ਅਸ਼ਲੀਲ ਵੀਡੀਓ ਦੇਖਣ ਤੋਂ ਬਾਅਦ ਕੀਤਾ ਗੰਦਾ ਕੰਮ ਅਤੇ ਫਿਰ ਕਤਲ! ਭੈਣ-ਭਰਾ ਦੇ ਰਿਸ਼ਤੇ ਹੋਏ ਤਾਰ-ਤਾਰ

ਮੱਧ ਪ੍ਰਦੇਸ਼ : ਰੀਵਾ ਤੋਂ ਭੈਣ-ਭਰਾ ਦੇ ਰਿਸ਼ਤੇ ਨੂੰ ਤਾਰ-ਤਾਰ ਕਰ ਦੇਣ ਵਾਲੀ ਘਟਨਾ ਵਾਪਰੀ ਹੈ।  ਇੱਥੇ ਜਾਵਾ ਇਲਾਕੇ ਵਿੱਚ ਇੱਕ 13 ਸਾਲ ਦੇ ਨਾਬਾਲਗ ਲੜਕੇ ਨੇ ਪਹਿਲਾਂ ਇੱਕ ਅਸ਼ਲੀਲ ਵੀਡੀਓ ਦੇਖੀ ਅਤੇ ਫਿਰ ਕੋਲ ਸੌਂ ਰਹੀ ਆਪਣੀ ਨਾਬਾਲਗ ਭੈਣ ਨਾਲ ਜ਼ਬਰ-ਜਨਾਹ ਕੀਤਾ। ਇਸ ਹਰਕਤ ਨੂੰ ਛੁਪਾਉਣ ਲਈ ਉਸ ਨੇ ਆਪਣੀ ਭੈਣ ਦਾ ਕਤਲ ਕਰ ਦਿੱਤਾ। ਇਸ ਦੌਰਾਨ ਮਾਂ ਨੇ ਪੁੱਤਰ ਦੇ ਜੁਰਮ 'ਤੇ ਪਰਦਾ ਪਾਉਣ ਦਾ ਕੰਮ ਵੀ ਕੀਤਾ। ਹੁਣ ਇਹ ਸਾਰੇ ਪੁਲਸ ਦੀ ਹਿਰਾਸਤ ਵਿੱਚ ਹਨ। ਪੁਲਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਅਤੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਲੜਕੀ ਦੀ ਮੌਤ ਗਲਾ ਘੁੱਟਣ ਨਾਲ ਹੋਈ ਹੈ।
ਮਾਂ ਨੇ ਰਚੀ ਝੂਠੀ ਕਹਾਣੀ 
ਰੀਵਾ ਪੁਲਸ ਨੇ ਸਬੂਤ ਲੁਕਾਉਣ ਦੇ ਦੋਸ਼ 'ਚ ਦੋਸ਼ੀ ਨਾਬਾਲਗ ਲੜਕੇ ਦੇ ਨਾਲ-ਨਾਲ ਉਸ ਦੀ ਮਾਂ ਅਤੇ ਦੋ ਭੈਣਾਂ ਨੂੰ ਹਿਰਾਸਤ 'ਚ ਲਿਆ ਹੈ। ਬਲਾਤਕਾਰ ਦੀ ਘਟਨਾ 24 ਜੁਲਾਈ ਦੀ ਰਾਤ ਨੂੰ ਵਾਪਰੀ ਸੀ। ਲੜਕੀ ਦੇ ਕਤਲ ਤੋਂ ਬਾਅਦ ਮਾਂ ਅਤੇ ਦੋ ਭੈਣਾਂ ਨੇ ਦੋਸ਼ੀ ਭਰਾ ਨੂੰ ਬਚਾਉਣ ਲਈ ਝੂਠੀ ਕਹਾਣੀ ਦਾ ਸਹਾਰਾ ਲਿਆ ਸੀ। ਉਹ ਪੀੜਤਾ ਦੀ ਲਾਸ਼ ਨੂੰ ਡਾਕਟਰ ਕੋਲ ਲੈ ਗਏ ਅਤੇ ਕਿਹਾ ਕਿ ਉਸ ਨੂੰ ਕਿਸੇ ਕੀੜੇ ਨੇ ਡੰਗ ਲਿਆ ਸ ਅਤੇ ਉਦੋਂ ਤੋਂ ਉਹ ਨਹੀਂ ਉੱਠ ਨਹੀਂ ਰਹੀ। ਜਦੋਂ ਇਲਾਕੇ ਦੇ ਪ੍ਰਾਈਵੇਟ ਡਾਕਟਰ ਨੇ ਲੜਕੀ ਨੂੰ ਦੇਖਿਆ ਤਾਂ ਉਸ ਨੇ ਉਸ ਨੂੰ ਹਸਪਤਾਲ ਜਾਣ ਦੀ ਸਲਾਹ ਦਿੱਤੀ।

ਭਰਾ ਨੇ ਕਬੂਲਿਆ ਆਪਣਾ ਗੁਨਾਹ!

ਮਾਂ ਪੀੜਤ ਨੂੰ ਸਰਕਾਰੀ ਹਸਪਤਾਲ ਲੈ ਗਈ। ਇੱਥੇ ਵੀ ਉਸਨੇ ਉਹੀ ਕੀੜੇ ਕੱਟਣ ਦੀ ਕਹਾਣੀ ਸੁਣਾਈ। ਪਰ ਜਦੋਂ ਡਾਕਟਰ ਨੇ ਬੱਚੀ ਦੀ ਜਾਂਚ ਕੀਤੀ ਤਾਂ ਸਾਹਮਣੇ ਆਇਆ ਕਿ ਉਹ ਮਰ ਚੁੱਕੀ ਸੀ ਅਤੇ ਉਸ ਨਾਲ ਜ਼ਬਰ-ਜਨਾਹ ਹੋਇਆ ਸੀ। ਇਸ ਤੋਂ ਬਾਅਦ ਡਾਕਟਰ ਨੇ ਇਸ ਮਾਮਲੇ ਦੀ ਸੂਚਨਾ ਸਥਾਨਕ ਪੁਲਸ ਨੂੰ ਦਿੱਤੀ। ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਪੁਲਸ ਨੇ ਕਈ ਲੋਕਾਂ ਤੋਂ ਪੁੱਛਗਿੱਛ ਕੀਤੀ ਅਤੇ ਆਖਰਕਾਰ ਕਾਤਲ ਤੱਕ ਪਹੁੰਚ ਗਈ। ਦੱਸਿਆ ਜਾ ਰਿਹਾ ਹੈ ਕਿ 13 ਸਾਲ ਦੇ ਨਾਬਾਲਗ ਮੁਲਜ਼ਮ ਨੇ ਆਪਣਾ ਜੁਰਮ ਕਬੂਲ ਕਰ ਲਿਆ ਹੈ।

ਵੱਡੀਆਂ ਭੈਣਾਂ ਨੇ ਵੀ ਦਿੱਤਾ ਸਾਥ

ਪੁਲਸ ਨੇ ਲੜਕੀ ਦੀ ਲਾਸ਼ ਦਾ ਪੋਸਟਮਾਰਟਮ ਕਰਵਾਇਆ, ਜਿਸ ਵਿੱਚ ਜ਼ਬਰ-ਜਨਾਹ ਅਤੇ ਗਲਾ ਘੁੱਟਣ ਦੀ ਪੁਸ਼ਟੀ ਹੋਈ। ਪੁਲਸ ਨੇ ਜਾਂਚ ਸ਼ੁਰੂ ਕੀਤੀ ਅਤੇ ਆਈ. ਜੀ. , ਡੀ. ਆਈ. ਜੀ., ਐੱਸ. ਪੀ. ਨੇ ਪਿੰਡ ਦਾ ਦੌਰਾ ਕੀਤਾ ਅਤੇ ਐਸਆਈਟੀ ਦਾ ਗਠਨ ਕੀਤਾ ਗਿਆ ਅਤੇ ਮਾਮਲੇ ਨੂੰ ਗੰਭੀਰਤਾ ਨਾਲ ਲਿਆ ਗਿਆ। ਪੁਲਸ ਨੇ ਦੱਸਿਆ ਕਿ 9 ਸਾਲਾ ਲੜਕੀ ਨਾਲ ਜ਼ਬਰ-ਜਨਾਹ ਦੀ ਘਟਨਾ ਵਿੱਚ ਉਸ ਨਾਲ ਜ਼ਬਰ-ਜਨਾਹ ਕਰਨ ਵਾਲਾ ਉਸ ਦਾ 13 ਸਾਲਾ ਭਰਾ, ਸਬੂਤ ਲੁਕਾਉਣ ਵਿੱਚ ਮਦਦ ਕਰਨ ਵਾਲੀ ਉਸ ਦੀ ਮਾਂ, ਉਸ ਦੀ 18 ਸਾਲਾ ਵੱਡੀ ਭੈਣ ਅਤੇ ਉਸ ਦੀ 17 ਸਾਲਾ ਸਾਲਾ ਨਾਬਾਲਗ ਭੈਣ ਸ਼ਾਮਲ ਹਨ। ਇਨ੍ਹਾਂ ਸਾਰਿਆਂ ਨੂੰ ਹਿਰਾਸਤ 'ਚ ਲੈ ਕੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।

ਇੰਝ ਵਾਪਰੀ ਪੂਰੀ ਘਟਨਾ

ਦੱਸਿਆ ਜਾ ਰਿਹਾ ਹੈ ਕਿ ਮੁਲਜ਼ਮ ਇਕਲੌਤਾ ਲੜਕਾ ਹੋਣ ਕਾਰਨ ਸਾਰਿਆਂ ਦਾ ਚਹੇਤਾ ਹੈ। ਪਰਿਵਾਰ ਵਿੱਚ 3 ਲੜਕੀਆਂ, ਇੱਕ ਲੜਕਾ ਅਤੇ ਮਾਤਾ-ਪਿਤਾ ਸਮੇਤ 6 ਲੋਕ ਰਹਿੰਦੇ ਸਨ। ਘਰ ਵਿੱਚ ਕੋਈ ਦਰਵਾਜ਼ਾ ਨਹੀਂ ਸੀ, ਜਿਸ ਕਾਰਨ ਲੋਕ ਆਸਾਨੀ ਨਾਲ ਘਰ ਦੇ ਅੰਦਰ ਆ ਸਕਦੇ ਸਨ। ਜਿਸ ਥਾਂ 'ਤੇ ਪੀੜਤ ਲੜਕੀ ਦੀ ਮੌਤ ਹੋਈ, ਉਸ ਥਾਂ 'ਤੇ ਲੜਕੀ ਦਾ 13 ਸਾਲਾ ਭਰਾ ਉਸ ਨਾਲ ਸੌਂ ਰਿਹਾ ਸੀ। ਦੋ ਭੈਣਾਂ ਅਤੇ ਮਾਂ ਅਲੱਗ-ਅਲੱਗ ਸੌਂ ਰਹੀਆਂ ਸਨ। ਲੜਕੇ ਨੂੰ ਅਸ਼ਲੀਲ ਫਿਲਮਾਂ ਦੇਖਣ ਦੀ ਬੁਰੀ ਆਦਤ ਪੈ ਗਈ ਸੀ। ਅਸ਼ਲੀਲ ਵੀਡੀਓ ਦੇਖਣ ਤੋਂ ਬਾਅਦ ਲੜਕੇ ਨੇ ਆਪਣੀ 9 ਸਾਲ ਦੀ ਭੈਣ ਦਾ ਮੂੰਹ ਦਬਾ ਕੇ ਉਸ ਨਾਲ ਜ਼ਬਰ-ਜਨਾਹ ਕੀਤਾ, ਜੋ ਉਸ ਨਾਲ ਉਸੇ ਬੈੱਡ 'ਤੇ ਸੌਂ ਰਹੀ ਸੀ। ਭੈਣ ਨੇ ਕਿਹਾ ਕਿ ਉਹ ਸਵੇਰੇ ਇਸ ਬਾਰੇ ਆਪਣੇ ਪਿਤਾ ਨੂੰ ਦੱਸੇਗੀ। ਭਰਾ ਡਰ ਗਿਆ ਅਤੇ ਆਪਣੀ ਭੈਣ ਦਾ ਗਲਾ ਘੁੱਟ ਕੇ ਜਾਨੋਂ ਮਾਰਨ ਦੀ ਕੋਸ਼ਿਸ਼ ਕੀਤੀ, ਜਦੋਂ ਉਸ ਨੂੰ ਪਤਾ ਲੱਗਾ ਕਿ ਉਸ ਦੀ ਭੈਣ ਮਰ ਚੁੱਕੀ ਹੈ ਤਾਂ ਉਸ ਨੇ ਆਪਣੀ ਮਾਂ ਨੂੰ ਸੂਚਿਤ ਕੀਤਾ। ਮਾਂ ਨੇ ਜਾਗ ਕੇ ਦੇਖਿਆ ਕਿ ਬੱਚੀ ਸਾਹ ਲੈ ਰਹੀ ਸੀ। ਭਰਾ ਨੇ ਮਾਂ ਦੇ ਸਾਹਮਣੇ ਹੀ ਲੜਕੀ ਦਾ ਗਲਾ ਘੁੱਟ ਕੇ ਕਤਲ ਕਰ ਦਿੱਤਾ। ਇਸ ਦੌਰਾਨ ਦੋਵੇਂ ਭੈਣਾਂ ਵੀ ਉੱਠੀਆਂ। ਚਾਰਾਂ ਨੇ ਮਿਲ ਕੇ ਇਸ ਘਟਨਾ ਨੂੰ ਛੁਪਾਉਣ ਦੀ ਕੋਸ਼ਿਸ਼ ਕੀਤੀ ਅਤੇ ਸਾਰਿਆਂ ਨੂੰ ਕੀੜੇ ਦੇ ਕੱਟਣ ਬਾਰੇ ਦੱਸਿਆ। ਹਾਲਾਂਕਿ, ਪੁਲਸ ਸਾਹਮਣੇ ਇਹ ਝੂਟ ਜ਼ਿਆਦਾ ਦੇਰ ਟਿਕ ਨਹੀਂ ਸਕਿਆ ਤੇ ਸਾਰਾ ਭੇਦ ਖੁੱਲ ਗਿਆ।