ ਜਗਮਗਾ ਉੱਠਿਆ। ਇੱਕ ਕੰਧ 'ਤੇ ਲਾਈਟਾਂ ਨਾਲ ਭਗਵਾਨ ਰਾਮ ਅਤੇ ਦੇਵੀ ਸੀਤਾ ਦੇ ਚਿੱਤਰ ਬਣਾਏ ਗਏ ਅਤੇ ਮੰਦਰ ਦੇ ਮੁੱਖ ਢਾਂਚੇ 'ਤੇ 'ਰਾਮ' ਨਾਮ ਪੇਸ਼ ਕੀਤਾ ਗਿਆ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ 'ਚ ਸੋਮਵਾਰ ਨੂੰ ਅਯੁੱਧਿਆ ਦੇ ਮੰਦਰ 'ਚ ਰਾਮਲੱਲਾ ਦੀ ਨਵੀਂ ਮੂਰਤੀ ਦੀ ਸਥਾਪਨਾ ਕੀਤੀ ਗਈ।

ਪ੍ਰਧਾਨ ਮੰਤਰੀ ਮੋਦੀ ਨੇ ਇਸ ਮੌਕੇ ਨੂੰ ਨਵੇਂ ਯੁੱਗ ਦੇ ਆਗਮਨ ਦਾ ਪ੍ਰਤੀਕ ਕਰਾਰ ਦਿੱਤਾ ਅਤੇ ਲੋਕਾਂ ਨੂੰ ਮੰਦਰ ਨਿਰਮਾਣ ਤੋਂ ਅੱਗੇ ਵਧਣ ਅਤੇ ਅਗਲੇ 1000 ਸਾਲਾਂ ਲਈ ਇੱਕ ਮਜ਼ਬੂਤ, ਸ਼ਾਨਦਾਰ ਅਤੇ ਦੈਵੀ ਭਾਰਤ ਦੀ ਨੀਂਹ ਬਣਾਉਣ ਦਾ ਸੱਦਾ ਦਿੱਤਾ। ਸੂਰਜ ਛਿਪਣ ਤੋਂ ਬਾਅਦ ਲੋਕਾਂ ਨੇ ਆਪਣੇ ਘਰਾਂ ਨੂੰ ਦੀਵਿਆਂ ਨਾਲ ਵੀ ਰੌਸ਼ਨ ਕੀਤਾ। ਰਾਜ ਸਦਨ ਦੇ ਸਜਾਏ ਗੇਟ 'ਲਕਸ਼ਮੀਦਵਾਰ' ਦੇ ਸਾਹਮਣੇ ਸੋਮਵਾਰ ਦੇਰ ਰਾਤ ਤੱਕ ਸੈਂਕੜੇ ਲੋਕ, ਸਥਾਨਕ ਨਿਵਾਸੀ ਅਤੇ ਦਰਸ਼ਕ ਫੋਟੋਆਂ ਜਾਂ ਸੈਲਫੀ ਲੈਣ ਲਈ ਮੌਜੂਦ ਰਹੇ। ਪ੍ਰਵੇਸ਼ ਦੁਆਰ ਦੇ ਸਿਖਰ 'ਤੇ ਭਗਵਾਨ ਰਾਮ ਦੀ ਧਨੁਸ਼-ਤੀਰ ਫੜੀ ਹੋਈ ਤਸਵੀਰ ਲਗਾਈ ਗਈ ਹੈ ਅਤੇ ਇੱਥੇ 'ਜੈ ਸ਼੍ਰੀ ਰਾਮ' ਦੇ ਨਾਅਰੇ ਗੂੰਜ ਰਹੇ ਹਨ। ਪ੍ਰਵੇਸ਼ ਦੁਆਰ ਦੇ ਹੇਠਾਂ ਇੱਕ ਝੰਡਾਬਰ ਲਗਾਇਆ ਗਿਆ ਹੈ। ਇਹ ਸਜਾਵਟ ਨੇੜਲੇ ਰਾਮ ਮਾਰਗ ਤੋਂ ਲੰਘਣ ਵਾਲੇ ਲੋਕਾਂ ਦਾ ਧਿਆਨ ਖਿੱਚ ਰਹੀ ਹੈ। ਬੇਗਮਪੁਰਾ ਇਲਾਕੇ ਵਿੱਚ ਕਈ ਮਹੀਨੇ ਪਹਿਲਾਂ ਖੋਲ੍ਹੇ ਗਏ ਪ੍ਰਭਰਾਜ ਪੈਲੇਸ ਨੂੰ ਵੀ ਲਾਈਟਾਂ ਨਾਲ ਜਗਮਗਾਇਆ ਗਿਆ।

ਪ੍ਰਵੇਸ਼ ਦੁਆਰ ਦੇ ਸਿਖਰ 'ਤੇ ਭਗਵਾਨ ਰਾਮ ਦੀ ਧਨੁਸ਼-ਤੀਰ ਫੜੀ ਹੋਈ ਤਸਵੀਰ ਲਗਾਈ ਗਈ ਹੈ ਅਤੇ ਇੱਥੇ 'ਜੈ ਸ਼੍ਰੀ ਰਾਮ' ਦੇ ਨਾਅਰੇ ਗੂੰਜ ਰਹੇ ਹਨ। ਪ੍ਰਵੇਸ਼ ਦੁਆਰ ਦੇ ਹੇਠਾਂ ਇੱਕ ਝੂਮਰ ਲਗਾਇਆ ਗਿਆ ਹੈ। ਇਹ ਸਜਾਵਟ ਨੇੜਲੇ ਰਾਮ ਮਾਰਗ ਤੋਂ ਲੰਘਣ ਵਾਲੇ ਲੋਕਾਂ ਦਾ ਧਿਆਨ ਖਿੱਚ ਰਹੀ ਹੈ। ਬੇਗਮਪੁਰਾ ਇਲਾਕੇ 'ਚ ਕਈ ਮਹੀਨੇ ਪਹਿਲਾਂ ਖੋਲ੍ਹੇ ਗਏ ਪ੍ਰਭਰਾਜ ਪੈਲੇਸ ਨੂੰ ਵੀ ਲਾਈਟਾਂ ਨਾਲ ਜਗਮਗਾਇਆ ਗਿਆ।