ਯੂਪੀ ''ਚ ਇਕ ਹੋਰ ਪ੍ਰੀਖਿਆ ਰੱਦ, 8 ਦਸੰਬਰ ਨੂੰ ਹੋਣਾ ਸੀ ਇਹ ਪ੍ਰੀਲਿਮਸ ਐਗਜ਼ਾਮ

ਲਖਨਊ : ਉੱਤਰ ਪ੍ਰਦੇਸ਼ ਵਿਚ ਇਕ ਹੋਰ ਪ੍ਰੀਖਿਆ ਮੁਲਤਵੀ ਕਰ ਦਿੱਤੀ ਗਈ ਹੈ। ਉੱਤਰ ਪ੍ਰਦੇਸ਼ ਹਾਇਰ ਜੁਡੀਸ਼ੀਅਲ ਸਰਵਿਸਿਜ਼ (ਯੂਪੀਐੱਚਜੇਐੱਸ) ਪ੍ਰੀਖਿਆ 2023 ਦੀ ਮੁੱਢਲੀ ਪ੍ਰੀਖਿਆ ਨੂੰ ਮੁਲਤਵੀ ਕਰਨ ਦਾ ਫੈਸਲਾ ਕੀਤਾ ਗਿਆ ਹੈ। ਇਹ ਪ੍ਰੀਖਿਆ 8 ਦਸੰਬਰ 2024 ਨੂੰ ਹੋਣੀ ਸੀ। ਇਸ ਇਮਤਿਹਾਨ ਦੀ ਨਵੀਂ ਮਿਤੀ ਨਿਰਧਾਰਤ ਸਮੇਂ 'ਤੇ ਅਧਿਕਾਰਤ ਵੈੱਬਸਾਈਟ ਰਾਹੀਂ ਦਿੱਤੀ ਜਾਵੇਗੀ।

ਦਰਅਸਲ, ਇਲਾਹਾਬਾਦ ਹਾਈ ਕੋਰਟ HJS ਭਰਤੀ 2023 ਮੁਹਿੰਮ ਦੁਆਰਾ ਕੁੱਲ 83 ਅਸਾਮੀਆਂ ਦੀ ਨਿਯੁਕਤੀ ਕੀਤੀ ਜਾਣੀ ਹੈ। ਇਸ ਦੀਆਂ ਅਰਜ਼ੀਆਂ 15 ਮਾਰਚ 2024 ਤੋਂ 15 ਮਈ 2024 ਤੱਕ ਮੰਗੀਆਂ ਗਈਆਂ ਸਨ ਅਤੇ ਪ੍ਰੀਖਿਆ 8 ਦਸੰਬਰ 2024 ਲਈ ਨਿਰਧਾਰਤ ਕੀਤੀ ਗਈ ਸੀ। ਹੁਣ ਇਲਾਹਾਬਾਦ ਹਾਈ ਕੋਰਟ ਨੇ ਇਸ ਪ੍ਰੀਖਿਆ ਨੂੰ ਮੁਲਤਵੀ ਕਰਨ ਦਾ ਫੈਸਲਾ ਕੀਤਾ ਹੈ। ਹਾਲਾਂਕਿ ਪ੍ਰੀਖਿਆ ਮੁਲਤਵੀ ਕਰਨ ਲਈ ਅਟੱਲ ਪ੍ਰਬੰਧਕੀ ਕਾਰਨ ਦੱਸੇ ਗਏ ਹਨ। ਨਾਲ ਹੀ ਬਿਨੈਕਾਰਾਂ ਨੂੰ ਨਵੀਨਤਮ ਜਾਣਕਾਰੀ ਲਈ ਅਧਿਕਾਰਤ ਵੈੱਬਸਾਈਟ 'ਤੇ ਨਜ਼ਰ ਰੱਖਣ ਦੀ ਸਲਾਹ ਦਿੱਤੀ ਗਈ ਹੈ।

ਇਹ ਵੀ ਪੜ੍ਹੋ : ਇਸ ਵਾਰ ਝਾਰਖੰਡ 'ਚ JMM ਤੇ ਕਾਂਗਰਸ ਦਾ ਹੋਵੇਗਾ ਸਫਾਇਆ : ਨਰਿੰਦਰ ਮੋਦੀ

ਦੱਸਣਯੋਗ ਹੈ ਕਿ ਇਸ ਤੋਂ ਪਹਿਲਾਂ ਯੂਪੀ ਵਿਚ ਕਈ ਭਰਤੀ ਪ੍ਰੀਖਿਆਵਾਂ ਨੂੰ ਮੁਲਤਵੀ ਕਰ ਦਿੱਤਾ ਗਿਆ ਸੀ, ਜਿਸ ਵਿਚ ਯੂਪੀ ਪੀਸੀਐੱਸ 2024 ਅਤੇ ਸਮੀਖਿਆ ਅਧਿਕਾਰੀ (ਆਰਓ) ਅਤੇ ਸਹਾਇਕ ਸਮੀਖਿਆ ਅਧਿਕਾਰੀ (ਏਆਰਓ) ਅਤੇ ਯੂਪੀ ਤਕਨੀਕੀ ਸਿੱਖਿਆ ਸੇਵਾਵਾਂ ਪ੍ਰੀਖਿਆ (ਯੂਪੀ ਟੀਈ ਪ੍ਰੀਖਿਆ) ਸ਼ਾਮਲ ਹਨ। ਇਹ ਪ੍ਰੀਖਿਆਵਾਂ ਪਹਿਲਾਂ ਅਕਤੂਬਰ ਵਿਚ ਹੋਣੀਆਂ ਸਨ। ਕਮਿਸ਼ਨ ਨੇ ਹੁਣ ਦਸੰਬਰ ਵਿਚ ਯੂਪੀ ਪੀਸੀਐੱਸ ਅਤੇ ਆਰਓ/ਏਆਰਓ ਪ੍ਰੀਖਿਆਵਾਂ ਕਰਵਾਉਣ ਦਾ ਫੈਸਲਾ ਕੀਤਾ ਹੈ। ਹਾਲਾਂਕਿ ਇਨ੍ਹਾਂ ਦੋਵਾਂ ਪ੍ਰੀਖਿਆਵਾਂ ਲਈ ਵੱਡੀ ਗਿਣਤੀ 'ਚ ਉਮੀਦਵਾਰ ਸੜਕਾਂ 'ਤੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8